ଭାରତରେ ମିଳିବାକୁ ଯାଉଛି ଏହିସବୁ ବେଷ୍ଟ ହାଇବ୍ରିଡ୍ କାର୍, ଜାଣନ୍ତୁ ଦାମ୍

ହାଇବ୍ରିଡ୍ କାରରେ ଏକ ଇଣ୍ଟରନାଲ କମ୍ବଶନ ଇଞ୍ଜିନ୍ ଅଛି ଏବଂ ସେହି ସମୟରେ କାରର ଇଞ୍ଜିନ ମଧ୍ୟ ଇଲେକ୍ଟ୍ରିକ ମୋଟର ସହିତ ସଂଯୁକ୍ତ । ଭାରତୀୟ ବଜାରରେ ହାଇବ୍ରିଡ୍ କାରଗୁଡିକର ଅନେକ ଅପ୍ସନ ଅଛି । ହାଇବ୍ରିଡ୍ କାର୍ ଅପ୍ସନଗୁଡ଼ିକରେ ଟୟୋଟା ଠାରୁ ବିଏମଡବ୍ଲୁ ପର୍ଯ୍ୟନ୍ତ ଅନେକ କାର ଅନ୍ତର୍ଭୁକ୍ତ । ଏହି କାରଗୁଡିକର ମୂଲ୍ୟ ଲକ୍ଷରୁ କୋଟି ଟଙ୍କା ପର୍ଯ୍ୟନ୍ତ ରହିଛି ।

Volkswagen Taigun: Volkswagen Taigun ଏକ ଭଲ ହାଇବ୍ରିଡ୍ କାର । ସୁରକ୍ଷା ପାଇଁ ଏହି କାରକୁ ୬ଟି ଏୟାରବ୍ୟାଗ ଯୋଗାଇ ଦିଆଯାଇଛି । ଏହି କାରରେ ପାର୍କ ଡିଷ୍ଟାନ୍ସ କଣ୍ଟ୍ରୋଲ ଏବଂ ବ୍ୟାକ ଭ୍ଯୁ କ୍ୟାମେରାର ଫିଚର ମଧ୍ୟ ପ୍ରଦାନ କରାଯାଇଛି । ଏହି ଭୋଲ୍ସୱେଗେନ କାରର ଏକ୍ସ ଶୋ’ରୁମ୍ ମୂଲ୍ୟ ୧୧.୭୦ ଲକ୍ଷରୁ ଆରମ୍ଭ ହୋଇଛି ଏବଂ ଏହାର ଟପ୍-ଏଣ୍ଡ୍ ଭାରିଆଣ୍ଟର ମୂଲ୍ୟ ୨୦ ଲକ୍ଷ ଟଙ୍କା ପର୍ଯ୍ୟନ୍ତ ରହିଛି ।

Volvo XC90: Volvo XC90 ବିଳାସପୂର୍ଣ୍ଣ ହାଇବ୍ରିଡ୍ କାର ଲିଷ୍ଟରେ ଅନ୍ତର୍ଭୁକ୍ତ । ଏହି କାରର ମୂଲ୍ୟ ପାଖାପାଖି ୧ କୋଟି ଟଙ୍କା । ଏହି କାରରେ ଏୟାର ପ୍ୟୁରିଫାୟାରର ଫିଚର ଅଛି । ଏହି କାରରେ ପାର୍କିଂ ପାଇଁ ୩୬୦-ଡ଼ିଗ୍ରୀ କ୍ୟାମେରା ଫିଚର ମଧ୍ୟ ଅଛି ।

Maruti Suzuki Invicto: ମାରୁତି ସୁଜୁକି ଇନଭିକ୍ଟୋ ଆଡଭାନ୍ସଡ୍ ଇଲେକ୍ଟ୍ରିକ ହାଇବ୍ରିଡ୍ ସିଷ୍ଟମ୍ ସହିତ ସଜ୍ଜିତ । ଡ୍ରାଇଭିଂ କଣ୍ଡିସନ ଅନୁଯାୟୀ, ଏହି କାରକୁ ପିଓର ଇଲେକ୍ଟ୍ରିକ୍, ପେଟ୍ରୋଲ୍ ମୋଡ୍ କିମ୍ବା ହାଇବ୍ରିଡ୍ ମୋଡ୍ କୁ ପରିବର୍ତ୍ତନ କରାଯାଇପାରିବ । ନେକ୍ସା ଡିଲରସିପ୍ ଠାରୁ ଏହି କାରର ଏକ୍ସ ଶୋ’ରୁମ୍ ମୂଲ୍ୟ ୨୫,୨୧ ଲକ୍ଷରୁ ଆରମ୍ଭ ହୋଇ ୨୮,୯୨ ଲକ୍ଷ ଟଙ୍କା ପର୍ଯ୍ୟନ୍ତ ଯାଏ ।

BMW XM: ଏହି କାରରେ ହାଇ ପରଫରମାନ୍ସ M ଟ୍ୱିନ ପାୱାର ଟାର୍ବୋ V8- ସିଲିଣ୍ଡର ପେଟ୍ରୋଲ ଇଞ୍ଜିନ ଲାଗିଛି । ଯାହାଦ୍ୱାରା ୪୮୦kW କିମ୍ବା ୬୫୩ hpର ପାୱାର ମିଳିଥାଏ ଏବଂ ୮୦୦ Nm ଟର୍କ ଜେନେରେଟ ହୋଇଥାଏ । BMWର ଏହି କାରଟି ୪.୩ ସେକେଣ୍ଡରେ ୦ ରୁ ୧୦୦ କିଲୋମିଟର ପର୍ଯ୍ୟନ୍ତ ତ୍ୱରାନ୍ୱିତ ହୋଇପାରେ ।

Toyota Taisor: ଟୟୋଟା ଅର୍ବାନ କ୍ରୁଜର ଟାଇସର ଚଳିତ ବର୍ଷ ଲଞ୍ଚ ହୋଇଛି । ଏହି କାର ୨୨.୮ kmpl ମାଇଲେଜ ଦେଇଥାଏ । ଏହି ଟୟୋଟା କାର ୫.୩ ସେକେଣ୍ଡରେ ୦ ରୁ ୬୦ kmph ପର୍ଯ୍ୟନ୍ତ ତ୍ୱରାନ୍ୱିତ କରିବାକୁ ସକ୍ଷମ ଅଟେ । ଆପଣ ଏହି କାର୍ କୁ ଆପଣଙ୍କର ସ୍ମାର୍ଟ ୱାଚ୍ ସହିତ ମଧ୍ୟ କନେକ୍ଟ କରିପାରିବେ, ଯାହାଫଳରେ ଆପଣ କାରଠାରୁ ଦୂରରେ ଥାଇ ମଧ୍ୟ କାର ବିଷୟରେ ଅପଡେଟ୍ ପାଇପାରିବେ । ଏହି ହାଇବ୍ରିଡ୍ କାରର ଏକ୍ସ ଶୋ’ରୁମ୍ ମୂଲ୍ୟ ୭.୭୪ ଲକ୍ଷରୁ ଆରମ୍ଭ ହୋଇ ୧୩.୦୪ ଲକ୍ଷ ଟଙ୍କା ପର୍ଯ୍ୟନ୍ତ ଯାଏ ।