photo credit: Hindustan
ନୂଆଦିଲ୍ଲୀ : ଦେଶରେ ଗୋଟିଏ ପରେ ଗୋଟିଏ କରୋନା ଟିକା ବିକଶିତ ହେବାରେ ଲାଗିଛି । ହେଲେ ଏହି ଟିକା ମଧ୍ୟରେ ସବୁଠୁ ଶସ୍ତା ଟିକା ପ୍ରସ୍ତୁତ କରିବାକୁ ଯାଉଛି ହାଇଦ୍ରାବାଦ ସ୍ଥିତ ବାୟୋଲୋଜିକାଲ ଇ ଲିମିଟେଡ ପକ୍ଷରୁ ପ୍ରସ୍ତୁତ ଟିକା କର୍ବେଭାକ୍ସ । ଏହା ଦେଶର ସବୁଠୁ ଶସ୍ତା ଟିକା ହେବ ବୋଲି ଆଶା କରାଯାଉଛି । ଏହି ୨ଟି ଡୋଜ୍ ଟିକାର ମୂଲ୍ୟ ପ୍ରାୟ ୫୦୦ ଟଙ୍କା ହେବ ବୋଲି ଆଶା କରାଯାଉଛି ।
ତେବେ ଏପର୍ଯ୍ୟନ୍ତ ଟିକାର ମୂଲ୍ୟ ସ୍ଥିର କରାଯାଇନାହିଁ । ଏହି ଟିକାର ୩ୟ ପର୍ଯ୍ୟାୟ ପରୀକ୍ଷଣ ଚାଲିଛି ଏବଂ ଏହା ଜରୁରୀକାଳୀନ ବ୍ୟବହାର ପାଇଁ ସରକାରଙ୍କ ମଞ୍ଜୁରୀ ଅପେକ୍ଷାରେ ରହିଛି । ଉକ୍ତ ଟିକା କିଣିବା ପାଇଁ ସ୍ୱାସ୍ଥ୍ୟ ମନ୍ତ୍ରଣାଳୟ କମ୍ପାନି ସହ ଆଗୁଆ ରାଜିନାମା ମଧ୍ୟ କରିସାରିଛି । ସରକାର କମ୍ପାନି ଠାରୁ ୩୦ କୋଟି ଟିକା କିଣିବେ ବୋଲି ଜଣାପଡ଼ିଛି ।
ଅକ୍ସଫୋର୍ଡ-ସିରମ ଇନ୍ଷ୍ଟିଚ୍ୟୁଟ ଅଫ୍ ଇଣ୍ଡିଆ କୋଭାସିଲ୍ଡ ଟିକାର ୨ଟି ଡୋଜ୍ ମୂଲ୍ୟ ରାଜ୍ୟ ସରକାରଙ୍କ ପାଇଁ ୬୦୦ ଟଙ୍କା ରଖିଥିବା ବେଳେ ଘରୋଇ ହସ୍ପିଟାଲଙ୍କ ପାଇଁ ୧୨୦୦ ଟଙ୍କା ରଖିଛି । ସେହିପରି ଭାରତ ବାୟୋଟେକ୍ ପ୍ରସ୍ତୁତ ଟିକା କୋଭାକ୍ସିନ୍ ୨ ଟି ଡୋଜ୍ର ମୂଲ୍ୟ ସରକାରଙ୍କ ପାଇଁ ୮୦୦ ଟଙ୍କା ଓ ଘରୋଇ ହସ୍ପିଟାଲ ପାଇଁ ୨୪୦୦ ଟଙ୍କା ରଖିଛି ।
ଋଶ ନିର୍ମିତ ଟିକା ସ୍ପୁଟ୍ନିକ ଟିକା ଗୋଟିଏ ଡୋଜ୍ ପିଛା ମୂଲ୍ୟ ୯୯୫ ଟଙ୍କା ରଖିଛି । ସେହି ତୁଳନାରେ ଯଦି କର୍ବେଭାକ୍ସ ଟିକା କଥା ବିଚାର କରାଯାଏ ଏହା ସବୁଠୁ ଶସ୍ତା ଟିକା ହେବ ବୋଲି ଆଶାକରାଯାଉଛି ।
ଉଦଳା: ଅଳିଆ ଭାବେ ପଡିଛି କୁଢ଼ କୁଢ଼ ସାଲାଇନ ଓ ଇଞ୍ଜେକସନ୍ । କିଛି ଏକ୍ସପାଏରୀ ହୋଇଛି ତ ଆଉ…
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ଗିରଫ କରିଛି ସିବିଆଇ । ଅବକାରୀ ନୀତି ଦୁର୍ନୀତି ମାମଲାରେ ତାଙ୍କୁ ଅଦାଲତରୁ ଗିରଫ…
ସୁନ୍ଦରଗଡ଼ : ବଜ୍ରକାପ୍ତା ଉଦ୍ଧାର । ସୁନ୍ଦରଗଡ଼ ଜିଲ୍ଲା କୁଳିପୋଷ ରେଞ୍ଜର କୁଢେଇକଳା ବିଟର ବନଲତା ଗାଁରୁ ଉଦ୍ଧାର କରାଯାଇଛି…
ଲୋକସଭାରେ ବିରୋଧୀ ନେତା ହେବେ ରାହୁଲ ଗାନ୍ଧି । ଇଣ୍ଡିଆ ବ୍ଲକ୍ ଏହା ଉପରେ ମୋହର ମାରିଛି । କଂଗ୍ରେସର…
ପୁଣି ଲୋକସଭାର ବାଚସ୍ପତି ଭାବେ ନିର୍ବାଚିତ ହେଲେ ଓମ୍ ବିର୍ଲା । ବାଚ୍ନିକ ଭୋଟରେ ନିର୍ବାଚିତ ହେଲେ ଓମ୍ ବିର୍ଲା…
ଆମେରିକାର ଲାସ୍ ଭେଗାସ୍ ସହରରେ ଥିବା ଏକ ଆପାର୍ଟମେଣ୍ଟ ପରିସରରେ ଆଖିବୁଜା ଗୁଳିମାଡ କଲା ଦୁର୍ବୃତ୍ତ । ଗୁଳିକାଣ୍ଡରେ ୫…