ଏହି ଦେଶରେ ଭୟଙ୍କର ହୋଇଛି ପରିସ୍ଥିତି, ଶେଷରେ ଶବକୁ ଫ୍ରିଜରେ ରଖିବାକୁ ବାଧ୍ୟ ହୋଇଛନ୍ତି ଲୋକେ

କରୋନାଭାଇରସ୍ ସମଗ୍ର ବିଶ୍ୱରେ ହଇଚଇ ସୃଷ୍ଟି କରିଛି କିନ୍ତୁ ଇକ୍ୟୁଏଡରର ପରିସ୍ଥିତି ଏହାର ଭୟଙ୍କର କାହାଣୀ କହୁଛି । ଏହି ଦେଶରେ କରୋନା ଭାଇରସ୍ ଦ୍ୱାରା ନିହତ ହୋଇଥିବା ଲୋକଙ୍କ ଶବକୁ ବଡ଼ ରେଫ୍ରିଜରେଟରରେ ରଖାଯାଉଛି କାରଣ ଡାକ୍ତରଖାନାରେ ମୃତଦେହ ପାଇଁ ଆଉ ସ୍ଥାନ ନାହିଁ । Covid-19 ଏହି ଦେଶକୁ ଏପରି ପ୍ରଭାବିତ କରିଛି ଯେ ଏଠାରେ ସ୍ୱାସ୍ଥ୍ୟ ବ୍ୟବସ୍ଥା ଭୁଶୁଡି ପଡିଛି । ପରିସ୍ଥିତି ଏପରି ହୋଇଛି ଯେ କେତେକ କ୍ଷେତ୍ରରେ ସରକାର ମୃତଦେହ ଉଠାଇବାକୁ ମଧ୍ୟ ସକ୍ଷମ ନୁହଁନ୍ତି । ଶବକୁ ସାମୟିକ ଭାବେ ଥଣ୍ଡା ପାତ୍ରରେ ରଖିବାକୁ ସରକାର ବାଧ୍ୟ ହେଉଛନ୍ତି । ଏହି ଫ୍ରିଜ ଗୁଡ଼ିକ ପ୍ରାୟ ୪୦ ଫୁଟ ଲମ୍ବ ଏବଂ ଏଗୁଡିକ ସରକାରୀ ଡାକ୍ତରଖାନାରେ ରଖାଯାଇଛି । ଯାହାଫଳରେ କବର ନିର୍ମାଣ ହେବା ପର୍ଯ୍ୟନ୍ତ ମୃତଦେହ ଗୁଡିକ ରହିପାରିବ ।

ପିଞ୍ଚିଚାର ଜଣେ ଅଧିକାରୀ କୁହନ୍ତି ଯେପରି ଆମ ଡାକ୍ତରଖାନା ବହୁ ସଂଖ୍ୟକ ସଂକ୍ରମିତ ବ୍ୟକ୍ତିଙ୍କ ଦ୍ୱାରା ଭର୍ତ୍ତି ହୋଇଛି । ସେହିଭଳି ବହୁ ସଂଖ୍ୟାରେ ମୃତ୍ୟୁ ହେତୁ ଅନ୍ତିମ ସଂସ୍କାରରେ ମଧ୍ୟ ଅସୁବିଧା ହେଉଛି । ପରିସ୍ଥିତି ଏପରି ହୋଇଛି ଯେ ଇକ୍ୟୁଏଡରରେ ମୃତଦେହଗୁଡିକ ଘର ବାହାରେ ଏବଂ ରାସ୍ତା ପାର୍ଶ୍ୱରେ ପଡ଼ି ରହିଛି । ବର୍ତ୍ତମାନ ଆମର କାମ ହେଉଛି, ଯେଉଁ ପରିବାରମାନେ କରୋନା ଭାଇରସ୍ କାରଣରୁ ନିଜ ପରିବାରକୁ ହରାଇଛନ୍ତି ସେମାନଙ୍କୁ ସମ୍ମାନର ସହିତ ବିଦା କରିବା ।

ସେ କହିଛନ୍ତି ଯେ ଯଦି ରାଜଧାନୀରେ ହଠାତ୍ ମୃତ୍ୟୁ ସଂଖ୍ୟା ବଢେ ତେବେ ପାର୍କରେ ପରିଣତ ହୋଇଥିବା ପୂର୍ବତନ କ୍ୱିଟୋ ଅନ୍ତର୍ଜାତୀୟ ବିମାନବନ୍ଦର ରନୱେ ଶବ ସଂଗ୍ରହର କେନ୍ଦ୍ର ହେବ । ସୂଚନା ଅନୁଯାୟୀ ବର୍ତ୍ତମାନ ସୁଦ୍ଧା ଇକ୍ୟୁଏଡରରେ ପ୍ରାୟ ୮,୫୦୦ ଲୋକ କାରଣରେ ଆକ୍ରାନ୍ତ ହୋଇଛନ୍ତି ଏବଂ ୪୨୦ ଜଣଙ୍କର ମୃତ୍ୟୁ ହୋଇଛି ।