ଦିଲ୍ଲୀ ସ୍ଥିତ ଏମ୍ସ କମିଟି ଶନିବାର ସ୍ବଦେଶୀ ରୂପରେ ପ୍ରସ୍ତୁତ ହୋଇଥିବା Covid-19 ରୋଗର ଭ୍ୟାକସିନ “କୋଭାକସିନ”କୁ ମାନବ ଶରୀରରେ ପରୀକ୍ଷଣ ପାଇଁ ଅନୁମତି ଦେଇଛନ୍ତି । ଇଣ୍ଡିଆନ ମେଡିକାଲ ଆସୋସିଏସନ ୧୨ଟି ଅନୁଷ୍ଠାନକୁ କୋଭାକସିନର ଫେଜ -1 ଓ ଫେଜ -2 ଦୁଇଟି ସ୍ତରରେ ପରୀକ୍ଷଣ ପାଇଁ ଅନୁମତି ଦେଇଥିଲେ । ଯାହା ମଧ୍ୟରେ ଦିଲ୍ଲୀ ସ୍ଥିତ ଏମ୍ସ ବି ଅଛି । ପ୍ରଥମ ସ୍ତରରେ ଏହି ଭ୍ୟାକସିନକୁ ୩୭୫ ଜଣଙ୍କ ଉପରେ ପରୀକ୍ଷଣ କରାଯିବା ନେଇ ସ୍ଥିର କରାଯାଇଥିବା ବେଳେ ସେମଧ୍ୟରୁ ଅତି ବେଶିରେ ୧୦୦ ଜଣ ଏମସ କର୍ମଚାରୀ ରହିବେ ବୋଲି ଜଣାଯାଇଛି । ଏମସର ଏଥିକ୍ସ କମିଟି ସମ୍ପୂର୍ଣ ସ୍ବଦେଶୀ ଭାବରେ ପ୍ରସ୍ତୁତ ହୋଇଥିବା କୋଭାକସିନକୁ ମାନବ ଶରୀରରେ ସୋମବାରଠାରୁ ପରୀକ୍ଷଣ ଆରମ୍ଭ କରିବା ନେଇ ଅନୁମତି ପ୍ରଦାନ କରିଛନ୍ତି ।
କମିଟି ଅନୁଯାୟୀ ଯେଉଁ ବ୍ୟକ୍ତିମାନଙ୍କ ବୟସ ୧୮ ବର୍ଷରୁ ଉର୍ଦ୍ଧ୍ବ ହୋଇଥିବ ବା ୫୫ ବର୍ଷରୁ କମ ହୋଇଥିବ ସେହିମାନଙ୍କୁ ହିଁ ରାଣ୍ଡୋମସାଇଜଡ଼, ଡବଲ ବ୍ଲାଇଣ୍ଡ, ପ୍ଳାସେବୋକଣ୍ଟ୍ରୋଲଡ଼ ଭ୍ୟାକସିନ ଟ୍ରାଏଲ ପାଇଁ ଅନୁମତି ମିଳିପାରିବ । ଅନ୍ୟପକ୍ଷରେ ଏମସର ସେଣ୍ଟର ଫର କମ୍ୟୁନିଟି ମେଡ଼ିସିନର ପ୍ରଫେସର ଡଃ.ସଞ୍ଜୟ ରାୟ କହିଛନ୍ତିକି, କିଛି କିଛି ବ୍ୟକ୍ତି ସ୍ୱଇଚ୍ଛାରେ ପରୀକ୍ଷଣ ନେଇ ପୂର୍ବରୁ ହିଁ ରେଜିଷ୍ଟର କରି ଦେଇଛନ୍ତି । ସୋମବାର ସେହିମାନଙ୍କ ସ୍ୱାସ୍ଥ୍ୟ ଯାଞ୍ଚ କରାଯାଇ ହିଁ ଟୀକାକାରଣ ପାଇଁ ଅନୁମତି ଦିଆଯିବ । ଡ଼ଃ ରାୟଙ୍କ ଅନୁଯାୟୀ ଏଥିପାଇଁ ଇଛୁକ ଥିବା ବ୍ୟକ୍ତି ଇମେଲ ବା ଏସଏମଏସ ପଠାଇ ଅଥବା କଲ କରି ରେଜିଷ୍ଟ୍ରେସନ କରିପାରିବେ । ଏନେଇ ସଂସ୍ଥାନ ତରଫରୁ ଅଫିସିଆଲ ୱେବସାଇଟରେ ସୂଚନା ଦିଆଯାଇଛି ।
ସୂଚନା ଦେବା ଯୋଗ୍ୟକି, ହାଇଦରାବାଦ ସ୍ଥିତ ଭାରତ ବାୟୋଟେକ ଦ୍ୱାରା ଆଇସିଏମଆର ଓ ନ୍ୟାସନାଲ ଇନଷ୍ଟିଟ୍ୟୁଟ ଅଫ ବାୟୋଲେଜି ସହଯୋଗରେ ପ୍ରସ୍ତୁତ କରାଯାଇଛି । ଯାହା ଉପରେ ଡ୍ରଗ୍ସ କଣ୍ଟ୍ରୋଲ ଜେନେରାଲ ଅଫ ଇଣ୍ଡିଆ ମାନବ ଶରୀର ଉପରେ ପରୀକ୍ଷଣ ପାଇଁ ଅନୁମତି ଦେଇଛନ୍ତି ।
ଏହା ହେଉଛି କରୋନା ପାଇଁ ଭାରତ ଦ୍ୱାରା ସ୍ବଦେଶୀ ଭାବେ ପ୍ରସ୍ତୁତ ପ୍ରଥମ ଭ୍ୟାକସିନ । ଆଇସିଏମଆର ମହାନିର୍ଦ୍ଦେଶକ ଡଃ ବଳରାମ ଭର୍ଗବ ନିକଟରେ ୧୨ ଗୋଟି ସଂସ୍ଥାର ପ୍ରମୁଖ ଯାଞ୍ଚ କର୍ତ୍ତାଙ୍କୁ ଏନେଇ ପତ୍ର ଲେଖିଛନ୍ତି ।
କନ୍ଧମାଳ (କେନ୍ୟୁଜ୍): କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ଇନ୍ଦ୍ରଗଡ ଗ୍ରାମରେ କାଳ ବୈଶାଖୀ ପ୍ରଭାବରେ ପ୍ରବଳ ବର୍ଷା ପବନ…
ବାଲେଶ୍ବର (କେନ୍ୟୁଜ୍): ବାଲେଶ୍ବର ଗୋଷ୍ଠୀ ଉତ୍ତେଜନା ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ । ପରିସ୍ଥିତିକୁ ନିୟନ୍ତ୍ରଣ ପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି…
କଟକ(କେନ୍ୟୁଜ୍): ଦାୟିତ୍ବ ନେବା ପରେ ଆଜି ପ୍ରଥମ ଥର କଟକ ଗସ୍ତ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । କଟକ…
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…
ବାଲେଶ୍ବର(କେନ୍ୟୁଜ୍): ବାଲେଶ୍ବରରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ପରେ ୧୪୪ ଧାରା ଜାରି। କୌଣସି ଏକ କାରଣରୁ ଭୁଜାଖିଆ ପୀର…