ଚଣ୍ଡିଗଡ଼ : କରୋନାର ସ୍ୱଦେଶୀ ଭ୍ୟାକ୍ସିନ୍ର ହ୍ୟୁମାନ୍ ଟ୍ରାଏଲ ଇତିମଧ୍ୟରେ ସମାପ୍ତ ହୋଇଛି । ଭାରତରେ କରୋନା ଭ୍ୟାକ୍ସିନ୍ର ହ୍ୟୁମାନ୍ ଟ୍ରାଏଲ୍ରେ ଭାଗ ନେବାକୁ ବହୁ ସ୍ୱେଚ୍ଛାକୃତ ଭଲ୍ୟୁଣ୍ଟରମାନେ ଆଗେଇ ଆସିଥିଲେ । ସେମାନଙ୍କ ଭିତରୁ ଯେଉଁ କେତେଜଣଙ୍କୁ ଭ୍ୟାକ୍ସିନ୍ର ଟ୍ରାଏଲ୍ ଡୋଜ୍ ପାଇଁ ଚୟନ କରାଯାଇଥିଲା ।
ଆସନ୍ତୁ ଜାଣିବା କରୋନା ଭ୍ୟାକ୍ସିନ୍ ନେଇଥବା ଏହି ଭଲ୍ୟୁଣ୍ଟରମାନଙ୍କ ଅବସ୍ଥା ଏବେ କେମିତି ଅଛି । ଟ୍ରାଏଲ ଭ୍ୟାକ୍ସିନ୍ ନେବା ପରେ କ’ଣ ରହିଛି ସେମାନଙ୍କ ଅନୁଭୂତି ଓ ଭ୍ୟାକ୍ସିନ୍ର ପାର୍ଶ୍ୱ ପ୍ରତିକ୍ରିୟା ।
ସେଦିନର ଅନୁଭୁତି ବିଷୟରେ ସେମାନେ ଯାହା କୁହନ୍ତି –
ଭଲ୍ୟୁଣ୍ଟର ୧ : ଏଆଇଏମ୍ଏସ୍ରେ ପ୍ରଥମ ୩ ଜଣଙ୍କ ଉପରେ ରିସର୍ଚ୍ଚ ପାଇଁ ଆସିଥିବା ଭଲ୍ୟୁଣ୍ଟରଙ୍କ ମଧ୍ୟରୁ ପ୍ରଥମ ବ୍ୟକ୍ତି କୁହନ୍ତି ଯେ ସେ ସେନାରେ ଯିବାକୁ ଚାହୁଁଥିଲେ । ହେଲେ ତାହା ସମ୍ଭବ ହୋଇ ପାରିଲା ନାହିଁ । ଆଜି ଯେତେବେଳେ ଜାଣିଲି ଯେ ଭ୍ୟାକ୍ସିନ ଟ୍ରାଏଲ ପାଇଁ ଭଲ୍ୟୁଣ୍ଟର ଆବଶ୍ୟକ । ଭାବିଲି ଏହା ଠାରୁ ଦେଶସେବା ଓ ମାନବ ସେବାର ଆଉ କିଛି ଭଲ ମାଧ୍ୟମ ହୋଇ ନପାରେ ।
ତେଣୁ ପରିଣାମ ଯାହା ହେଉ ପଛେ ମୁଁ ଆଗେଇ ଆସିଛି । ଭ୍ୟାକ୍ସିନ୍ ଦେବା ପୂର୍ବରୁ ଡାକ୍ତରମାନେ କିଛିଟା ପେପରରେ ମୋର ଦସ୍ତଖତ ନେଇଥିଲେ । ଯେଉଁଥିରେ ଭ୍ୟାକ୍ସିନ୍ ପାଇଁ ମୁଁ ମୋର ଇଚ୍ଛାରେ ସ୍ୱୀକୃତି ଦେଇଛି ବୋଲି ଦସ୍ତଖତ ଦେଇଥିଲି । ଭ୍ୟାକ୍ସିନ୍ ନେବା ବେଳେ ମୁଁ ଭୟଭୀତ ହୋଇ ନଥିଲି । ପ୍ରଥମ ଡୋଜ୍ ନେବା ପରେ ଡାକ୍ତର ମୋତେ ୩ ଘଣ୍ଟା ପାଇଁ ଅବଜରଭେସେନ୍ରେ ରଖି ଘରକୁ ଛାଡି ଦେଇଥିଲେ । ରିସର୍ଚ୍ଚରେ ସାମିଲ୍ ହେବାରୁ ମୁଁ ନିଜକୁ ଗର୍ବ ଅନୁଭବ କରୁଛି ।
ଭଲ୍ୟୁଣ୍ଟର ୨ : ଲୋକଙ୍କ ଜୀବନ ରକ୍ଷା ପାଇଁ ମୁଁ ରକ୍ତ ଦାନ କରେ । ଆଜି ଲୋକଙ୍କ ସେବାରେ ଏଭଳି ମଉକାକୁ ବା ହାତଛଡା କିପରି କରିଥାନ୍ତି । ରୋହତକ ନାମକ ଏହି ଭଲ୍ୟୁଣ୍ଟର ଗାଁରେ ଚାଷ କରନ୍ତି । ଦ୍ୱାଦଶ ଶ୍ରେଣୀ ପାସ୍ ମଧ୍ୟ କରିଛନ୍ତି । ଭ୍ୟାକ୍ସିନ୍ ଲଗାଇବା ପରେ ମୁଁ ବହୁତ ସୁସ୍ଥ ମନେ କରୁଛି ।
୩ ଘଣ୍ଟା ଅବଜରଭେସନ୍ରେ ରହିବା ପରେ କୈାଣସି ପାର୍ଶ୍ୱ ପ୍ରତିକ୍ରିୟା ନ ହେବାରୁ ମୋତେ ଘରକୁ ଛାଡ଼ି ଦିଆଯାଇଥିଲା । ଏବେ ଯଦି ଦ୍ୱିତୀୟ ଡୋଜ ନେବାକୁ ଡକାଯାଏ ତେବେ ମୁଁ ପୁଣି ଆସିବି ବୋଲି ସେ କହିଛନ୍ତି ।
ତେବେ ହ୍ୟୁମାନ୍ ଟ୍ରାଏଲ୍ର ଗୋପନୀୟତାକୁ ଦୃଷ୍ଟିରେ ରଖି ଭଲ୍ୟୁଣ୍ଟରଙ୍କ ନାମ ଗୋପନ ରଖାଯାଇଛି
ସମଗ୍ର ଦେଶରେ ଲୋକମାନେ ଦାବି କରୁଛନ୍ତି ଯେ ସେମାନଙ୍କର ଜିଓ ସେବା କାମ କରୁନାହିଁ । ସେମାନେ କହୁଛନ୍ତି ଯେ,…
କାକଟପୁର (କେନ୍ୟୁଜ): ପାଗଳ ବିଲୁଆ ଆତଙ୍କରେ ଥରହର ହେଉଛନ୍ତି ଗାଁ ଲୋକେ । ଅସ୍ତରଙ୍ଗ ନିକଟ ବେଗୁନିଆବସ୍ତ ଗାଁରେ ଏକ…
ଯାଜପୁର (କେନ୍ୟୁଜ) : ଚାଲିଛି ସଂଘର୍ଷପୂର୍ଣ୍ଣ ଲଢେଇ । କର ବା ମର ପରିସ୍ଥିତି । ଏପଟେ ଗ୍ୟାଲେରୀରେ ଦର୍ଶକଙ୍କ…
ଭୁବନେଶ୍ୱର : ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ । ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା । ଅସହ୍ୟ…
ବାବାଙ୍କ ଭକ୍ତିରେ ଲୀନ ଶ୍ରଦ୍ଧାଳୁ । ସମସ୍ତଙ୍କ ମୁହଁରେ ଗୋଟାଏ ଶଦ୍ଦ ବାବା.. ଭୋଲେନାଥ.. । ଦେବ ଦେବ ମହାଦେବଙ୍କୁ…
ଇରାନ୍ର ଉତ୍ତର ଭାଗରେ ଥିବା ଏକ ହସ୍ପିଟାଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୯ ଜଣ ରୋଗୀଙ୍କର ମୃତ୍ୟୁ…