କରୋନା ଭାଇରସ୍ ବର୍ତ୍ତମାନ ବିଶ୍ୱର ୨୦୨ଟି ଦେଶକୁ ମାଡ଼ି ସାରିଲାଣି । ସର୍ବାଧିକ ସଂକ୍ରମଣରେ ସମସ୍ତଙ୍କୁ ଟପି ଯାଇଛି ବିଶ୍ୱର ସବୁଠାରୁ ଶକ୍ତିଶାଳୀ ଏବଂ ଅଗ୍ରଣୀ ଦେଶ ଭାବେ କୁହାଯାଉଥିବା ଆମେରିକା । ଭାରତୀୟ ସମୟ ଅପରାହ୍ନ ୪ଟା ସୁଦ୍ଧା ସାରା ବିଶ୍ୱରେ ୫ ଲକ୍ଷ ୧୨ ହଜାର ୭୧ ଜଣ କରୋନା ଭାଇରସ୍ରେ ଆକ୍ରନ୍ତ ହୋଇଥିବା ବେଳେ ୨୩ ହଜାର ୪୯୫ ଜଣଙ୍କ ମୃତ୍ୟୁ ଘଟି ସାରିଲାଣି । ବିଶ୍ୱ ସ୍ୱାସ୍ଥ୍ୟ ସଂଗଠନର କହିବା କଥା ଯେ ଏହାର ଭ୍ୟାକସିନ୍ ବାହାରିବା ପାଇଁ ଆହୁରି ୧୨ରୁ ୧୮ ମାସ ଲାଗିବ ।
ତେଣୁ କରୋନା ଠାରୁ ଦୂରେଇ ରହିବାକୁ ବିଶେଷ ସତର୍କତା ଅବଲମ୍ବନ କରିବାକୁ ହେବ । ବର୍ତ୍ତମାନ ସାରା ଦେଶରେ ଲକ୍ଡାଉନ୍ ଘୋଷଣା କରାଯାଇଛି କେବଳ କରୋନା ପାଇଁ । ତେଣୁ ସମସ୍ତେ ଅନ୍ୟ ସବୁ କାମ ଛାଡ଼ି କେବଳ କରୋନାକୁ ହରାଇବା ପାଇଁ ଏକାଠି ହୋଛନ୍ତି । ସେଥିଲାଗି ଆମେ ଏହି ଅଦୃଶ୍ୟ ଶତ୍ରୁକୁ ହରାଇବା ଲାଗି ଏମିତି ଏକାଠି ହୋଇ କାମ କରିବା ଏବଂ ଯେଉଁ ସତର୍କତା ବିଷୟରେ କୁହାଯାଇଛି ତାକୁ ଠିକ୍ ଭାବେ ପାଳନ କରିବା ।
ଆପଣଙ୍କୁ ଯଦି ଜ୍ୱର, କାଶ ହେଉଛି କିମ୍ବା ଆପଣଙ୍କୁ ନିଶ୍ୱାସ ନେବାରେ କଷ୍ଟ ହେଉଛି ତେବେ ସତର୍କ ହୋଇଯାଆନ୍ତୁ । ଏହା ହେଉଛି କରୋନାର ଲକ୍ଷଣ । ଅବଶ୍ୟ ଏଭଳି ସ୍ଥିତିରେ ଆପଣ କରୋନାରେ ସଂକ୍ରମିତ ହୋଇଛନ୍ତି ବୋଲି ମଧ୍ୟ କୁହାଯାଇ ପାରିବ ନାହିଁ । ତେଣୁ ଆପଣଙ୍କୁ ଡାକ୍ତରଙ୍କ ପରାମର୍ଶ ନେବା ସହ ନିଜର ପରୀକ୍ଷା ନିରୀକ୍ଷା କରିବାକୁ ହେବ । କରୋନା ପାଇଁ କୌଣସି ରକ୍ତ ପରୀକ୍ଷା କରାଯାଏ ନାହିଁ । ଆପଣଙ୍କ କଫ ଓ ସିଂଘାଣିର ନମୂନା ନେଇ ପରୀକ୍ଷା କରାଯାଏ । ଏଥିରୁ ହିଁ ଜଣାପଡ଼େ ସଂକ୍ରମଣ ହୋଇଛି କି ନାହିଁ ।
ତେବେ ଆପଣଙ୍କ ଠାରୁ ନମୂନା ସଂଗ୍ରହ କରିବା ପରେ ଡାକ୍ତର ଆପଣଙ୍କର ସମ୍ପୂର୍ଣ୍ଣ ସ୍ୱାସ୍ଥ୍ୟ ପରୀକ୍ଷା ପାଇଁ ପରାମର୍ଶ ଦେବେ । ଏହା ପରେ ଆପଣ ଆଇସୋଲେସନ୍ରେ ରହିବେ କି ଡାକ୍ତରଖାନାରେ ଭର୍ତ୍ତି ହେବେ ତାହା କୁହାଯିବ । ଆଇସୋଲେସନ୍ରେ ଆପଣ ଆପଣଙ୍କ ନିଜ ଘରେ ରହି ପାରିବେ । ହେଲେ ଅନ୍ୟମାନଙ୍କ ଠାରୁ ଅଲଗା ରହିବେ ।
ଯଦି ପରୀକ୍ଷାରୁ କରୋନା ପଜେଟିଭ୍ ବାହାରିଲେ ତେବେ ଆପଣଙ୍କୁ ୧୪ ଦିନ କ୍ୱାରେଣ୍ଟାଇନ୍ରେ ରଖାଯିବ ।
ଆପଣ ସନ୍ଦେହରେ ଥିଲେ ପରୀକ୍ଷା କରିବେ କେଉଁଠି । ବର୍ତ୍ତମାନ ଏହି ପ୍ରଶ୍ନ ସମସ୍ତଙ୍କ ମନକୁ ଆସୁଥିବ । ଆମ ରାଜ୍ୟରେ ସରକାର ଏଥିପାଇଁ ୧୦୪ ହେଲପଲାଇନ୍ ବ୍ୟବସ୍ଥା କରିଛନ୍ତି । ସେହିପରି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ମଧ୍ୟ ଏକ ଟେଲିଫୋନ୍ ନମ୍ବର ଜାରି କରିଛି । ଯାହା ୨୪ ଘଣ୍ଟା ଖୋଲା ରହିଛି । ନମ୍ବରଟି ହେଉଛି, 01123978046 ।
ଆହୁରି ମଧ୍ୟ ଯଦି ଏହି ରୋଗ ସମ୍ପର୍କରେ ଅଧିକ କିଛି ଜାଣିବାକୁ ଚାହୁଁଛନ୍ତି କିମ୍ବା ସୂଚନା ଦେବାକୁ ଆଗ୍ରହୀ ତେବେ ଆପଣ ncov2019@gmail.com ରେ ଇ-ମେଲ୍ କରି ପାରିବେ । ଆମ ଓଡ଼ିଶାରେ ଭୁବନେଶ୍ୱର ନାଲକୋ ଛକ ନିକଟ ଆରଏମ୍ଆରସି (ଆଞ୍ଚଳିକ ଭେଷଜ ଗବେଷଣା କେନ୍ଦ୍ର)ରେ ନମୂନା ପରୀକ୍ଷା କରାଯାଉଛି ।
ଅବଶ୍ୟ ଏହା କୁହାଯାଇଛି ଯେ ଯାହା ଦେହରେ ରୋଗ ପ୍ରତିରୋଧକ ଶକ୍ତି ଅଧିକ ରହିଛି ସେମାନଙ୍କ ଠାରେ ଏହି ରୋଗ ହେବା ସମ୍ଭାବନା କମ୍ ରହିଛି । ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ର କହିବା ଅନୁସାରେ ଦୁଇଟି ବର୍ଗକୁ ଏହି ରୋଗ ବେଶି ପ୍ରଭାବିତ କରେ । ୫୦ରୁ ଊର୍ଦ୍ଧ୍ୱ ବ୍ୟକ୍ତି ଏବଂ ହୃଦରୋଗ, ଡାଇବେଟିଜ୍ ଏବଂ ଫୁସ୍ଫୁସ୍ ଜନିତ ରୋଗରେ ପୀଡ଼ିତ ବ୍ୟକ୍ତି କରୋନା ଭାଇରସ୍ରେ ସଂକ୍ରମିତ ହେବାର ଅଧିକ ସମ୍ଭାବନା ରହିଛି । ତଥାପି ଆପଣ ସମ୍ପୂର୍ଣ୍ଣ ସୁସ୍ଥ ଓ ଯୁବକ ଥିଲେ ମଧ୍ୟ ଏହାଠାରୁ ସତର୍କ ରହିବା ଜରୁରୀ ।
ସେହିପରି ସଂକ୍ରମଣରୁ ରକ୍ଷା ପାଇବାକୁ ଖାଲି ମାସ୍କ ପିନ୍ଧି ଦେଲେ ହେବ ନାହିଁ । ଲଗାତ ଭାବେ ସାନିଟାଇଜର୍ କିମ୍ବା ସାବୁନରେ ହାତ ଧୋଇବାକୁ ହେବ ।
ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଜାରି କରିଥିବା ଏହି ଭିଡିଓକୁ ଦେଖନ୍ତୁ ଜାଣି ପାରିବେ କିଭଳି ଭାବେ କରୋନା ଆରମ୍ଭ ହେଲା ଏବଂ କିପରି ଏହା ସଂକ୍ରମିତ ହେଉଛି ।…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…
ଖୋର୍ଦ୍ଧା(କେନ୍ୟୁଜ): ଖୋର୍ଦ୍ଧା ସହରକୁ ପ୍ରତିଦିନ ଲକ୍ଷ ଲକ୍ଷ ଲୋକଙ୍କ ଯାଆସ । ଏତେ ଲୋକଙ୍କ ଭିଡ ଭିତରେ ଏଠି କେମିତି ଚାଲିଛି…
ପୁରୀ (କେନ୍ୟୁଜ) : ଆଜି ପବିତ୍ର ଦେବସ୍ନାନ ପୂର୍ଣ୍ଣିମା । ଆଜି ସ୍ନାନ ବେଦୀରୁ ଗଜବେଶରେ ଅଗଣିତ ଭକ୍ତଙ୍କୁ ଦର୍ଶନ…