ଓଡ଼ିଶାର ପର୍ବ ପର୍ବାଣୀ ଭିନ୍ନ । ପ୍ରତ୍ୟେକ ଜିଲ୍ଲାର ଗାଁ ଗାଁରେ ରହିଛି କିଛି ନା କିଛି ସ୍ୱତନ୍ତ୍ର ପୂଜା । ଯାହାକୁ ବଡ଼ ଧୁମଧାମରେ ପାଳନ କରନ୍ତି ଏଠାକାର ଗାଁ ଲୋକେ । ତେବେ ବର୍ତ୍ତମାନ ଆସିଛି ପାର୍ବଣ ଋତୁ । ଏନେଇ ଚଳଚଞ୍ଚଳ ହୋଇଉଠିଛି ଗାଁରୁ ସହର । ଏହି ପରିପ୍ରେକ୍ଷୀରେ ସୁବର୍ଣ୍ଣପୁର ସହରରେ ବଡ ଧୂମଧାମରେ ପାଳିତ ହୋଇଥାଏ ହରଗୌରୀ ଯାତ୍ରା । ସହରର ଢେରା ବା ଦେବାଂଗୁଲୁ ସମ୍ପ୍ରଦାୟ ରାଜା ରାଜୁଡା ସମୟରୁ ଆଜକୁ ଦୀର୍ଘ ବର୍ଷ ଧରି ଏହି ଯାତ୍ରା ପାଳନ ହୋଇ ଆସୁଛି । ଏହି ଯାତ୍ରାରେ ଦକ୍ଷିଣ ଭାରତୀୟ ସଂସ୍କୃତି ସହିତ ସ୍ଥାନୀୟ ଶୈବ ସଂସ୍କୃତିର ମିଳନ ହୋଇଥିବା ବେଳେ ସବୁଠୁ ଆକର୍ଷଣୀୟ ଲାଗେ ହରଗୌରୀଙ୍କ ଯୁଗଳ ଦର୍ଶନ । ଏଥର ଏହି ଯାତ୍ରାରେ ଦେବ ଦମ୍ପତ୍ତିଙ୍କ ଆଗମନ ହୋଇ ସାରିଥିବାବେଳେ ପ୍ରତ୍ୟହ ସନ୍ଧ୍ୟାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ ହେଉଛି ।
ସୁବର୍ଣ୍ଣପୁର ସହରରେ ମହାସମାରୋହରେ ପାଳିତ ହେଉଛି ଦକ୍ଷିଣ ଭାରତୀୟ ଗୌରମ୍ମା ସାମ୍ରାଲୁ ବା ହରଗୌରୀ ଯାତ୍ରା । ଚୌହାନ ରାଜା ନୀଳାଦ୍ରୀ ସିଂଦେଓଙ୍କ ଅମଳରୁ ସହରର ଢେରା ସଂପ୍ରଦାୟର ଲୋକେ ଏହି ଯାତ୍ରା ପାଳନ କରି ଆସୁଛନ୍ତି । ଏହି ଯାତ୍ରାରେ ଦକ୍ଷିଣ ଭାରତୀୟ ପରମ୍ପରା ସହିତ ସ୍ଥାନୀୟ ଶୈବ ସଂସ୍କୃତିର ମିଳନରେ ହରଗୌରୀଙ୍କୁ ଆବାହନ କରାଯାଇ ପୂଜାପାଠ କରାଯାଇଥାଏ । ବାବା ସୁବର୍ଣ୍ଣମେରୁଙ୍କ ନିଜସ୍ବ ଜମିର ଧାନଗଛକୁ ଦେବୀ ସ୍ବରୁପିଣୀ ଗୌରୀ ଭାବେ ଅଣାଯାଇଥାଏ । ପରେ ବିଶିଷ୍ଠ ମୂର୍ତ୍ତିକାରଙ୍କ ବାସଭବନରୁ ଦେବ ଦେବ ମହାଦେବଙ୍କୁ ଆବାହନ କରାଯାଇ ନଗର ଭ୍ରମଣ କରାଯାଇଥାଏ । ଯେଉଁଥିରେ ହଜାର ହଜାର ଶ୍ରଦ୍ଧାଳୁ ଦର୍ଶନ କରିବାର ସୁଯୋଗ ନେଇଥାନ୍ତି । ଢେରାପଡାରେ ପ୍ରତିଟି ଦୂଆର ମୁହଁରେ ଦେବଦେବୀଙ୍କ ପୂଜା ଆରାଧନା କରାଯିବା ସହ ଦେବା ଦମ୍ପତିଙ୍କ ଦର୍ଶନ କରିଥାନ୍ତି ଶ୍ରଦ୍ଧାଳୁମାନେ ।
ଏହି ଯାତ୍ରାରେ ଦକ୍ଷିଣ ଭାରତୀୟ ପରମ୍ପରା ଅନୁଯାୟୀ ହରଗୌରୀଙ୍କ ପୂଜା ଆରାଧନା କରାଯାଉଛି । ତେଲୁଗୁ ସ୍ତ୍ରୋତ ବୋଲି ସ୍ବତନ୍ତ୍ର ଧରଣର ପିଠା ନୈବେଦ୍ୟ ଭାବେ ଅର୍ପଣ କରାଯାଇଥାଏ । ୯ ଦିନ ଧରି ଆୟୋଜିତ ହେଉଥିବା ଏହି ଯାତ୍ରାରେ ଶ୍ରଦ୍ଧାଳୁ ମାନେ ଦେବା ଦେବୀଙ୍କ ଦର୍ଶନର ଲାଭ ନିଅନ୍ତି । ଏହି ସମୟରେ ସନ୍ଧ୍ୟାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ ହୋଇଥାଏ । ଚଳିତ ବର୍ଷ ୨୫ ଲକ୍ଷ ଟଙ୍କା ଖର୍ଚ୍ଚ କରାଯାଇଥିବା ଆୟୋଜକ କମିଟି ପକ୍ଷରୁ ସୂଚନା ମିଳିଛି ।
ରାଜ୍ୟରେ କେବଳ ସୁବର୍ଣ୍ଣପୁର ଓ ବ୍ରହ୍ମପୁରରେ ଦକ୍ଷିଣ ଭାରତୀୟ ଗୌରମ୍ମା ସାମ୍ରାଲୁ ବା ହରଗୌରୀ ଯାତ୍ରା ପାଳିତ ହୁଏ । ବାର୍ଷିକ ଅନ୍ତରରେ ଥରେ ପାଳନ କରାଯାଉଥିବା ଏହି ଯାତ୍ରାର କଳେବର ବୃଦ୍ଧି ପାଉଥିବା ବେଳେ ସହରର ଇଷ୍ଟଦେବ ସୁବର୍ଣ୍ଣମେରୁଙ୍କ ସଂପୃକ୍ତି ଏହି ଯାତ୍ରା ପାଇଁ ସବୁ ବର୍ଗର ଲୋକଙ୍କୁ ଏଠାକୁ ଟାଣିଆଣେ ।
କୋରାପୁଟ : ଦୁଇ ନକଲି ନକ୍ସଲ ଗିରଫ । ଜୟପୁର ସଦର ଥାନା ଓ ବୈପାରିଗୁଡା ପୋଲିସର ମିଳିତ ଉଦ୍ୟମରେ…
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…