ଚାଲିଛି ହରେରାମ ହରେକୃଷ୍ଣ । ଭଜନ କୀର୍ତ୍ତନରେ ପ୍ରକମ୍ପିତ ହେଉଛି ସାରା ପରିବେଶ । କଳିଯୁଗରେ ଗୋଟିଏ ମନ୍ତ୍ର, ହରେକୃଷ୍ଣ ହରେ ରାମ ଏହାକୁ ଦୃଷ୍ଟିରେ ରଖି ମହାବୀର ପୀଠରେ ଆୟୋଜିତ ହୋଇଛି ଦ୍ୱାଦଶ କୁଞ୍ଜ ନାମ ଯଜ୍ଞ । ବୌଦ୍ଧ ସଦର ବ୍ଲକ ନୂଆପାଲି ମହାବୀର ପୀଠରେ ଅଠର ବର୍ଷ ଧରି ରାମାୟଣ ପରାୟଣ ଅନୁଷ୍ଠିତ ହୋଇଥିବା ବେଳେ ଚଳିତ ବର୍ଷ ପ୍ରଥମ ଥର ପାଇଁ ଦ୍ୱାଦଶ କୁଞ୍ଜ ନାମ ଯଜ୍ଞ ଆରମ୍ଭ ହୋଇଛି ।
ଯେଉଁଠି ପାଞ୍ଚ ଶହ ସଂକୀର୍ତ୍ତନ ଦଳ ଭାଗ ନେଇଥିଲେ । କେବଳ ସଂକୀର୍ତ୍ତନ ନୁହେ ଭଜନ ସମାରୋହ, ପାରାୟଣ କାର୍ଯ୍ୟକ୍ରମ ଅନୁଷ୍ଠିତ ହେଉଛି । ଗତକାଲି ଅନୁଷ୍ଠିତ ପ୍ରବଚନ କାର୍ଯ୍ୟକ୍ରମରେ ରାଜ୍ୟ ସଂକୀର୍ତ୍ତନ ମହାସଂଘର ସଭାପତି ପ୍ରଫେସର ଡଃ ଶଶାଙ୍କ ଚୁଡାମଣି ଓ ପୁରୀର ଜଗନ୍ନାଥ ମନ୍ଦିର ସେବକ ନାରାୟଣ ଖୁଣ୍ଟିଆ ଯୋଗ ଦେଇ ପ୍ରବଚନ ଦେଇଥିଲେ । ପ୍ରତ୍ୟେକ ଦିନ ଏହା ଦେଖିବା ପାଇଁ ହଜାର ହଜାର ଭକ୍ତ ଓ ଶ୍ରଦ୍ଧାଳୁଙ୍କ ଭିଡ଼ ଜମୁଛି ।
ପ୍ରତ୍ୟେକ ଦିନ ଏଠାରେ ବିଭିନ୍ନ ପ୍ରକାରର କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହେଉଛି । ନଅ ଦିନ ଧରି ଚାଲିଥିବା ଏହି ନାମଯଜ୍ଞର ଆଜି ପୂର୍ଣ୍ଣାହୁତି । ନାମ ଯଜ୍ଞ ସହ ଏଠାରେ ମିନାବଜାର ପଡିଛି । ଆଉ ସନ୍ଧ୍ୟାରେ ମିନାବଜାର ରେ ବୁଲିବା କିଣାକିଣି କରିବା ସହ ଖାଦ୍ୟପେୟର ମଜା ନେଉଛନ୍ତି ଦର୍ଶକ । ସେହିପରି ଆୟୋଜକ କମିଟି ପକ୍ଷରୁ ସମସ୍ତ ଭକ୍ତଙ୍କ ପାଇଁ ମାଗଣାରେ ଅନ୍ନ ଭୋଜନ ବ୍ୟବସ୍ଥା କରାଯାଇଛି ।
ପଞ୍ଚରା ଅଞ୍ଚଳର ଲୋକଙ୍କ ସାହାଯ୍ୟ ସହଯୋଗରେ ଏହି ଯଜ୍ଞକୁ ମହା ସମାରୋହରେ ପାଳନ କରାଯାଉଥିବା ଆୟୋଜକ କମିଟି କର୍ମକର୍ତ୍ତା କହିଛନ୍ତି । ସତରେ ଗ୍ରାମଞ୍ଚଳ ପରି ଅଞ୍ଚଳରେ ଏପରି ମହା ସଂକୀର୍ତ୍ତନ ସମାରୋହ କରିବା ଦ୍ୱାରା ଲୋକଙ୍କ ମନୋରଞ୍ଜନ ସହିତ ଏକ ଆଧ୍ୟାତ୍ମିକ ପରିବେଶ ସୃଷ୍ଟି କରିଛି ।
ଇରାନ୍ର ଉତ୍ତର ଭାଗରେ ଥିବା ଏକ ହସ୍ପିଟାଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୯ ଜଣ ରୋଗୀଙ୍କର ମୃତ୍ୟୁ…
Windows ଏବଂ Split ACରେ ଅଗ୍ନିକାଣ୍ଡ ଏବଂ ବିସ୍ଫୋରଣର ଅନେକ ଘଟଣା ଗତ କିଛି ଦିନ ମଧ୍ୟରେ ସାମ୍ନାକୁ ଆସିଛି…
ଭୁବନେଶ୍ୱର : ବିଧାନସଭାରେ ଚାଲିଛି ନବ ନିର୍ବାଚିତ ବିଧାୟକଙ୍କ ଶପଥ ଉତ୍ସବ । ପ୍ରଥମେ ମୁଖ୍ୟମନ୍ତ୍ରୀ ମୋହନ ମାଝୀ ବିଧାୟକ…
ଉଦ୍ଘାଟନ ପୂର୍ବରୁ ଭୁଶୁଡ଼ି ପଡ଼ିଲା ବ୍ରିଜ୍ । ବିହାରର ଅରାରିଆର ସିକଟିରେ ବକରା ନଦୀରେ ନିର୍ମିତ ବ୍ରିଜ୍ ମଙ୍ଗଳବାର ଭୁଶୁଡ଼ି…
କାକଟପୁର : ଦେବୀ ନଦୀରେ ଗାଧୋଇବା ସମୟରେ ନଦୀରେ ବୁଡି ତିନିଜଣ ନାବାଳକଙ୍କ ମୃତ୍ୟୁ। ମୃତକ ନାବାଳକ ସମସ୍ତେ ଗୋଟିଏ…
ଆଜି ବିବାହ ବନ୍ଧନରେ ବାନ୍ଧି ହେବେ ମହାପ୍ରଭୁ ଶ୍ରୀଜଗନ୍ନାଥ ଓ ମା' ଲକ୍ଷ୍ମୀ । ଆଉ କିଛି ସମୟ ପରେ…