photo:tv9hindi.com
କେନ୍ୟୁଜ୍: ଆଜି କାଲି ବରୁଣ ଧାଓ୍ଵନ ଏବଂ କ୍ରିତି ସାନନ ତାଙ୍କର ଆଗାମୀ ଫିଲ୍ମ ‘ଭେଡ଼ିଆ’ର ପ୍ରମୋଶନ ପାଇଁ ଜୋର ସୋରରେ ଲାଗିଛନ୍ତି । ତାଙ୍କର ଫିଲ୍ମର ପ୍ରମୋଶନ ପାଇଁ ଦୁଇ ତାରକା ଜୟପୁର ଯାଇଥିବା ବେଳେ ଏମିତି ଏକ ଘଟଣା ଘଟିଥିଲା,ଯାହାର ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେଉଛି। ଜୟପୁରରେ ଏକ କଲେଜ ଇଭେଣ୍ଟରେ ତାଙ୍କର ଜଣେ ଫ୍ୟାନ ଅସୁସ୍ଥ ହୋଇ ତଳେ ପଡ଼ିଯାଇଥିଲେ, ବରୁଣ ଏହାକୁ ଦେଖି ତୁରନ୍ତ ଷ୍ଟେଜ୍ ତଳକୁ ଆସି ସେହି ଫ୍ୟାନ ଜଣଙ୍କୁ ଉଠାଇଥିଲେ ଏବଂ ପାଣି ପିଆଇଥିଲେ । ଷ୍ଟେଜ୍ ଉପରେ ଥିବା କ୍ରିତି ସାନନ ସେମିତି ଷ୍ଟେଜ୍ ଉପରେ ଛିଡ଼ା ହୋଇ ରହିଥିଲେ । କିଛି ସମୟ ଭିତରେ ସେଠାରେ ପ୍ରବଳ ଭିଡ଼ ଦେଖିବାକୁ ମିଳିଥିଲା ।ଏବେ ଏହି ଭିଡ଼ିଓ ଟି ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଏହି ଭିଡିଓଟି ପ୍ରଥମେ ବରୁଣ ଧାଓ୍ଵନ ଫେନ୍ ପେଜ୍ରେ ପୋଷ୍ଟ ହୋଇଥିଲା ।
ବରୁଣ ଧାଓ୍ଵନ ବି ସେୟାର କଲେ ଜୟପୁର ଭିଡ଼ିଓ:
ଶନିବାର ଦିନ ବରୁଣ ଏବଂ କ୍ରିତି ଜୟପୁରରେ ପହଞ୍ଚିଥିଲେ । ଗୋଟିଏ କଲେଜର ଏହି ଇଭେଣ୍ଟରେ ହଜାର ହଜାର ସଂଖ୍ୟାର ଲୋକ ଯୋଗ ଦେଇଥିଲେ । ବରୁଣ ମଧ୍ୟ ଜୟପୁରର ତାଙ୍କର ଷ୍ଟେଜ୍ ଭିଡିଓ ଇନଷ୍ଟାଗ୍ରାମ ପ୍ରୋଫାଇଲରେ ସେୟାର କରି ଲେଖିଥିଲେ,‘ ଜୟପୁରବାସୀ ଆମକୁ ନିଜର କରିନେଲେ’ । ଏହି ଭିଡ଼ିଓରେ ବରୁଣ କ୍ରିତିଙ୍କ ସହିତ ନାଚୁଥିବାରେ ନଜର ଆସୁଛନ୍ତି ।
‘ଭେଡ଼ିଆ’ର ନିର୍ଦ୍ଦେଶକ ହେଲେ ଅମର କୌଶିକ:
‘ଭେଡ଼ିଆ’ର ଟ୍ରେଲର ଲୋକଙ୍କୁ ବହୁତ ପସନ୍ଦ ଆସିଛି । ଏହି ଫିଲ୍ମ ହେଉଛି ଏକ ହରର-କମେଡି ଫିଲ୍ମ । ଏହାର ନିର୍ଦ୍ଦେଶନା ଭାର ତୁଲାଇଛନ୍ତି ଅମର କୌଶିକ ଏବଂ ଏହାର ପ୍ରଡ୍ୟୁସର ଅଛନ୍ତି ଦିନେଶ ବିଜାନ । ଏହାପୂର୍ବରୁ ଅମର କୌଶିକ ‘ସ୍ତ୍ରୀ’ ଫିଲ୍ମର ନିର୍ଦ୍ଦେଶନା ଦେଇଛନ୍ତି,ଯେଉଁଥିରେ ଅଭିନୟ କରିଥିଲେ ଭର୍ସାଟାଇଲ ଆକ୍ଟର ରାଜ କୁମାର ରାଓ ଏବଂ ଶ୍ରଦ୍ଧା କପୁର । ସେହି ଫିଲ୍ମ ମଧ୍ୟ ବକ୍ସ ଅଫିସରେ ଭଲ କଲେକ୍ସନ କରିଥିଲା ଏବଂ ଲୋକମାନେ ପସନ୍ଦ ମଧ୍ୟ କରିଥିଲେ । ଏହି ଦୁଇ ଜଣଙ୍କ ବ୍ୟତୀତ ଫିଲ୍ମରେ ଦୀପକ ଡୋବରିଆଲ,ଅଭିନୟ ରାଜ ଏବଂ ଭବେଶ ଲୋହାର ଅଭିନୟ କରିଛନ୍ତି । ‘ଭେଡ଼ିଆ’ ଫିଲ୍ମ ନଭେମ୍ବର ୨୫ ରେ ମୁକ୍ତିଲା ଭ କରିବାକୁ ଯାଉଛି । ଶେଷଥର ପାଇଁ ବରୁଣ ‘ଯୁଗ ଯୁଗ ଜିୟୋ’ରେ ଏବଂ କ୍ରିତି ‘ହିରୋପନ୍ଥୀ-୨’ରେ ନଜର ଆସିଥିଲେ ।
ଜଳେଶ୍ବର (କେନ୍ୟୁଜ): ଟ୍ରକକୁ ଧକ୍କା ଦେଇ ଜଳିଗଲା ଆମ୍ବୁଲାନ୍ସ । ରୋଗୀ ସମେତ ୪ ଜଣ ଆମ୍ବୁଲାନ୍ସ କର୍ମଚାରୀ ଗୁରୁତର…
ପୁରୀ (କେନ୍ୟୁଜ): ଅତ୍ୟଧିକ ସ୍ନାନଯୋଗୁ ମହାପ୍ରଭୁ ଏବେ ଅସୁସ୍ଥ। ଗତକାଲି ସ୍ନାନବେଦିରେ ୧୦୮ ଗରା ସୁବାସିତ ଜଳରେ ସ୍ନାନ ପରେ…
ବ୍ରହ୍ମଗିରି (କେନ୍ୟୁଜ): ଆଜି ଠାରୁ ମହାପ୍ରଭୁ ଅଲାରନାଥଙ୍କ ଅଣସର ଦର୍ଶନ । ଚଳିତ ବର୍ଷ ୧୩ଦିନ ଧରି ଚାଲିବ ଏହି…
ନୂଆଦିଲ୍ଲୀ : ଥମୁନି ନିଟ୍ ବିବାଦ । ନିଟ୍ ପ୍ରଶ୍ନପତ୍ର ଲିକ୍ ବିବାଦ ମାମଲାରେ କେନ୍ଦ୍ର ସରକାରଙ୍କ ବଡ଼ ଘୋଷଣା…
ମେଷ: ଆଜି ଆପଣଙ୍କ ପାଇଁ ଦିନଟି ମିଶ୍ରିତ ରୂପେ ଲାଭଦାୟକ ରହିବ । ପାରିବାରିକ ସମ୍ପର୍କ ମଧୁର ହେବ ।…
ଭୁବନେଶ୍ୱର : ମୁଖ୍ୟମନ୍ତ୍ରୀଙ୍କ ମୌସୁମୀ ଋତୁରେ ସମ୍ଭାବ୍ୟ ବନ୍ୟା ପରିଚାଳନାର ପ୍ରସ୍ତୁତି ସମୀକ୍ଷା କଲେ ମୁଖ୍ୟମନ୍ତ୍ରୀ। ଜଳସମ୍ପଦ ବିଭାଗର ବରିଷ୍ଠ…