Photo: NDTV
ଅଜୟ ଦେବଗନଙ୍କ ଫିଲ୍ମ ‘ସିଂଘମ୍ ଏଗେନ’କୁ ନେଇ ଫ୍ୟାନ୍ସ ମାନେ ଅତି ଉତ୍ସାହର ସହିତ ଅପେକ୍ଷା କରିଛନ୍ତି । ଏହି ଫିଲ୍ମରୁ ଅନେକ ସେଲିବ୍ରେଟିଙ୍କ ଲୁକ୍ ପୂର୍ବରୁ ଆସିଯାଇଛି ଏବଂ ବର୍ତ୍ତମାନ ଫିଲ୍ମରୁ ଅଜୟ ଦେବଗନଙ୍କ ଫାଷ୍ଟ ଲୁକ୍ ସାମ୍ନାକୁ ଆସିଛି । ଅଜୟ ଦେବଗନଙ୍କ ଫାଷ୍ଟ ଲୁକକୁ ଫ୍ୟାନ୍ସମାନେ ଅନେକ ଦିନରୁ ଅପେକ୍ଷା କରିଥିଲେ ।
ଏବେ ଏହି ଅପେକ୍ଷାର ଅନ୍ତ ହୋଇଛି ଏବଂ ରୋହିତ ଶେଟ୍ଟୀ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଅଜୟ ଦେବଗନଙ୍କ ଫାଷ୍ଟ ଲୁକ୍ ସେୟାର କରିଛନ୍ତି । ଅଜୟ ଦେବଗନଙ୍କ ଲୁକ୍ ସେୟାର କରିବା ବେଳେ ରୋହିତ ଶେଟ୍ଟୀ କ୍ୟାପ୍ସନରେ ଲେଖିଛନ୍ତି – “ଗୋଟିଏ ସିଂହ ଆତଙ୍କ ସୃଷ୍ଟି କରେ କିନ୍ତୁ ଏକ ଆହତ ସିଂହ ବିନାଶ ସୃଷ୍ଟି କରେ । ସମସ୍ତଙ୍କର ପ୍ରିୟ ପୋଲିସ୍, ବାଜିରାଓ ସିଂଘମ୍ ଫେରି ଆସିଛନ୍ତି । ସିଂଘମ୍ ଏଗେନ” ।
‘ସିଂଘମ ଏଗେନ’ରୁ ଅଜୟ ଦେବଗନଙ୍କ ଫାଷ୍ଟ ଲୁକ୍ ଦେଖିବା ପରେ ଫ୍ୟାନ୍ସମାନେ ଖୁବ ଏକ୍ସସାଇଟେଡ଼ ଅଛନ୍ତି । ରୋହିତ ଶେଟ୍ଟୀଙ୍କ ପୋଷ୍ଟରେ ଫ୍ୟାନ୍ସମାନେ କମେଣ୍ଟର ବର୍ଷା କରୁଛନ୍ତି । ଜଣେ ୟୁଜର କମେଣ୍ଟରେ ଲେଖିଛନ୍ତି- ସୁପର ସାର୍, ଅନ୍ୟ ଜଣେ ୟୁଜର ଲେଖିଛନ୍ତି – ଆଉ ଅପେକ୍ଷା କରିହେବ ନାହିଁ ।
ଫିଲ୍ମର ନିର୍ଦ୍ଦେଶନା ଦେଇଛନ୍ତି ରୋହିତ ଶେଟ୍ଟୀ । ସିଂଘମ୍ ଫ୍ରାଞ୍ଚାଇଜର ଏହା ହେଉଛି ତୃତୀୟ ଫିଲ୍ମ । ଏହି ଫିଲ୍ମରେ ଅଜୟ ଦେବଗନ ବାଜିରାଓ ସିଂଘମ୍ ଭୂମିକାରେ ନଜର ଆସିବେ । ଅଜୟଙ୍କ ଏହି ଚରିତ୍ରକୁ ଫ୍ୟାନ୍ସ ସବୁବେଳେ ପସନ୍ଦ କରିଥାନ୍ତି । ଅଜୟ ଦେବଗନଙ୍କ ବ୍ୟତୀତ ଏହି ଫିଲ୍ମରେ କରୀନା କପୁର ଫିମେଲ ଲିଡରେ ନଜର ଆସିବେ ।
ଅଜୟ ନିକଟରେ ନିଜ ଇନଷ୍ଟାଗ୍ରାମ ଆକାଉଣ୍ଟରେ କରୀନାଙ୍କ ଲୁକ୍ ସେୟାର କରିଥିଲେ । ଫଟୋରେ କରୀନା ତାଙ୍କ ହାତରେ ବନ୍ଧୁକ ଦେଖାଇଥିବାର ନଜର ଆସିଛନ୍ତି ଏବଂ ତାଙ୍କ ମୁହଁରେ ଆଘାତର ଚିହ୍ନ ରହିଛି । କରୀନାଙ୍କ ବ୍ୟତୀତ ଦୀପିକା ପାଦୁକୋନ ଏବଂ ଟାଇଗର ଶ୍ରଫ ମଧ୍ୟ ଏହି ଫିଲ୍ମରେ ନଜର ଆସିବେ ।
‘ସିଂଘମ୍ ଏଗେନ’ର ରିଲିଜ୍ ଡେଟ ବିଷୟରେ କହିବାକୁ ଗଲେ ଏହି ଫିଲ୍ମ ୧୫ ଅଗଷ୍ଟ ୨୦୨୪ ରେ ଫିଲ୍ମହଲ ରେ ରିଲିଜ ହେବାକୁ ଯାଉଛି । ଏହି ଫିଲ୍ମଟି ଅଲ୍ଲୁ ଅର୍ଜୁନଙ୍କ ପୁଷ୍ପା ସହିତ କମ୍ପିଟିସନ କରିବ । ଉଭୟ ଫିଲ୍ମ ପରସ୍ପର ଉପରେ ଭାରୀ ହେବାକୁ ଯାଉଛନ୍ତି ।
ଭୁବନେଶ୍ୱର: ଆଜିଠୁ ୪ଦିନ ଯାଏ ବର୍ଷା । ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ସମ୍ଭାବନା ରହିଛି । ବଙ୍ଗୋପସାଗରରେ…
ନୂଆଦିଲ୍ଲୀ: ଆଜି ଲୋକସଭା ବାଚସ୍ପତି ନିର୍ବାଚନ । ସ୍ଵାଧୀନତା ପରେ ପ୍ରଥମ ଥର ପାଇଁ ଲୋକସଭା ବାଚିସ୍ପତି ପଦବୀ ପାଇଁ…
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…