ଆଲିଆଙ୍କ ନାଗରିକତାକୁ ନେଇ ଉଠିଲା ପ୍ରଶ୍ନ ! ଅଭିନେତ୍ରୀ ଦେଲେ କଡା ଜବାବ

ମେ ୨୦ରେ ଲୋକସଭା ନିର୍ବାଚନର ପଞ୍ଚମ ପର୍ଯ୍ୟାୟରେ ମହାରାଷ୍ଟ୍ରରେ ମତଦାନ ହୋଇଥିଲା । ଏଥିରେ ସାଧାରଣ ଲୋକ ସହ ଅନେକ ସେଲିବ୍ରେଟ୍ ମଧ୍ୟ ଅଂଶଗ୍ରହଣ କରିଥିଲେ । ଯେପରି ଶାହାରୁଖ ଖାନ, ଅକ୍ଷୟ କୁମାର, ଦୀପିକା ପାଦୁକୋନ, ରଣବୀର ସିଂ, ଧର୍ମେନ୍ଦ୍ର, ଅମିତାଭ ବଚ୍ଚନଙ୍କ ସମେତ ସମସ୍ତ ଷ୍ଟାର ମତଦାନ କେନ୍ଦ୍ରରେ ପହଞ୍ଚି ସେମାନଙ୍କ ମତଦାନ ଦେଇଥିଲେ । ତେବେ ଆଜିକାଲି ନୀତୀଶ ତିୱାରୀଙ୍କ ‘ରାମାୟଣ’ର ସୁଟିଂରେ ବ୍ୟସ୍ତ ଥିବା ବଲିଉଡ ଅଭିନେତା ରଣବୀର କପୁର ମଧ୍ୟ ଭୋଟ୍ ଦେଇଛନ୍ତି, କିନ୍ତୁ ତାଙ୍କ ସହ ସ୍ତ୍ରୀ ଅର୍ଥାତ ବଲିଉଡ ଅଭିନେତ୍ରୀ ଆଲିଆ ଭଟ୍ଟଙ୍କୁ ଦେଖିବାକୁ ମିଳି ନଥିଲା । ଏହା ପରେ ଆଲିଆ ଭଟ୍ଟଙ୍କ ନାଗରିକତାକୁ ନେଇ ପୁଣି ଏକ ବିତର୍କ ଆରମ୍ଭ ହୋଇଛି ।

ବାସ୍ତବରେ ଆଲିଆ ଭଟ୍ଟଙ୍କ ପାଖରେ ଭାରତୀୟ ନାଗରିକତା ନାହିଁ । ଏହି ଅଭିନେତ୍ରୀ ବ୍ରିଟିଶ ନାଗରିକତା ଗ୍ରହଣ କରିଛନ୍ତି । ଆଲିଆ ଭୋଟ୍ ନଦେବା ଯୋଗୁ ନେଟେନିଜେନମାନେ ସୋସିଆଲ ମିଡିଆରେ ଏହା ବିଷୟରେ ବିତର୍କ ଆରମ୍ଭ କରିଥିଲେ । ସୋସିଆଲ ମିଡିଆରେ ବିତର୍କ ମଧ୍ୟରେ ଆଲିଆ ଭଟ୍ଟ ଇନଷ୍ଟାଗ୍ରାମରେ ଏକ କ୍ରିପ୍ଟି ପୋଷ୍ଟ ସେୟାର କରିଛନ୍ତି । ଯଦିଓ ଭୋଟ୍ ନଦେବା ଏବଂ ତାଙ୍କ ନାଗରିକତା ସମ୍ବନ୍ଧରେ ଏହି ପୋଷ୍ଟରେ କୌଣସି ମନ୍ତବ୍ୟ ନାହିଁ, ତଥାପି ବିଶ୍ୱସ କରାଯାଏ ଯେ ଆଲିଆଙ୍କ ଏହି ପୋଷ୍ଟ ତାଙ୍କୁ ଭୋଟ୍ ନଦେବା ନେଇ ବିତର୍କର ପ୍ରତିକ୍ରିୟା ହୋଇଥାଇପାରେ ।

ଆଲିଆ ତାଙ୍କ ଇନଷ୍ଟାଗ୍ରାମ ଷ୍ଟୋରିରେ ଲେଖିଛନ୍ତି, ‘‘Love. No such argument, no matter how strong, can defeat that word’’ । ଏହା ସହିତ ଆଲିଆ ମଧ୍ୟ ‘ଦି ଗୁଡ୍ ୱାର୍ଡ’ର ହ୍ୟାସଟ୍ୟାଗ୍ ଯୋଡିଥିଲେ । ଅଭିନେତ୍ରୀଙ୍କ ଏହି ପୋଷ୍ଟ ଦିନକୁ ଦିନ ଭାଇରାଲ ହେବାରେ ଲାଗିଛି । ବର୍ତ୍ତମାନ ଅଭିନେତ୍ରୀଙ୍କ ପୋଷ୍ଟର ସ୍କ୍ରିନସଟ ଭାଇରାଲ ହେବାରେ ଲାଗିଛି । ତେବେ ପ୍ରଥମ ହଲିଉଡ୍ ଫିଲ୍ମ ‘ହାର୍ଟ ଅଫ୍ ଷ୍ଟୋନ୍’ର ପ୍ରମୋସନ କରିବା ସମୟରେ ଆଲିଆ ଭଟ୍ଟ ପ୍ରକାଶ କରିଥିଲେ, ଯେ ତାଙ୍କର ବ୍ରିଟିଶ ନାଗରିକତା ଅଛି ଏବଂ ଭାରତୀୟ ନୁହେଁ ।

ଫିଲ୍ମର ପ୍ରମୋସନ ସମୟରେ ଯେତେବେଳେ ମୁଖ୍ୟ ଅଭିନେତ୍ରୀ ଗାଲ ଗାଡୋଟ୍ ଆଲିଆଙ୍କୁ ତାଙ୍କ ନାଗରିକତା ବିଷୟରେ ପଚାରିଥିଲେ, ଆଲିଆ କହିଥିଲେ ଯେ ତାଙ୍କର ବ୍ରିଟିଶ ନାଗରିକତା ଅଛି । ଆଲିଆ କହିଛନ୍ତି ଯେ ତାଙ୍କ ମା ସୋନି ରାଜଦାନ ବର୍ମିଂହାମରେ ଜନ୍ମ ହୋଇଥିବାବେଳେ ସେ ଭାରତରେ ଜନ୍ମ ହୋଇଥିଲେ । ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ଆଲିଆଙ୍କୁ ରଣବୀର ସିଂଙ୍କ ସହ ‘ରକି ଔର ରାନୀ କି ପ୍ରେମ କାହାନି’ରେ ଶେଷ ଥର ପାଇଁ ଦେଖିବାକୁ ମିଳିଥିଲା । ଏହି ଫିଲ୍ମଟି ବକ୍ସ ଅଫିସରେ ହିଟ୍ ହୋଇଥିଲା ଏବଂ ଜବରଦସ୍ତ କଲେକ୍ସନ୍‌ କରିଥିଲା ।