Image Credit: Twitter
ବରିଷ୍ଠ ବଙ୍ଗାଳୀ ଫିଲ୍ମ ନିର୍ଦ୍ଦେଶକ ତଥା ପଦ୍ମଶ୍ରୀ ତରୁଣ ମଜୁମ୍ଦାରଙ୍କର ୯୧ ବର୍ଷ ବୟସରେ ଆଜି ନିଧନ ହୋଇଛି। ବୟସାଧିକ ରୋଗରେ ସେ ଦୀର୍ଘ ଦିନ ହେଲାଣି ପୀଡ଼ିତ ଥିଲେ। କୋଲକାତାର ଏସ୍ଏସ୍କେଏମ୍ର ସରକାରୀ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କ ମୃତ୍ୟୁ ଘଟିଛି। ସେ ଭେଣ୍ଟିଲେଟର ସପୋର୍ଟରେ ଥିଲେ। ତରୁଣ ମଜୁମଦାରଙ୍କ ବିୟୋଗରେ ଫିଲ୍ମ ଇଣ୍ଡଷ୍ଟ୍ରୀରେ ଶୋକର ଛାୟା ଖେଳିଯାଇଛି। ଶହ ଶହ କଳାକାର ତାଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରୁଛନ୍ତି। ତରୁଣ ମଜୁମ୍ଦାର ଓଡ଼ିଆ ଫିଲ୍ମ ‘ଅକୁହା କଥା’ରେ ମଧ୍ୟ ନିର୍ଦ୍ଦେଶନା ଦେଇଥିଲେ।
୧୯୮୫ ମସିହାରେ ସେ ଅଲୋର ପିପସା ଫିଲ୍ମରେ ବସନ୍ତ ଚୌଧୁରୀଙ୍କ ସହ ନିର୍ଦ୍ଦେଶକ ଭାବେ କାମ ଆରମ୍ଭ କରିଥିଲେ। ପ୍ରଥମେ ସେ ଫିଲ୍ମ ନିର୍ମାତାଙ୍କ ଗ୍ରୁପ୍ ଯାତ୍ରୀକରେ କାମ କରିଥିଲେ। ଏଥିରେ ତରୁଣ ମଜୁମଦାରଙ୍କ ସହ ଦିଲ୍ଲୀପ ମୁଖୋପାଧ୍ୟାୟ ଓ ସଚିନ୍ ମୁଖାର୍ଜୀ ମଧ୍ୟ ଥିଲେ। ଏହା ପରେ ୧୯୬୩ ମସିହାରେ ସେ ଯାତ୍ରିକ ଛାଡ଼ି ଦେଇଥିଲେ। ତରୁଣଙ୍କର ଲୋକପ୍ରିୟ ଫିଲ୍ମ ଗୁଡ଼ିକ ମଧ୍ୟରେ ବାଳିକା ବଧୂ, କୁହେଳୀ, ଶ୍ରୀମନ ପୃଥ୍ଵୀରାଜ, ଦାଦର କୀର୍ତ୍ତି, ସ୍ମୃତି ତୁକୁ ଠକ, ପଲଟକ, ଗଣଦେବତା ଆଦି ରହିଛି।
ନିଜ ଫିଲ୍ମ କ୍ୟାରିୟରରେ ସେ ଉତ୍ତମ କୁମାର, ସୁଚିତ୍ରା ସେନ୍, ଛବି ବିଶ୍ୱାସ, ସୌମିତ୍ର ଚାଟାର୍ଜୀ, ସନ୍ଧ୍ୟା ରାୟ ପ୍ରମୁଖ କଳାକାରଙ୍କ ସହ କାମ କରିଛନ୍ତି। ୧୯୯୦ ମସିହାରେ ତରୁଣ ମଜୁମଦାରଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯାଇଥିଲା। ୨୦୨୧ରେ ତାଙ୍କୁ ଲାଇଫ୍ଟାଇମ୍ ଆଚିଭ୍ମେଣ୍ଟ ସହ ପାଞ୍ଚଟି ଫିଲ୍ମ ଫେୟାର ପୁରସ୍କାର ପ୍ରଦାନ କରାଯାଇଥିଲା।
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…
ଭୁବନେଶ୍ୱର: ବଦଳିଲା ପାଣିପାଗର ମିଜାଜ। ରାଜଧାନୀର ବିଭିନ୍ନ ସ୍ଥାନରେ ପ୍ରବଳ ବର୍ଷା । ଭୁବନେଶ୍ୱରର ବିଭିନ୍ନ ସ୍ଥାନରେ ପ୍ରବଳ ବର୍ଷା…
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…