ପୁଣିଥରେ ଏନ୍ସିବି ଅଫିସରେ ପହଞ୍ଚିଲେ କମେଡିଆନ୍ ଭାରତୀ ସିଂହ ଓ ତାଙ୍କ ସ୍ୱାମୀ ହର୍ଷ ଲିମ୍ବଚିଆ। ଉଭୟେ ଏନ୍ସିବି ଅଫିସ ଯାଉଥିବା ବେଳର ଫଟୋ ସାମ୍ନାକୁ ଆସିଛି। ଭାରତୀ ଓ ହର୍ଷଙ୍କର ଫଟୋ ଏବେ ସୋସିଆଲ ମିଡିଆରେ ଚର୍ଚ୍ଚାରେ ରହିଛି। ଡ୍ରଗ୍ସ ମାମଲାରେ ପୁନର୍ବାର ପଚରାଉଚରା କରିବାକୁ ଏନ୍ସିବି ଉଭୟଙ୍କୁ ଡାକିଥିବା କୁହାଯାଉଛି। ଭାରତୀ ଓ ହର୍ଷ ସୋମବାର ଅପରାହ୍ନ ୩ଟା ବେଳେ ଏନ୍ସିବି ଅଫିସରେ ପହଞ୍ଚିଥିଲେ। ସେମାନଙ୍କୁ ଦୀର୍ଘ ସମୟ ଧରି ପଚରାଉଚରା କରାଯାଇଥିଲା। ପଚରାଉଚରା ବେଳେ ସେମାନେ ବହୁ ଗୁମର ଖୋଲିଥିବା କୁହାଯାଉଛି।
ସୂଚନାଯୋଗ୍ୟ ଯେ ପୂର୍ବରୁ ମଧ୍ୟ ଏନ୍ସିବି ଭାରତୀ ଓ ହର୍ଷଙ୍କ ଘରେ ଚଢ଼ଉ କରି ବିପୁଳ ପରିମାଣର ନିଶା ଜାତୀୟ ଦ୍ରବ୍ୟ ଜବତ କରିଥିଲା। ଏହି ମାମଲାରେ ଉଭୟ ପତିପତ୍ନୀଙ୍କୁ ଗିରଫ ମଧ୍ୟ କରାଯାଇଥିଲା। ମାତ୍ର ପରେ ଉଭୟଙ୍କୁ ଜାମିନ୍ ମିଳିଥିଲା।
ତେବେ କେବଳ ଭାରତୀ ଓ ହର୍ଷ ନୁହଁନ୍ତି,ଏନ୍ସିବି ଅଭିନେତା ଅର୍ଜୁନ୍ ରାମପାଲଙ୍କୁ ମଧ୍ୟ ପଚରାଉଚରା ପାଇଁ ଅଫିସ ଡାକିଥିଲା। ଏନ୍ସିବି ୧୫ ତାରିଖରେ ଅର୍ଜୁନ୍ଙ୍କୁ ସମନ ପଠାଇ ୧୬ରେ ହାଜର ହେବାକୁ କହିଥିଲା। କିନ୍ତୁ ସେତେବେଳେ ଅର୍ଜୁନ୍ ମୁମ୍ବାଇରେ ନଥିବାରୁ ସେ ୨୧ରେ ହାଜର ହେବାକୁ ସମୟ ମାଗିଥିଲେ। ଅର୍ଜୁନ୍ ମଧ୍ୟ ଗତକାଲି ଏନ୍ସିବି ଅଫିସରେ ପହଞ୍ଚିଥିଲେ।
ପ୍ରକାଶ ଯେ ଅଭିନେତା ସୁଶାନ୍ତ ସିଂହ ରାଜପୁତଙ୍କ କେସ୍ରେ ଡ୍ରଗ୍ସ ଆଙ୍ଗେଲ୍ ସାମ୍ନାକୁ ଆସିବା ପରେ ଏନ୍ସିବି ଲଗାତାର ଏହାର ଯାଞ୍ଚ ଚଳାଇଛି। ଡ୍ରଗ୍ସ କେସ୍ରେ ଏନ୍ସିବି ଅନେକ ଲୋକଙ୍କୁ ଗିରଫ କରିଛି। ଏଥିସହ କେତେକ ବଲିଉଡ୍ ଷ୍ଟାରଙ୍କ ନାଁ ସାମ୍ନାକୁ ଆସିବା ପରେ ତାଙ୍କୁ ପଚରାଉଚରା ମଧ୍ୟ ଜାରି ରଖିଛି।
ଆମେରିକାର ଲାସ୍ ଭେଗାସ୍ ସହରରେ ଥିବା ଏକ ଆପାର୍ଟମେଣ୍ଟ ପରିସରରେ ଆଖିବୁଜା ଗୁଳିମାଡ କଲା ଦୁର୍ବୃତ୍ତ । ଗୁଳିକାଣ୍ଡରେ ୫…
ଭୁବନେଶ୍ୱର: ଆଜି ଦିଲ୍ଲୀ ଯିବେ ମୁଖ୍ୟମନ୍ତ୍ରୀ ମୋହନ ମାଝୀ । ମୁଖ୍ୟମନ୍ତ୍ରୀଙ୍କ ସହ ଦୁଇ ଉପ ମୁଖ୍ୟମନ୍ତ୍ରୀ କେଭି ସିଂଦେଓ…
ପୁରୀ: ମହାପ୍ରଭୁଙ୍କ ଅନବସର ନୀତିର ଆଜି ପଞ୍ଚମ ଦିନ । ଚାଲିଛି ପ୍ରଭୁଙ୍କ ସେବା ପୂଜା । ଆଜି ମହାପ୍ରଭୁଙ୍କ…
ରାଉରକେଲା : ରାଉରକେଲା ଲୋକୋ ପାଇଲଟଙ୍କୁ ଅପହରଣ ଘଟଣା । ୩ ଅଭିଯୁକ୍ତ ଗିରଫ । ଭୁବନେଶ୍ଵରରୁ ଗିରଫ କଲା…
ସରକାରଙ୍କ ପ୍ରସ୍ତାବିତ ଟିକସ ବୃଦ୍ଧି ପ୍ରତିବାଦରେ କେନିଆରେ ହିଂସାତ୍ମକ ବିରୋଧ ପ୍ରଦର୍ଶନ ହେଉଛି । ଏହି ହିଂସାରେ ନାଇରୋବିରେ ୫…
କଟକ: କଟକ ସହରରେ ଦୂର ହେବ ଟ୍ରାଫିକ ସମସ୍ୟା । ସହର ମଧ୍ୟରେ ଯାନବାହନର ସୁରକ୍ଷିତ ଚଳାଚଳ ଓ ପାର୍କିଂ…