ବଲିଉଡ ବାଦଶାହ ଅମିତାଭ ବଚ୍ଚନ ସୋସିଆଲ ମିଡ଼ିଆ ଜରିଆରେ ନିଜ ଫ୍ୟାନ୍ସ ଓ ଫଲୋଅର୍ଶଙ୍କ ନିକଟକୁ ନିଜ ହୃଦୟର କଥା ପହଞ୍ଚାଇଥାନ୍ତି । ଏହା ସହ ଟ୍ୱିଟ ଉପରେ ନିଜେ ରିଟ୍ୱିଟ ବି କରିଥାନ୍ତି । କିନ୍ତୁ ନିକଟରେ ପ୍ଳେଜୋରୀଜମ ଆରୋପରେ ଅମିତାଭଙ୍କ ନାଁ ଚର୍ଚ୍ଚାର ପରିସରକୁ ଆସିଥିଲା । ଅବଶ୍ୟ ଅମିତାଭଙ୍କ ଅଜାଣତରେ ହିଁ ଏମିତି ହୋଇଥିବା ଜଣାଯାଇଛି । ପ୍ରକୃତରେ ଟିସା ଅଗ୍ରୱାଲ ନାମକ ଜଣେ ମହିଳାଙ୍କ ଲିଖିତ ଏକ କବିତାକୁ ଅମିତାଭ ବିନା କ୍ରେଡିଟରେ ନିଜ ଟ୍ୱିଟର ଆକାଉଣ୍ଟରେ ପୋଷ୍ଟ କରିଥିଲେ । ଏହି ଘଟଣା ପଦାକୁ ଆସିବା ପରେ ତନାଘନାରୁ ବିଗ ବି ଜାଣି ପାରିଥିଲେକି ଅନ୍ୟ କାହାର ଏକ କବିତାକୁ ସେ ବିନା କ୍ରେଡିଟରେ ପୋଷ୍ଟ କରିଦେଇଛନ୍ତି । ଆଉ ଏକ ଟ୍ୱିଟ ପୋଷ୍ଟ କରି ଅମିତାଭ ନିଜ ପକ୍ଷ ମଧ୍ୟ ରଖିଛନ୍ତି । ଆଉ ଲେଖିଛନ୍ତିକି “ମୁଁ ସେୟାର କରିଥିବା କବିତାର କ୍ରେଡିଟ ଟିସା ଅଗ୍ରୱାଲଙ୍କୁ ଦେବା ଉଚିତ । ମୁଁ ଅଜାଣତରେ ଏମିତି ଏକ ଭୁଲ କରିଦେଇଛି । ମୋତେ କବିତାଟି ପସନ୍ଦ ଆସିବାରୁ ମୁଁ ଏହାକୁ ପୋଷ୍ଟ କରିଦେଇଥିଲି । ଆଉ ଏଥିପାଇଁ କ୍ଷମା ମାଗୁଛି ।”
କହିରଖିବା ଉଚିତ ହେବକି, ବିଗ ବିଙ୍କ ଆକାଉଣ୍ଟରୁ ସେୟାର ହୋଇଥିବା ଏହି କବିତାକୁ ନେଇ ବିବାଦ ଜୋର ଧରିଥିଲା । କବିତାର ପ୍ରକୃତ ଲେଖିକା ଟିସା ଅଗ୍ରୱାଲ ହିଁ ଅଭିଯୋଗ ଆଣିଥିଲେ । ପରେ କିନ୍ତୁ ବିଗ ବି ଭୁଲ ମାଗିବା ପରେ ସବୁ ସମସ୍ୟାର ସମାଧାନ ହୋଇଯାଇଛି । ଟିସା ଏହାକୁ ଚଳିତ ବର୍ଷ ଏପ୍ରିଲ ୨୪ ତାରିଖରେ ଲେଖି ନିଜ ଫେସବୁକ ଆକାଉଣ୍ଟରେ ପୋଷ୍ଟ କରିଥିଲେ । ସେ ଜଣେ କବୟିତ୍ରୀ ହୋଇଥିବା ବେଳେ ଅଧିକାଂଶ ସମୟରେ ନିଜ ଲିଖିତ କବିତା ଗୁଡିକୁ ବିଭିନ୍ନ ସୋସିଆଲ ମିଡ଼ିଆ ଆକାଉଣ୍ଟରେ ପୋଷ୍ଟ କରିଥାନ୍ତି ।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…