ରିଲିଜ୍‌ ହେଲା ତବୁ, କରୀନା କପୁର, କ୍ରିତି ସାନନଙ୍କ ଫିଲ୍ମ ‘କ୍ରୁ’, ଜାଣନ୍ତୁ ପ୍ରଥମ ଦିନରେ କଲା କେତେ କଲେକ୍ସନ୍‌

ତବୁ, କରୀନା କପୁର, କ୍ରିତି ସାନନଙ୍କ ଅଭିନୀତ ଫିଲ୍ମ ‘କ୍ରୁ’ ଶୁକ୍ରବାର ଅର୍ଥାତ୍ ମାର୍ଚ୍ଚ ୨୯ରେ ସିନେମା ହଲ୍‌ରେ ମୁକ୍ତିଲାଭ କରିଛି । ବର୍ତ୍ତମାନ ଫିଲ୍ମକୁ ନେଇ ଦର୍ଶକଙ୍କର ଭଲ ରିଭ୍ୟୁ ମିଳିଛି । ତେବେ ଲୋକମାନେ ଫିଲ୍ମ ‘କ୍ରୁ’ କୁ ଏକ ଫୁଲ୍‌ ଏଣ୍ଟଟେନିଙ୍ଗ ଫିଲ୍ମ ବୋଲି କହୁଛନ୍ତି । ଦର୍ଶକ ଏହି ଫିଲ୍ମକୁ ବହୁତ ପସନ୍ଦ କରୁଛନ୍ତି । ଏହା ସହ ଫିଲ୍ମ ରିଲିଜ୍ ହେବାର ପ୍ରଥମ ଦିନରେ ବକ୍ସ ଅଫିସରେ ହଇଚଇ ସୃଷ୍ଟି କରିଛି ଏବଂ ପ୍ରଥମ ଦିନରେ ଏହାର ବହୁତ ଭଲ କଲେକ୍ସନ୍‌ ହୋଇଛି । ତାହେଲେ ଆସନ୍ତୁ ଜାଣିବା ଯେ ଫିଲ୍ମଟି ପ୍ରଥମ ଦିନରେ କେତେ କୋଟି ରୋଜଗାର କରିଛି ।

ସୂଚନା ଅନୁସାରେ, ତବୁ, କ୍ରିତି ସାନନ୍, କରୀନା କପୁରଙ୍କ ଅଭିନୀତ ଫିଲ୍ମ ‘କ୍ରୁ’ ପ୍ରଥମ ଦିନରେ ୮.୭୫ କୋଟି ଟଙ୍କା ରୋଜଗାର କରିଛି । ଏହା ସହ ଫିଲ୍ମଟି ପୂରା ବିଶ୍ୱରେ କେତେ କଲେକ୍ସନ୍‌ କରିଛି, ତାହା ସାମ୍ନାକୁ ଆସିନାହିଁ । ତେବେ ସପ୍ତାହ ଶେଷରେ ଅର୍ଥାତ୍ ଶନିବାର ଏବଂ ରବିବାରରେ ଫିଲ୍ମର ରୋଜଗାର ଅଧିକ ହେବ ବୋଲି ଆଶା କରାଯାଉଛି । ଏହି ସିନେମାର ବଜେଟ୍ ପ୍ରାୟ ୫୦ କୋଟି ଟଙ୍କାରେ ତିଆରି କରାଯାଇଛି । ଯଦି ଫିଲ୍ମର ରୋଜଗାର ଫାଷ୍ଟ ଡେ ଭଳି ରହିଲା, ତେବେ ଖୁବ୍‌ ଶୀଘ୍ର ଫିଲ୍ମ ବକ୍ସ ଅଫିସରେ ଏହାର ବହୁତ ଭଲ କଲେକ୍ସନ୍‌ କରିବ ।

ଫିଲ୍ମ ‘ ଦି କ୍ରୁ’ରେ ତିନୋଟି ଏୟାର ହୋଷ୍ଟେସ୍‌ଙ୍କ କାହାଣୀ ଦର୍ଶାଯାଇଛି । ଯେଉଁଥିରେ ‘ରିସ୍କ ଇଟ୍’, ‘ଷ୍ଟିଲ୍‌ ଇଟ୍‌’, ‘ଫେକ୍‌ ଇଟ୍‌’,ଙ୍କର ସୁନ୍ଦର ଝଲକ ଦେଖିବାକୁ ମିଳିଛି । ଏହା ବ୍ୟତୀତ ଏହି ଫିଲ୍ମରେ ଆହୁରି ଅନେକ ମଜାଦାର ଜିନିଷ ମଧ୍ୟ ଦେଖିବାକୁ ମିଳିଛି । ଏହି ତିନିଜଣ ନିଜ ନିଜ ଜୀବନର ସମସ୍ୟାରେ ଅଟକି ରହିଛନ୍ତି । ଏହା ସହ ଏୟାରଲାଇନ୍ସରେ କାମ କରିବା ସତ୍ତ୍ୱେ ସେ ଦରମା ପାଉନାହାଁନ୍ତି । ଏହା ସହିତ ଫିଲ୍ମ ‘ଦି କ୍ରୁ’ରେ ଦିଲଜିତ ଦୋସାଞ୍ଜ ଏବଂ କପିଲ ଶର୍ମା ମଧ୍ୟ ନଜର ଆସିଛନ୍ତି ।

ଏହି ଫିଲ୍ମରେ ତବୁ, କରୀନା କପୁର ଏବଂ କ୍ରିତି ସାନନଙ୍କ ବ୍ୟତୀତ ଦିଲଜିତ ଦୋସାଞ୍ଜ, କପିଲ ଶର୍ମା, ଶାଶ୍ୱତ ଚାଟାର୍ଜୀ, ରାଜେଶ ଶର୍ମା ଏବଂ କୁଲଭୂଷଣ ଖରବନ୍ଦା ମଧ୍ୟ ନଜର ଆସିଛନ୍ତି । ତେବେ ରାଜେଶ କୃଷ୍ଣନଙ୍କ ନିର୍ଦ୍ଦେଶିତ ଏହି ଫିଲ୍ମ ‘ଦି କ୍ରୁ’ର ସୁଟିଂ ଭାରତର ବିଭିନ୍ନ ସ୍ଥାନରେ ହୋଇଥିବା ବେଳେ ଅଧିକାଂଶ ସୁଟିଂ ମୁମ୍ବାଇରେ ହୋଇଥିଲା । ତେବେ ବାଲାଜୀ ଟେଲିଫିଲ୍ସ ଏବଂ ଅନିଲ କପୁର ଫିଲ୍ମ ଆଣ୍ଡ କମ୍ୟୁନିକେସନ୍ ନେଟୱାର୍କ ପାଇଁ ‘ଦି କ୍ରୁ’ ରିଲିଜ୍ ହୋଇଛି ।