ହାର୍ଟ ଆଟାକ୍ ହେବା ଜାଣିଲା ପରେ ନିଜେ ଡାକ୍ତର ଡାକିଥିଲେ ଏହି ଅଭିନେତ୍ରୀ

ମୁମ୍ବାଇ: ବଲିଉଡ୍‌ ଅଭିନେତ୍ରୀ ସୁସ୍ମିତା ସେନ୍ କିଛି ଦିନ ତଳେ ହୃଦଘାତର ଶିକାର ହୋଇଥିଲେ । ଏକ ପୋଷ୍ଟ ସେୟାର କରି ସେ ଏ କଥା କହିଥିଲେ ଯେ ତାଙ୍କର ଅସ୍ତ୍ରୋପଚାର କରାଯାଇଛି । ତାଙ୍କ ସ୍ୱାସ୍ଥ୍ୟାବସ୍ଥା ଏତେ ଖରାପ ହୋଇଯାଇଥିଲା ଯେ ଆଞ୍ଜିଓପ୍ଲାଷ୍ଟି କରାଇବାକୁ ପଡ଼ିଥିଲା ତାଙ୍କୁ । ହେଲେ ବର୍ତ୍ତମାନ ସେ ସୁସ୍ଥ ଅଛନ୍ତି । ତେବେ ଏହାରି ଭିତରେ ଟେଲିଭିଜନ ଅଭିନେତ୍ରୀ ଚାରୁ ଆସୋପା, ଯିଏକି ସୁସ୍ମିତା ସେନଙ୍କ ଭାଇ ବୋହୂ, ସୁସ୍ମିତାଙ୍କ ହୃଦଘାତ ବିଷୟରେ ଏକ ନୂଆ ସୂଚନା ସେୟାର କରିଛନ୍ତି। ସୁସ୍ମିତା ଚଳିତ ବର୍ଷ ମାର୍ଚ୍ଚରେ ହୃଦ୍‌ଘାତରେ ପୀଡିତ ଥିବା ଖବର ପ୍ରକାଶ ପାଇଥିଲା । ଅଭିନେତ୍ରୀ କହିଥିଲେ ଯେ ସେ ତାଙ୍କର ଆଗାମୀ ପ୍ରୋଜେକ୍ଟର ସୁଟିଂ ବେଳେ ହୃଦଘାତରେ ପୀଡିତ ହୋଇଥିଲେ ।

ଏପଟେ ଏକ ସାକ୍ଷାତକାରରେ ଚାରୁ ପ୍ରକାଶ କରିଛନ୍ତି ଯେ, ସୁସ୍ମିତା ଯେତେବେଳେ ହୃଦଘାତର ଶିକାର ହୋଇଥିଲେ ଏବଂ ପରିବାର ଲୋକଙ୍କୁ କିଛି କହି ନଥିଲେ ସେତେବେଳେ ସେ ନିଜେ ଡାକ୍ତରଙ୍କୁ ଡ଼ାକିଥିଲେ । ଏହି ବିଷୟରେ ପରିବାରରେ କାହାକୁ ଜଣାନଥିଲା । କାରଣ ସେ କାହାକୁ ଏନେଇ କହିନଥିବା ଚାରୁ କହିଛନ୍ତି । ତେଣୁ ଯେତେବେଳେ ଏହା ଘଟିଲା, ସେ ଜୟପୁରରେ ଥିଲେ ଏବଂ ସେ କାହାକୁ କିଛି କହିବା ପୂର୍ବରୁ ନିଜେ ଡାକ୍ତରମାନଙ୍କୁ ଡାକିଥିଲେ ବୋଲି ଚାରୁ କହିଛନ୍ତି ।

ଏହା ସହିତ ସେ କହିଛନ୍ତି କି “ଯେତେବେଳେ ସେ ଏହା ଜାଣିଲେ, ସେ ତାଙ୍କ ଶାଶୁଙ୍କୁ ଏ ବିଷୟରେ ପଚାରିଥିଲେ ଏବଂ ସେ ତାଙ୍କୁ କହିଥିଲେ ଯେ ବର୍ତ୍ତମାନ ସୁସ୍ମିତା ଭଲ ଅଛନ୍ତି । କେହି ଏହା ଆଶା କରିନଥିଲେ ଏବଂ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ । ତେବେ ବର୍ତ୍ତମାନ ସୁସ୍ମିତାଙ୍କ ଭାଇ ରାଜୀବ ସେନଙ୍କ ସହ ତାଙ୍କର ଛାଡପତ୍ର ଚାଲିଥିବା କଥା ଟିଭି ତାରକା ପ୍ରକାଶ କରିଛନ୍ତି ।

ସୂଚନା ଥାଉକି, ଗତ ମାର୍ଚ୍ଚରେ ସୁସ୍ମିତା ଇନଷ୍ଟାଗ୍ରାମରେ ଏହି ଆଶ୍ଚର୍ଯ୍ୟଜନକ ଖବର ସେୟାର କରିଥିଲେ । ସେ ହୃଦଘାତରେ ଆକ୍ରାନ୍ତ ହୋଇଥିଲେ ଏବଂ ଆଞ୍ଜିଓପ୍ଲାଷ୍ଟି ଏବଂ ଷ୍ଟେଣ୍ଟ ପ୍ରତିରୋପଣ କରିଥିବା କଥା ପ୍ରକାଶ କରିଥିଲେ । ଅନେକ ପ୍ରଶଂସକ ତାଙ୍କର ସୁସ୍ଥ ଜୀବନ କାମନା କରିଥିଲେ ତାଙ୍କ ସାହସକୁ ପ୍ରଶଂସା କରିଥିଲେ । ଏପଟେ ଏହି ସମୟରେ ଚାରୁ ଆସୋପା ଏବଂ ତାଙ୍କ ସ୍ୱାମୀ ରାଜୀବ ସେନଙ୍କ ଛାଡପତ୍ର ପ୍ରକ୍ରିୟା ଚଳିତ ବର୍ଷ ଜାନୁଆରୀରୁ ଜାରି ରହିଛି । ଗତ ମଙ୍ଗଳବାର ଦିନ, ସୁସ୍ମିତା ସେନଙ୍କ ଭାଇ ରାଜୀବ ତାଙ୍କ ବ୍ଳଗରେ ନିଶ୍ଚିତ କରିଛନ୍ତି ଯେ ତାଙ୍କ ଛାଡପତ୍ରର ଅନ୍ତିମ ଶୁଣାଣି ତାରିଖ ଜୁନ୍ ୮ରେ ହେବ ।

ତେବେ ସୁସ୍ମିତା ସେନ୍ ନିଜର ଆଗାମୀ ୱେବ୍ ସିରିଜ୍ ‘ତାଲି’ ଯାହା ଟ୍ରାନ୍ସଜେଣ୍ଡର କାର୍ଯ୍ୟକର୍ତ୍ତା ଶ୍ରୀଗୌରୀ ସାୱନ୍ତଙ୍କ ଉପରେ ଆଧାରିତ, ଏହାର ପ୍ରମୋ ପାଇଁ ଡବିଂ ଏବଂ ସୁଟିଂ ଶେଷ କରିଛନ୍ତି । ଏହାସହ ନିକଟରେ ଆର୍ଯ୍ୟ – ସିଜିନ୍ ୩ ର ସୁଟ୍ ବି ଶେଷ କରିଛନ୍ତି ସୁସ୍ମିତା ସେନ୍ ।