Photo: Firstpost
ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି ଅଭିନେତ୍ରୀ ରଶ୍ମିକା ମନ୍ଦନା ଓ କ୍ୟାଟ୍ରିନା କୈଫଙ୍କ Deepfake ଫଟୋ ଏବଂ ଭିଡିଓ । AI ର ଏହିଭଳି ଭାବେ ଦୁରୁପଯୋଗ ହେବ ବୋଲି କେହି କେବେ କଳ୍ପନା ମଧ୍ୟ କରିନଥିବେ । ନିକଟରେ ରଶ୍ମିକାଙ୍କ ଭଳି ଅବିକଳ ଦେଖାଯାଉଥିବା ଜଣେ ଯୁବତୀଙ୍କ ଏକ ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ତେବେ ଭିଡିଓରେ ଜଣେ ମହିଳା ଲିଫ୍ଟରେ ପ୍ରବେଶ କରୁଥିବା ଦେଖିବାକୁ ମିଳିଛି । ଏହି ଭିଡିଓକୁ AI ସାହାଯ୍ୟରେ ରଶ୍ମିକା ଭଳି କରିବାକୁ ଚେଷ୍ଟା କରାଯାଇଛି । ତେବେ X ର ଜଣେ ବ୍ୟବହାରକାରୀ କହିଛନ୍ତି ଯେ ଭାଇରାଲ ଭିଡିଓରେ ଦେଖାଯାଇଥିବା ମହିଳାଙ୍କ ନାମ ହେଉଛି ଜାରା ପଟେଲ, ସେ ଜଣେ ବ୍ରିଟିଶ ଭାରତୀୟ ଝିଅ ।
ସେ ଏକ ସ୍ଲିଭଲେସ୍ ବ୍ଲାକ୍ ୟୁନିଟାର୍ଡ ପିନ୍ଧିଥିବାର ନଜର ଆସିଛନ୍ତି । ସୂଚନା ମୁତାବକ,ଏହି ଭିଡିଓଟି ପ୍ରଥମେ ଜାରାଙ୍କ ଦ୍ୱାରା ଅକ୍ଟୋବର ୯ ରେ ସେୟାର କରାଯାଇଥିଲା । ଏହି ଭିଡିଓ ଦେଖିବା ପରେ X ର ଅନେକ ଯୁଜର୍ସ ଏହାର ଘୋର ବିରୋଧ କରିଛନ୍ତି । କେବଳ ସାଧାରଣ ଲୋକ ନୁହନ୍ତି, ଏହାକୁ ନେଇ କେନ୍ଦ୍ର IT ମନ୍ତ୍ରୀ ରାଜୀବ ଚନ୍ଦ୍ରଶେଖର, ଅମିତାଭ ବଚ୍ଚନ କଠୋର କାର୍ଯ୍ୟାନୁଷ୍ଠାନ ଦାବି କରିବାକୁ କହିଛନ୍ତି । ସାଉଥ୍ ଅଭିନେତ୍ରୀ ରଶ୍ମିକା ମନ୍ଦାନାଙ୍କ ପରେ ଏବେ Deepfake ଜାଲରେ ଫସିଛନ୍ତି ବଲିଉଡ୍ ଅଭିନେତ୍ରୀ କ୍ୟାଟ୍ରିନା କୈଫ୍।
କେହି ଜଣେ Deepfake ଟେକ୍ନୋଲୋଜି ବ୍ୟବହାର କରି ତାଙ୍କୁ ଲଜ୍ଜାଜନକ ପୋଷାକ ପିନ୍ଧାଇ ଦେଇଛନ୍ତି । ତାଙ୍କର ଅପ୍କମିଂ ଫିଲ୍ମ ‘ଟାଇଗର ୩’ର ଟାୱେଲ ଦୃଶ୍ୟରେ ଏଭଳି କାମ କରାଯାଇଛି । ଏବେ ଅଭିନେତ୍ରୀଙ୍କ ଏହି ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ନିକଟରେ ଅଭିନେତ୍ରୀ ଏହି ସିନ୍ର ସୁଟିଂ ପଛର ଏକ ଫଟୋ ନିଜ ଇନ୍ଷ୍ଟାଗ୍ରାମରେ ପୋଷ୍ଟ କରିଥିଲେ । ହେଲେ ଏବେ ଏହି ଫଟୋକୁ କେହି ଜଣେ ମର୍ଫ କରିଦେଇଛି । କ୍ୟାଟ୍ରିନା କୈଫ୍ଙ୍କର ଯେଉଁ Deepfake ଫଟୋ ସୋସିଆଲ ମିଡିଆରେ ଭାଇରାଲ ହେଉଛି, ସେଥିରେ ସେ ହ୍ଵାଇଟ୍ ଡିପ୍ ପ୍ଲଞ୍ଜିଙ୍ଗ୍ ନେକ୍ଲାଇନ ଟପ୍ ପିନ୍ଧିଥିବା ନଜର ଆସୁଛନ୍ତି ।
ଏଥିରେ ତାଙ୍କର କ୍ଲିଭେଜ୍ ଗଭୀର ଭାବରେ ଦୃଶ୍ୟମାନ ହେଉଛି । ଯେତେବେଳେ କି, କ୍ୟାଟ୍ରିନା ଯେଉଁ ଫଟୋ ପୋଷ୍ଟ କରିଥିଲେ, ସେଥିରେ ସେ ଏକ ଟାୱେଲ ପିନ୍ଧିଥିଲେ ଏବଂ ତାଙ୍କର ନେକ୍ଲାଇନ ସମ୍ପୂର୍ଣ୍ଣ ଆଚ୍ଛାଦିତ ରହିଥିଲା । ଆଉ ତାହା ଅଶ୍ଳୀଳ ମଧ୍ୟ ଦେଖାଯାଉ ନ ଥିଲା । ଏହା ପ୍ରଥମ ଥର ନୁହେଁ, ଏହି ଭଳି ପୂର୍ବରୁ ମଧ୍ୟ ହୋଇଛି । ଅନେକ ସେଲିବ୍ରିଟିଙ୍କ ନକଲି ଭିଡିଓ ସୋସିଆଲ ମିଡିଆରେ ସେୟାର ହୋଇଥିଲା । ସେହି ସବୁ ସେଲସବ୍ରିଟିଙ୍କ ମଧ୍ୟରେ ଟମ କ୍ରୁଜ, ଆନ୍ ହାଥୱେ, ମୋହନଲାଲ, ମାମୁଟି, ଫାହାଦ୍ ଫାସୀଲ ଏବଂ ଅନ୍ୟାନ୍ୟ ଷ୍ଟାର ସାମିଲ ରହିଥିଲେ ।
ତେବେ ଆପଣମାନେ ନିଶ୍ଚୟ ଭାବୁଥିବେ ଯେ Deepfake କଣ ଏବଂ ଏହା କିପରି କରାଯାଏ ?
Deepfake, ଏହି ଟର୍ମ ‘deep learning’ ଏବଂ ‘fake’ ଶବ୍ଦରୁ ଆସିଛି । ଯାହା ଦ୍ୱାରା ଅରଜିନାଲ ଫଟୋ, ଭିଜୁଆଲ ଏବଂ ଅଡିଓକୁ କପି କରି ଅବିକଳ ଅସଲି ଭଳି କରାଯାଇପାରିବ । ଏହା Machine learning ଏବଂ artificial intelligence(AI) ଭଳି ଟେକ୍ନୋଲୋଜିରୁ ଆସିଛି । ଏହି ଭଳି ନୂତନ ଟେକ୍ନୋଲୋଜି ସମାଜର ଉନ୍ନତି ଯୋଗୁଁ କରାଯାଇଥାଏ କିନ୍ତୁ ଏବେ ଏହାର ସଦୁପଯୋଗ ନ କରି ଦୁରୁପଯୋଗ କରାଯାଉଛି । AI ସାହାଯ୍ୟରେ ସୃଷ୍ଟି ହୋଇଥିବା ନକଲି ଭିଡିଓକୁ ଚିହ୍ନଟ କରିବାର ପ୍ରାଥମିକ ପଦକ୍ଷେପ ହେଉଛି ଲୋକଙ୍କର ହାବ ଭାବ, କଥା କହିବା ଶୈଳୀ, ଆଖିର ଗତି ଯାହା ଅସଲି ଭିଡିଓ ଠାରୁ ଖୁବ ଅଲଗା ହୋଇଥାଏ । ଯାହା ମାଧ୍ୟମରେ ଆପଣ ଅରଜିନାଲ ଏବଂ ଫେକ ଭିଜୁଆଲ ଭିତରେ ଫରକ ଜାଣିପାରିବେ । ଏହି deepfake କୁ ନେଇ ସରକାରଙ୍କୁ ନିୟମ ଏବଂ କାନୁନ ବନାଇବା ଆବଶ୍ୟକ ।
ଲମତାପୁଟ : କେକରେ ଲେଖା ହୋଇଛି ରବି ଆଣ୍ଡ୍ ମଞ୍ଜୁ । ଆଉ ପାଖରେ ଫୁଲ ମାଳ ପିନ୍ଧି ଛିଡା…
ଲକ୍ଷ୍ମୀପୁର : ଏବେ ମୃତ୍ୟୁର ତାଣ୍ଡବ ଖେଳି ଚାଲିଛି ଡିଫଥେରିଆ । ଏହି ରୋଗ ଜଣକ ପରେ ଜଣକୁ ନିଜ…
ଜଳେଶ୍ବର : ବାଲେଶ୍ବର ଜିଲ୍ଲା ବସ୍ତା ଥାନା ଅନ୍ତର୍ଗତ ଦକ୍ଷିଣ ପୂର୍ବ ରେଳପଥର ନୂଆଗାଁ ରୋଡ଼ ରେଳଷ୍ଟେସନ ମଧ୍ୟ ସ୍ଥଳ…
କଟକ(କେନ୍ୟୁଜ୍): ରଥଯାତ୍ରା ପାଇଁ ଚଳଚଞ୍ଚଳ ଶ୍ରୀକ୍ଷେତ୍ର । ସବୁଠି ଶଂଙ୍ଖ ଘଣ୍ଟ ହୁଳୁହୁଳି ଶଦ୍ଦରେ ପୂରି ଉଠୁଛି ପୂରା ପରିବେଶ…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଜୁନ୍ ୨୩ ରେ ଜହିର ଇକବାଲଙ୍କ…
ଗତ କିଛି ଦିନ ହେବ ଲଗାତାର ଭାବେ ଖାଦ୍ୟରୁ ମୂଷା, ଅସରପା, ବେଙ୍ଗ, ବ୍ଲେଡ୍ ଆଦି ବାହାରିବା ନେଇ ସୋସିଆଲ…