ବର୍ତ୍ତମାନ ରାଜକୁମାର ହିରାନୀ ତାଙ୍କର ଲେଟଷ୍ଟ ରିଲିଜ୍ ଫିଲ୍ମ ଯାହା ଶାହାରୁଖ ଖାନଙ୍କ ଅଭିନୀତ ‘ଡଙ୍କି’ର ସଫଳତାକୁ ନେଇ ବହୁତ ଚର୍ଚ୍ଚାରେ ଅଛନ୍ତି । ଏହି ଫିଲ୍ମଟି ସମସ୍ତଙ୍କ ମନକୁ ଛୁଇଁଛି । ଏସବୁ ମଧ୍ୟରେ ହିରାନୀ ସଞ୍ଜୟ ଦତ୍ତଙ୍କ ଅଭିନୀତ ତାଙ୍କ ବ୍ଲକବଷ୍ଟର ଫିଲ୍ମ ‘ମୁନା ଭାଇ’ ଫ୍ରାଞ୍ଚାଇଜ୍ର ବହୁ ପ୍ରତୀକ୍ଷିତ ତୃତୀୟ ଭାଗ କରିବାର ଏକ ଅପଡେଟ୍ ସେୟାର କରିଛନ୍ତି । ତେବେ କିଛି ଦିନ ପୂର୍ବରୁ ହୋଇଥିବା ଏକ ଇଣ୍ଟରଭ୍ୟୁରେ ରାଜକୁମାର ହିରାନୀ ‘ମୁନା ଭାଇ ଏମବିବିଏସ୍’ର ତୃତୀୟ ଭାଗ ହେବାର ସମ୍ଭାବନା ବିଷୟରେ ସୂଚନା ଦେଇଛନ୍ତି ।
ରାଜକୁମାର ହିରାନୀ ଏକ ଇଣ୍ଟରଭ୍ୟୁରେ କହିଛନ୍ତି ଯେ, ତାଙ୍କର ଫିଲ୍ମ ‘ମୁନା ଭାଇ ଏମବିବିଏସ୍’ ର ଦୁଇଟି ଭାଗ ଫିଲ୍ମ ବହୁତ ଭଲ ହୋଇଥିଲା ଏବଂ ସେ ଆଗକୁ ଯାଇ ଏହାର ଆଉ ଏକ ଭାଗ ଦର୍ଶକଙ୍କ ସାମ୍ନାକୁ ଆଣିପାରନ୍ତି । ତେବେ ସେ ଏହାକୁ ନେଇ ସଞ୍ଜୟ ଦତ୍ତଙ୍କ ସହ କଥା ହୋଇପାରନ୍ତି । ଏହା ସହ ଏହି ଫିଲ୍ମର ତୃତୀୟ ଭାଗ ତିଆରି ହେବା ଉଚିତ । ଏପରି ଭାବେ ସେ ଏହା ମଧ୍ୟ କହିଛନ୍ତି ଯେ ଏବେ ଫିଲ୍ମ ‘ଡଙ୍କି’ର ସମାପ୍ତ ହୋଇଛି । ତେବେ ମୁଁ ଏବେ ପୁରୁଣା ଫିଲ୍ମ କରିବା ପାଇଁ ଚିନ୍ତା କରୁଛି । କିନ୍ତୁ ଏହି ଫିଲ୍ମ କେବେ ଆରମ୍ଭ ହେବ ତାହା ସାମ୍ନାକୁ ଆସିନାହିଁ ।
୨୦୦୩ ମସିହାରେ ପ୍ରଥମ ଥର ପାଇଁ ରାଜକୁମାର ହିରାନୀ ଫିଲ୍ମ ‘ମୁନା ଭାଇ ଏମବିବିଏସ୍’ ତିଆରି କରିଥିଲେ । ଏହି ଫିଲ୍ମଟି ବକ୍ସ ଅଫିସ୍ରେ ହଇଚଇ ସୃଷ୍ଟି କରିଥିଲା ଏବଂ ସୁପର୍ ଡୁପର୍ ହିଟ୍ ହୋଇଥିଲା । ଏହା ପରେ ହିରାନୀ ୨୦୦୬ ରେ ଏହି ଫିଲ୍ମ ‘ଲାଗେ ରହୋ ମୁନା ଭାଇ’ ର ସିକ୍ୱେଲ୍ ମୁକ୍ତିଲାଭ କରିଥିଲେ । ଏହି ଦୁଇଟି ଫିଲ୍ମରେ ମଧ୍ୟ ସଞ୍ଜୟ ଦତ୍ତ ନଜର ଆସିଥିଲେ ଏବଂ ଏହା ସହ ତାଙ୍କୁ ସେହି ସମୟରୁ ହିଁ ମୁନା ଭାଇ ନାମରେ ଦର୍ଶକ ଜାଣିଥିଲେ । ଏହା ପରେ ଦର୍ଶକ ଏହାର ତୃତୀୟ ଭାଗକୁ ବହୁତ ଉତ୍ସାହର ସହ ଅପେକ୍ଷା କରିଛନ୍ତି ।
ଏହି ସମୟରେ ହିରାନୀଙ୍କ ଲେଟଷ୍ଟ ରିଲିଜ୍ ଫିଲ୍ମ ଶାହାରୁଖ ଖାନଙ୍କ ଅଭିନୀତ ‘ଡଙ୍କି’କୁ ମଧ୍ୟ ବହୁତ ପ୍ରଶଂସା କରାଯାଉଛି । ଏହି ଫିଲ୍ମରେ ତାପସୀ ପନ୍ନୁ, ବିକି କୌଶଲ, ବୋମାନ ଇରାନୀ, ଅନିଲ ଗ୍ରୋଭର ଏବଂ ବିକ୍ରମ କୋଚର ମଧ୍ୟ ପ୍ରମୁଖ ଭୂମିକା ଗ୍ରହଣ କରିଛନ୍ତି । ଡିସେମ୍ବର ୨୧ ରେ ମୁକ୍ତିଲାଭ କରିଥିବା ଏହି ଫିଲ୍ମ ବକ୍ସ ଅଫିସରେ ୧୫୦ କୋଟିରୁ ଅଧିକ ଆୟ କରିଛି ଏବଂ ୨୦୦ କୋଟି ଟଙ୍କା ଛୁଇଁବା ଦିଗରେ ଦ୍ରୁତ ଗତିରେ ଆଗକୁ ବଢିଚାଲିଛି ।
ମେଷ: ଲାଭ ବଢ଼ିବ ଏବଂ ଆୟରେ ବୃଦ୍ଧି ଘଟିବ । କୌଣସି ନୂଆ ଆଇଡିଆ ଆପଣଙ୍କୁ ଆଗକୁ ନେବାରେ ସହାୟକ…
ଆଳି : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଦିନ ମଜୁରିଆଙ୍କ ମୃତ୍ୟୁ ଘଟିଛି । କ୍ଷତିପୁରଣ ଦାବିରେ କଟକ-ଚାନ୍ଦବାଲି…
ବ୍ୟାଟେରୀ ଗାଡିରୁ ସର୍ଟ ସର୍କିଟ ହୋଇ ଫାଟିଗଲା ଗ୍ୟାସ ଟାଙ୍କି ଜଳିଗଲା ଘର । ବାରିପଦା ସଦର ଥାନା ଅନ୍ତର୍ଗତ…
କେନ୍ୟୁଜ (ବ୍ୟୁରୋ) : ଆଜି ମୋହନ ମାଝୀଙ୍କ ସରକାରରେ ମନ୍ତ୍ରୀମାନଙ୍କୁ ବିଭାଗ ବଣ୍ଟନ କରାଯାଇଛି । ମୁଖ୍ୟମନ୍ତ୍ରୀ ନିଜ ପାଖରେ…
ସୋର: ଥାନା ସମ୍ମୁଖରେ ହୋହାଲ୍ଲା ପାଟିତୁଣ୍ଡ । କମ୍ପୁଛି ସ୍ଥାନୀୟ ଅଞ୍ଚଳ । ଆପଣ ଭାବୁଥିବେ ଥାନା ସମ୍ମୁଖରେ ଏତେ…
ପୁରୀ : ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ଜେଟିପିଙ୍କୁ ଭକ୍ତଙ୍କ ଆକ୍ରମଣ ଅଭିଯୋଗ । ଆହତ ଜେଟିପି ହେଉଛନ୍ତି ଲଷ୍ମୀଧର ଉପାଧ୍ୟାୟ…