ମା’ ହେବେ ଗୌହର ଖାନ୍, ଇନଷ୍ଟାରେ ଏକ ମଜାଦାର ଭିଡିଓ ସେୟାର କରି ଦେଲେ ସୂଚନା

ଟିଭି ଇଣ୍ଡଷ୍ଟ୍ରିର ଅତି ଗ୍ଲାମରସ୍ ଅଭିନେତ୍ରୀ ଗୌହର ଖାନ୍ ଖୁବ୍ ଶୀଘ୍ର ମା ହେବାକୁ ଯାଉଛନ୍ତି। ସୋସିଆଲ ମିଡିଆରେ ଏକ ମଜାଦାର ଭିଡିଓ ସେୟାର କରି ଅଭିନେତ୍ରୀ ନିଜର ଗର୍ଭଧାରଣ କଥା କହିଛନ୍ତି। ଅଭିନେତ୍ରୀ ସ୍ୱାମୀ ଜୈଦ୍‌ ଦାରବରଙ୍କ ସହ ଏହି ଖୁସି ଖବର ବିଷୟରେ କହିଛନ୍ତି। କମେଣ୍ଟ ବକ୍ସରେ ଫ୍ୟାନ୍ସ ମାନେ ଏହି ଦମ୍ପତିଙ୍କୁ ଅଭିନନ୍ଦନ ଜଣାଇଛନ୍ତି ।

ଟିଭି ରିଆଲିଟି ସୋ ‘ବିଗ୍ ବସ୍ ୭’ ବିଜେତା ଗୌହର ଖାନ୍ ୨୫ ଡିସେମ୍ବର ୨୦୨୦ ରେ କୋରିଓଗ୍ରାଫର ଜୈଦ୍‌ ଦାରବରଙ୍କୁ ବିବାହ କରିବେ। ଏବେ ଏହି ଦମ୍ପତି ସୋସିଆଲ ମିଡିଆରେ ନିଜର ପ୍ରଥମ ସନ୍ତାନକୁ ସ୍ୱାଗତ କରିବାକୁ ଯାଉଛନ୍ତି ବୋଲି ଘୋଷଣା କରିଛନ୍ତି।ଅଭିନେତ୍ରୀଙ୍କ ସ୍ଵାମୀ ଜୈଦକୁ ଟ୍ୟାଗିଂ କରିଥିବା ଏକ ଆନିମେଟେଡ୍ ଭିଡିଓ ସେୟାର କରିଛନ୍ତି । ଏଥିରେ ଦମ୍ପତି ଖୁବ୍ ଶୀଘ୍ର ଦୁଇରୁ ତିନି ଜଣ ହେବା କଥା କହିଛନ୍ତି। ଭିଡିଓରେ,ଜୈଦ୍‌ ଏବଂ ଗୌହରଙ୍କ ଜୀବନରେ ଏକ ଛୋଟ ଅତିଥିଙ୍କ ଆଗମନ ବିଷୟରେ କୁହାଯାଇଛି।

ଗୌହର ଏକ ସୁନ୍ଦର କ୍ୟାପସନ୍ ଲେଖିଛନ୍ତି ବିସ୍ମିଲ୍ଲା ହିର ରହମାନ ନିର ରହୀମ … ଆପଣଙ୍କର ସମସ୍ତ ପ୍ରେମ ଏବଂ ପ୍ରାର୍ଥନା ଆବଶ୍ୟକ କରନ୍ତି .. ମାଶା ଆଲ୍ଲା! ପ୍ରଶଂସକ ହିଁ ନୁହଁନ୍ତି ଅନେକ ଟେଲିଷ୍ଟାର ବି ଦୁହିଁଙ୍କୁ ଅଭିନନ୍ଦନ ଜଣାଇଛନ୍ତି। ଆନିମେଟେଡ୍ ଭିଡିଓରେ ଦେଖାଯାଇଛି ଯେ, ଗୌହର ନିଜ ସ୍ବାମୀ ଜୈଦଙ୍କ ସହ ବାଇକରେ ଯାଉଛନ୍ତି। ଭିଡିଓରେ ଲେଖାଯାଇଛି, ଏକ୍ ସେ ବନେ ଦୋ, ଜବ ଜୈଦ ସେ ମିଲି ଗୌହର। ଏହା ପରେ ବାଇକରେ ଏକ କ୍ୟାରିୟର ଯୋଡି ହେଉଛି, ଯେଉଁଥିରେ କିଛି ଖେଳନା ରଖାଯାଇଛି। ଏହା ପରେ ଲେଖାଯାଉଛି, ଆମେ ଖୁବ ଶୀଘ୍ର ୩ହେବାକୁ ଯାଉଛୁ। ଗୌହରଙ୍କୁ ୩୯ବର୍ଷ ବୟସ ହୋଇଥିବା ବେଳେ ସେ ୨୦୨୦ରେ ଜୈଦ ଦରବାରଙ୍କୁ ବିବାହ କରିଥିଲେ। ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ଗୌହର ଛୋଟ ପରଦାରୁ ଆରମ୍ଭ କରି OTT ପ୍ଲାଟଫର୍ମରେ ଧମାଲ କରିଥିଲେ ।