ପୁଷ୍ପା ଫିଲ୍ମର ଅଭିନେତା ସୁପରଷ୍ଟାର ଅଲୁ ଅର୍ଜୁନଙ୍କୁ ଆନ୍ଧ୍ର ପ୍ରଦେଶର ଏକ ବିଧାନ ସଭା ନିର୍ବାଚନ ପ୍ରଚାର ପାଇଁ ଆସିଥିଲେ । ଯେଉଁଠି ତାଙ୍କୁ ଦେଖିବା ପାଇଁ ଦର୍ଶକଙ୍କ ଅସମ୍ଭାଳ ଭିଡ ଦେଖିବାକୁ ମିଳିଥିଲା । ଭିଡ ଏତେ ପ୍ରବଳ ଥିଲା ଯେ ଅଭିନେତାଙ୍କ ସୁରକ୍ଷାକୁ ଦୃଷ୍ଟିରେ ରଖି ଭିଡ଼କୁ ନିୟନ୍ତ୍ରଣ କରିବା ପାଇଁ ପୋଲିସକୁ ନାକେଦମ ହେବାକୁ ପଡିଥିଲା ।
ବାସ୍ତବରେ ଆନ୍ଧ୍ରପ୍ରଦେଶ ନନ୍ଦ୍ୟାଲ ବିଧାନସଭା ଆସନରେ ନିର୍ବାଚନ ଲଢ଼ୁଛନ୍ତି ଶିଳ୍ପା ରବୀନ୍ଦ୍ର କିଶୋର ରେଡ୍ଡି । ରେଡ୍ଡିଙ୍କ ନିର୍ବାଚନ ପ୍ରଚାର ପାଇଁ ଆସି ତାଙ୍କ ଘରେ ରହିଥିଲେ ଅଲୁ ଅର୍ଜୁନ । ଅଲୁ ଅର୍ଜୁନଙ୍କ ସାଙ୍ଗରେ ଥିଲେ ତାଙ୍କ ପତ୍ନୀ ସ୍ନେହାଁ ରେଡ୍ଡି । ଏହି ସୁପରଷ୍ଟାରଙ୍କୁ ଦେଖିବା ପାଇଁ ଶ୍ରୀ ରେଡ୍ଡିଙ୍କ ଘର ଆଗରେ ଲକ୍ଷ ଲକ୍ଷ ପ୍ରଶଂସକଙ୍କ ଭିଡ ଲାଗିଥିଲା ।
ପ୍ରଶଂସକଙ୍କ ଭିଡକୁ ଆଡେଇ ଅଲୁ ଅର୍ଜୁନ ଶ୍ରୀ ରେଡ୍ଡିଙ୍କ ଘରକୁ ଆସିବା କଠିନ ଥିଲା । ଫଳରେ ପୋଲିସ ଭିଡକୁ ନିୟନ୍ତ୍ରଣ କରି ଅଲୁ ଅର୍ଜୁନ ଓ ତାଙ୍କ ପତ୍ନୀଙ୍କୁ ଶ୍ରୀ ରେଡ୍ଡିଙ୍କ ଘର ପର୍ଯ୍ୟନ୍ତ ଆଣିବାରେ ସାହାଯ୍ୟ କରିଥିଲେ । ପରେ ଶ୍ରୀ ରେଡ୍ଡିଙ୍କ ଘର ବାଲକୋନୀରୁ ଅଲୁ ଅର୍ଜୁନ ପ୍ରଶଂସକଙ୍କୁ ହାତ ହଲେଇ ସଦିଚ୍ଛା ପ୍ରକାଶ କରୁଥିବା ଦେଖାଯାଇଥିଲା ।
ଶ୍ରୀ ରେଡ୍ଡିଙ୍କ ଘର ଆଗରେ ପ୍ରଶଂସକଙ୍କ ଭିଡ ଓ ଅଲୁ ଅର୍ଜୁନଙ୍କ ପ୍ରତି ଭଲ ପାଇବା ସେଦିନ ପୁରା ରାଜନୈତିକ ବାତାବରଣକୁ ସରଗରମ କରିଦେଇଥିଲା । ଅଲୁଙ୍କ ମାମୁଁ ଓ ଜନସେନା ମୁଖ୍ୟ ପଓ୍ଵନ କଲ୍ୟାଣ ମଧ୍ୟ ରାଜନୀତିରେ ସଂପୃକ୍ତ ରହିଛନ୍ତି । ସେ ପିଠାପୁରମ ନିର୍ବାଚନ ମଣ୍ଡଳୀରୁ ଲଢ଼ୁଛନ୍ତି । ଆସନ୍ତା ଅଗଷ୍ଟ ୧୫ ତାରିଖରେ ଅଲୁଙ୍କ ଫିଲ୍ମ ପୁଷ୍ପା-୨ ମଧ୍ୟ ମୁକ୍ତିଲାଭ କରିବାକୁ ଯାଉଛି । ଏହା ମଧ୍ୟ ପୁଷ୍ପା ଭଳି ବେଶ ଧମାକା ସୃଷ୍ଟି କରିବ ବୋଲି ଆଶା ପ୍ରକାଶ ପାଇଛି ।
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…
ଭୁବନେଶ୍ୱର: ବଦଳିଲା ପାଣିପାଗର ମିଜାଜ। ରାଜଧାନୀର ବିଭିନ୍ନ ସ୍ଥାନରେ ପ୍ରବଳ ବର୍ଷା । ଭୁବନେଶ୍ୱରର ବିଭିନ୍ନ ସ୍ଥାନରେ ପ୍ରବଳ ବର୍ଷା…
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…