ରିଲିଜ୍‌ ହେଲା ‘ମିଷ୍ଟର ଆଣ୍ଡ ମିସେସ ମାହି’ର ଟ୍ରେଲର, ଦେଖିବାକୁ ମିଳିଲା ଜାହ୍ନବୀ ଓ ରାଜକୁମାରଙ୍କ ଭିନ୍ନ କେମେଷ୍ଟ୍ରି

ଜାହ୍ନବୀ କପୁର ଏବଂ ରାଜକୁମାର ରାଓଙ୍କ ‘ମିଷ୍ଟର ଆଣ୍ଡ ମିସେସ ମାହି’ର ଟ୍ରେଲର ରିଲିଜ ହେବା ମାତ୍ରେ ଫ୍ୟାନ୍ସଙ୍କ ପାଖରୁ ବହୁତ ଭଲ ପ୍ରତିକ୍ରିୟା ପାଇଛି । ଏଥର ଜାହ୍ନବୀ ଓ ରାଜକୁମାର ମିଷ୍ଟର ଆଣ୍ଡ ମିସେସ ମାହିଙ୍କ ଭୂମିକାରେ ନଜର ଆସିଛନ୍ତି । ଟ୍ରେଲର ରିଲିଜ ହେବା ପରେ ସୋସିଆଲ ମିଡିଆରେ ଫିଲ୍ମ ଦେଖିବା ପାଇଁ ଲୋକଙ୍କ ମଧ୍ୟରେ ଏକ ଭିନ୍ନ ଧାରଣାର କ୍ରେଜ୍‌ ଦେଖିବାକୁ ମିଳିଛି । ଏହି ଫିଲ୍ମର ଷ୍ଟୋରି ଏତେ ଭଲ ହୋଇଛି ଯେ ଏହାକୁ ଦେଖିବା ପରେ ଫିଲ୍ମର ପରବର୍ତ୍ତୀ ଷ୍ଟୋରି ବିଷୟରେ ଜାଣିବା ପାଇଁ ଏକ ଭିନ୍ନ ଉତ୍ସାହ ପାଇବେ । ତେବେ ‘ମିଷ୍ଟର ଆଣ୍ଡ ମିସେସ ମାହି’ ଫିଲ୍ମରେ ଜାହ୍ନବୀ ଓ ରାଜକୁମାରଙ୍କ ସୁନ୍ଦର କେମେଷ୍ଟ୍ରି ପୁଣି ଥରେ ଲୋକଙ୍କ ମନ ଜିତିଛି ।

ଜାହ୍ନବୀ କପୁର ଏବଂ ରାଜକୁମାର ରାଓଙ୍କ ‘ମିଷ୍ଟର ଆଣ୍ଡ ମିସେସ ମାହି’ର ଟ୍ରେଲର ମୁକ୍ତିଲାଭ କରିଛି । ଯାହା ଦର୍ଶକଙ୍କ ଉତ୍ସାହକୁ ଆହୁରି ବଢାଇ ଦେଇଛି । ଉଭୟ ମିଷ୍ଟର ଆଣ୍ଡ ମିସେସ ମାହି ଫିଲ୍ମରେ ସେମାନଙ୍କର ସ୍ୱପ୍ନ ଏବଂ କର୍ତ୍ତବ୍ୟ ମଧ୍ୟରେ ସଂଘର୍ଷ କରୁଥିବା ଦେଖିବାକୁ ମିଳିବ । ତେବେ ଏଥିରେ ମିଷ୍ଟର ମାହି ତାଙ୍କ ସ୍ତ୍ରୀଙ୍କୁ କ୍ରିକେଟର ହେବାକୁ ଅନୁମତି ଦେବା ପାଇଁ ତାଙ୍କ ପରିବାର ସହ ଲଢେଇ କରୁଥିବାର ଦେଖିବାକୁ ମିଳିବ ।

ଲୋକମାନେ ରାଜକୁମାର ରାଓ ଏବଂ ଜାହ୍ନବୀ କପୁରଙ୍କ ଅପ୍‌କମିଂ କ୍ରୀଡା ଡ୍ରାମା ‘ମିଷ୍ଟର ଆଣ୍ଡ ମିସେସ ମାହି’ର ଟ୍ରେଲରକୁ ପସନ୍ଦ କରୁଛନ୍ତି । ନିର୍ମାତାମାନେ ଏହି ଫିଲ୍ମର ଟ୍ରେଲରର ପ୍ରଥମ ଲୁକ୍ ଷ୍ଟାର୍ ସ୍ପୋର୍ଟସରେ ପ୍ରକାଶ କରିଥିଲେ ଏବଂ ପରେ ୟୁଟ୍ୟୁବରେ ଏହାର ପୂରା ଟ୍ରେଲର ସେୟାର କରିଥିଲେ । ତେବେ ଟ୍ରେଲରରେ ପରସ୍ପର ପ୍ରତି ବହୁତ ଭଲ ପାଇବା ଏବଂ ଭରଷା ଦେଖିବାକୁ ମିଳିଛି ।

ମହେନ୍ଦ୍ର ସିଂ ଧୋନି ଭାବରେ ରାଜକୁମାର ରାଓ ଏବଂ ମିସେସ ମହିମାଙ୍କ ଭୂମିକାରେ ଜାହ୍ନବୀ କପୁର ଦର୍ଶକଙ୍କ ମନ ଜିତିଛନ୍ତି । ତେବେ ‘ମିଷ୍ଟର ଆଣ୍ଡ ମିସେସ ମାହି’ରେ ତାଙ୍କ ଭୂମିକା ପାଇଁ ଜାହ୍ନବୀ କ୍ରିକେଟ ଶିଖିବା ପାଇଁ ୬ ମାସ ଟ୍ରେନିଗିଂ ନେଇଛନ୍ତି । ଏହି ଫିଲ୍ମଟି ମେ ୩୧, ୨୦୨୪ ରେ ସିନେମା ହଲ୍‌ରେ ମୁକ୍ତିଲାଭ କରିବାକୁ ଯାଉଛି ।