ମୁମ୍ବାଇ : ବଲିଉଡ ଅଭିନେତା ସୁଶାନ୍ତ ସିଂହଙ୍କ ଭିସେରା ରିପୋର୍ଟ ଆଜି ମୁମ୍ବାଇ ପୋଲିସର ହସ୍ତଗତ ହୋଇଛି । ଏହି ରିପୋର୍ଟ ମିଳିବା ପରେ ସୁଶାନ୍ତଙ୍କ ମୃତ୍ୟୁ ପଛରେ କୈାଣସି ଷଡ଼ଯନ୍ତ୍ର ଥିବା କଥାକୁ ମୁମ୍ବାଇ ପୋଲିସ ଅସ୍ୱୀକାର କରିଛି ।
ତେବେ ସୁଶାନ୍ତଙ୍କ ନଖ ଓ ପେଟ ଓ୍ଵାସ ରିପୋର୍ଟକୁ ଅପେକ୍ଷା କରିଛି ପୋଲିସ । ସୁଶାନ୍ତଙ୍କ ପୋଷ୍ଟମର୍ଟମ ରିପୋର୍ଟରୁ ତାଙ୍କର ମୃତ୍ୟୁ ଶ୍ୱାସକ୍ରିୟାରେ ବାଧା ଜନିତ କାରଣରୁ ହୋଇଥିବା ନେଇ ରିପୋର୍ଟ ମିଳିଥିଲା ।
ସୁଶାନ୍ତଙ୍କ ମୃତ୍ୟୁ ମାମଲରେ ଏପର୍ଯ୍ୟନ୍ତ ୩୦ ଜଣଙ୍କୁ ପୋଲିସ ଜେରା କରିସାରିଛି । ଆଜି ମୁମ୍ବାଇର ସାନ୍ତାକ୍ରୁଜ୍ ଥାନାରେ ଫିଲ୍ମ ନିର୍ମାତା ମହେଶ ଭଟ୍ଟଙ୍କୁ ଆଜି ପୋଲିସ ଜେରା କରିଛି ।
ଏଥି ସହ କରଣ ଜୋହର ପ୍ରଡକ୍ସନ ହାଉସ୍ ‘ଧର୍ମା ପ୍ରଡକ୍ସନ୍’ ର ସିଇଓଙ୍କୁ ମଧ୍ୟ ମୁମ୍ବାଇ ପୋଲିସ୍ ସମନ୍ ପଠାଇଛି । ଖୁବ୍ ଶୀଘ୍ର ସିଇଓଙ୍କୁ ମଧ୍ୟ ଜେରା କରାଯିବ ବୋଲି ଜଣାପଡ଼ିଛି । ଏଥି ସହ ଅଭିନେତ୍ରୀ କଙ୍ଗନା ରଣାଓ୍ଵତଙ୍କ ଷ୍ଟେଟ୍ମେଣ୍ଟ ମଧ୍ୟ ଖୁବ୍ ଶୀଘ୍ର ନିଆଯିବ ବୋଲି ମୁମ୍ବାଇ ପୋଲିସ୍ କହିଛି । କଙ୍ଗନା ନିକଟରେ ଏହି ମାମଲାରେ ତାଙ୍କର ମତ ଦେବା ପାଇଁ ନିଜ ତରଫରୁ ଘୋଷଣା କରିଥିଲେ ।
ଏଥିସହ ମୁମ୍ବାଇ ପୋଲିସ ସୁଶାନ୍ତ ସିଂହ ରାଜପୁତଙ୍କ ବୃତ୍ତିଗତ ଶତ୍ରୁତା ଦିଗକୁ ମଧ୍ୟ ତଦନ୍ତ କରୁଛି । ଫିଲ୍ମ ନିର୍ମାତା ସଞ୍ଜୟ ଲୀଲା ଭଂଶାଲି,ଆଦିତ୍ୟ ଚୋପ୍ରା ଓ ରମି ଜାଫ୍ରିଙ୍କୁ ମଧ୍ୟ ମୁମ୍ବାଇ ପୋଲିସ ଜେରା କରିଥିବା ଜଣାଯାଇଛି । ସୁଶାନ୍ତଙ୍କ ଘନିଷ୍ଠ ସାଙ୍ଗ, ମ୍ୟାନେଜର ଓ ରୋଷେୟାଙ୍କୁ ମଧ୍ୟ ଇତି ମଧ୍ୟରେ ଜେରା ସରିଥିବା ପୋଲିସ କହିଛି ।
ସମଗ୍ର ଦେଶରେ ଲୋକମାନେ ଦାବି କରୁଛନ୍ତି ଯେ ସେମାନଙ୍କର ଜିଓ ସେବା କାମ କରୁନାହିଁ । ସେମାନେ କହୁଛନ୍ତି ଯେ,…
କାକଟପୁର (କେନ୍ୟୁଜ): ପାଗଳ ବିଲୁଆ ଆତଙ୍କରେ ଥରହର ହେଉଛନ୍ତି ଗାଁ ଲୋକେ । ଅସ୍ତରଙ୍ଗ ନିକଟ ବେଗୁନିଆବସ୍ତ ଗାଁରେ ଏକ…
ଯାଜପୁର (କେନ୍ୟୁଜ) : ଚାଲିଛି ସଂଘର୍ଷପୂର୍ଣ୍ଣ ଲଢେଇ । କର ବା ମର ପରିସ୍ଥିତି । ଏପଟେ ଗ୍ୟାଲେରୀରେ ଦର୍ଶକଙ୍କ…
ଭୁବନେଶ୍ୱର : ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ । ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା । ଅସହ୍ୟ…
ବାବାଙ୍କ ଭକ୍ତିରେ ଲୀନ ଶ୍ରଦ୍ଧାଳୁ । ସମସ୍ତଙ୍କ ମୁହଁରେ ଗୋଟାଏ ଶଦ୍ଦ ବାବା.. ଭୋଲେନାଥ.. । ଦେବ ଦେବ ମହାଦେବଙ୍କୁ…
ଇରାନ୍ର ଉତ୍ତର ଭାଗରେ ଥିବା ଏକ ହସ୍ପିଟାଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୯ ଜଣ ରୋଗୀଙ୍କର ମୃତ୍ୟୁ…