ବଲିଉଡ ସହ ଡ୍ରଗ୍ସ ଲିଙ୍କକୁ ନେଇ ନାରକୋଟିକ୍ସ କଣ୍ଟ୍ରୋଲ ବ୍ୟୁରୋ ବା ଏନସିବି ଜୋରଦାର ଯାଞ୍ଚ ଜାରି ରଖିଛନ୍ତି । ଆଜି ବଲିଉଡର ଅନ୍ୟତମ ଅଭିନେତା ଅର୍ଜୁନ ରାମପାଲଙ୍କୁ ପୁଣି ଥରେ ସମନ ଜାରି କରାଯାଇଛି । ଡିସେମ୍ବର ୧୬ ତାରିଖରେ ପଚରା ଉଚୁରା କରିବା ପାଇଁ ଏନସିବି ଟିମ ତାଙ୍କୁ ମୁଖ୍ୟ କାର୍ଯ୍ୟାଳୟକୁ ଡାକିଛନ୍ତି । ଏହା ପୂର୍ବରୁ ବି ଥରେ ଅର୍ଜୁନ ରାମପାଲ ଓ ତାଙ୍କ ଗାର୍ଲ ଫ୍ରେଣ୍ଡ ଗ୍ରେବିଏଲା ଡେମୋଟ୍ରିଏଡ୍ସଙ୍କୁ ଏନସିବି ଅଫିସରେ ପଚରାଉଚୁରା କରାଯାଇଥିଲା । ଏମିତିକି ନଭେମ୍ବରରେ ଅର୍ଜୁନଙ୍କ ଘରର ତଲାସୀ ନେଇଥିଲେ ଏନସିବିର ଏକ ସ୍ପେଶାଲ ଟିମ । ତଲାସୀ ବେଳେ ତାଙ୍କ ଘରୁ ଲ୍ୟାପଟପ, ମୋବାଇଲ ଫୋନ, ଟାବଲେଟ ଆଦିକୁ ମଧ୍ୟ ଜବତ କରିଥିଲେ ।
ଏହି ସମୟରେ ଅର୍ଜୁନଙ୍କ ଘରୁ ଏମିତି କିଛି ଔଷଧ ମିଳିଥିଲା ଯାହା ଉପରେ ଏନଡିପିଏସ ପକ୍ଷରୁ ପ୍ରତିବନ୍ଧକ ଲଗାଯାଇଛି । ଗ୍ରେବିଏଲାଙ୍କ ଭାଇ ଏନସିବି ଦ୍ୱାରା ଗିରଫ ହେବା ପରେ ହିଁ ଅର୍ଜୁନଙ୍କ ନାଁ ସନ୍ଦେହ ଘେରକୁ ଆସିଥିଲା । ଅନ୍ୟପକ୍ଷରେ ମିଡ଼ିଆକୁ ସାକ୍ଷାତ୍କାର ଦେବା ସମୟରେ ଅର୍ଜୁନ କହିଛନ୍ତିକି, “ଡ୍ରଗ୍ସ ସହ ତାଙ୍କର କୌଣସି ସମ୍ପର୍କ ନାହିଁ, ମୋ ଘରୁ ମିଳିଥିବା ଔଷଧର ପ୍ରେସକ୍ରିପସନ ସେ ଏନସିବିକୁ ଦେଇ ସାରିଛନ୍ତି” ।
କହିରଖିବା ଉଚିତ ହେବକି, ଡ୍ରଗ୍ସ ଲିଙ୍କକୁ ନେଇ ଏନସିବି ଏକାଧିକ ବଲିଉଡ ଷ୍ଟାର ମାନଙ୍କୁ ପଚରାଉଚୁରା କରି ସାରିଲେଣି । ଏମିତିକି ନଭେମ୍ବର ୨୧ ତାରିଖରେ କମେଡିଆନ ଭାରତୀ ସିଂହଙ୍କ ଘର ଉପରେ ଏନସିବି ତଲାସୀ କରିବା ସମୟରେ ତାଙ୍କ ଘରୁ କିଛି ପରିମାଣର ଗଂଜେଇ ଜବତ କରିଥିଲେ । ଏନେଇ ଉଭୟ ଭାରତୀ ଓ ହର୍ଷଙ୍କୁ ଗିରଫ ମଧ୍ୟ କରାଯାଇଥିଲା ।
ସୋସିଆଲ ମିଡିଆରେ ରିଲ୍ସ କରିବାକୁ ନେଇ ଲୋକଙ୍କ ମଧ୍ୟରେ ଏତେ ଉତ୍ସାହ ରହୁଛି ଯେ ନିୟମ ସୁଦ୍ଧା ମାନିବାକୁ ସେମାନେ ପ୍ରସ୍ତୁତ…
ବଲିଉଡ ଷ୍ଟାର ଅକ୍ଷୟ କୁମାରଙ୍କ ନୂଆ ଫିଲ୍ମ 'ସରଫିରା'ଟ୍ରେଲର ରିଲିଜ୍ ହୋଇଛି । ଖିଲାଡୀ କୁମାରଙ୍କ ଅପ୍କମିଂ ଫିଲ୍ମ ସରଫିରା…
ଇକ୍ୱାଡୋରରେ ବର୍ଷା ରଚିଛି ତାଣ୍ଡବ । ପ୍ରବଳ ବର୍ଷା ଯୋଗୁଁ ଲୋକଙ୍କୁ ଅନେକ ସମସ୍ୟା ସାମ୍ନା କରିଛନ୍ତି । ମଧ୍ୟ…
ଯାଜପୁର(କେନ୍ୟୁଜ୍) : ସାରା ରାଜ୍ୟରେ ମେଲିଛି ରଜର ଆସର । ଧୁମ୍ ଧାମ୍ ରେ ଏଥର ସବୁଠି ପାଳିତ ହୋଇଯାଇଛି…
ବାଲେଶ୍ବର (କେନ୍ୟୁଜ): ବାଲେଶ୍ବରରେ ୨୦ ତାରିଖ ସକାଳ ୧୦ଟା ଯାଏଁ ଇଣ୍ଟରନେଟ ସେବା ବନ୍ଦ । ଆବଶ୍ୟକ ପଡ଼ିଲେ ଇଣ୍ଟରନେଟ…
ଭୁବନେଶ୍ୱର (କେନ୍ୟୁଜ): ଆମେ ଥାଉ ଖବର ସଂଗ୍ରହ ଅନ୍ୱେଷଣରେ । ସେଦିନର ସଂଧ୍ୟା ସମୟର କଥା ମନରୁ ଲିଭିନୁ। ଘଟଣାଟି…