ଭାରତୀୟ କଳାକାରଙ୍କ ପାକିସ୍ତାନରେ ଅନୁପସ୍ଥିତିକୁ ଦୃଷ୍ଟିରେ ରଖି ପୁସ୍ତାନୀ ଘରକୁ କରାଗଲା ସଂରକ୍ଷିତ

ଉତ୍ତର ପଶ୍ଚିମ ପାକିସ୍ତାନର ପ୍ରମୁଖ ହେରିଟେଜ ଏକ୍ସପର୍ଟଙ୍କ କହିବା ଅନୁଯାୟୀ, ପାର୍ଟିସନ ସମୟରେ ପାକିସ୍ତାନ ଛାଡିଥିବା ପ୍ରସିଦ୍ଧ ଭାରତୀୟ କଳାକାରଙ୍କ ସମସ୍ତ ପୁସ୍ତାନୀ ବଙ୍ଗଳାକୁ ସଂରକ୍ଷିତ ରଖାଯିବ । ଏହାକୁ ଟୁରିଷ୍ଟ ପ୍ଲେସରେ ପରିବର୍ତ୍ତିତ କରାଯିବ । ଏହାକୁ ଦୃଷ୍ଟିରେ ରଖି ଗତ ସପ୍ତାହରେ ଦିଗଜ୍ଜ କଳାକାର ଦିଲୀପ କୁମାର ଓ ରାଜ କପୁରଙ୍କ ପୈତୃକ ଘରକୁ କିଣିବା ପାଇଁ ମଞ୍ଜୁରୀ ପ୍ରଦାନ କାରାଯାଇଛି ।

ରାଜ କପୁରଙ୍କ ପୈତୃକ ଘର ଅର୍ଥାତ କପୁର ହବେଲି କିସ୍‌ସା ଖ୍ୱାନୀ ବଜାରରେ ଅବସ୍ଥିତ । ଏହାକୁ ୧୯୧୮ ଏବଂ ୧୯୨୨ ମଧ୍ୟରେ ମହାନ କଳାକାର ଦାଦା ବଶେଶ୍ୱରନାଥ କପୁର ତିଆରି କରିଥିଲେ । ରାଜ କପୁର ଓ ତାଙ୍କ କାକା ତ୍ରୈଲୋକ କପୁରଙ୍କ ଜନ୍ମ ଏଠାରେ ହୋଇଥିଲା । ଏହାକୁ ପରେ ସରକାରଙ୍କ ଦ୍ୱାରା ରାଷ୍ଟ୍ରୀୟ ବିରାସତ ଭାବେ ଘୋଷଣା କରାଯାଇଥିଲା । ଅନ୍ୟପକ୍ଷରେ ଦିଗଜ୍ଜ କଳାକାର ଦୀଲିପ କୁମାରଙ୍କ ୧୦୦ ବର୍ଷ ପୁରୁଣା ପୁସ୍ତାନୀ ଘର ମଧ୍ୟ ଏହି ସ୍ଥାନରେ ରହିଛି ।

ଏବେ ଏହି ଘର ଜରାଜୀର୍ଣ୍ଣ ଅବସ୍ଥାରେ ରହିଛି । ୨୦୧୪ରେ ଏହାକୁ ନବାଜ ଶରୀଫଙ୍କ ଦ୍ୱାରା ରାଷ୍ଟ୍ରିୟ ବିରାସତରେ ଘୋଷିତ କରାଯାଇଥିଲା । ପ୍ରୋଭିଜନାଲ ସରାକାର ଏହି ଘରର ଦାମ ୨.୩୦ କୋଟି ରଖିଥିଲେ । ରିପୋର୍ଟସ ଅନୁଯାୟୀ, ଏହି ସ୍ଥାନରେ ଅନେକ ଭାରତୀୟ କଳାକାରଙ୍କ ଘର ରହିଛି । ସେମାନଙ୍କ ମଧ୍ୟରୁ ଶାହାରୁଖ ଖାନ, ମଧୁବାଲା, ସାୟରା ବାନୋ, ବିନୋଦ ଖନ୍ନା, ଅନିଲ କପୁର, ଅମଜାଦ ଖାନ, ମନୋଜ କୁମାର ଓ ରଣଧିର କପୁର ଆଦି ହେଉଛନ୍ତି ପ୍ରମୁଖ ।