ମୁମ୍ବାଇ : ବଲିଉଡ଼ ଅଭିନେତା ସୁଶାନ୍ତ ସିଂହଙ୍କ ମୃତ୍ୟୁର ୭ ଦିନ ପରେ ବଲିଉଡ଼୍ ଡ୍ୟାନ୍ସର ରାଖି ସାଓ୍ଵନ୍ତ ଏକ ଅଦ୍ଭୁତ କଥା କହି ସମସ୍ତଙ୍କୁ ଚମକାଇ ଦେଇଛନ୍ତି । ରାଖି ଦାବି କରିଛନ୍ତି ଯେ ସୁଶାନ୍ତ ତାଙ୍କ ସ୍ୱପ୍ନରେ ଆସିଥିଲେ । ଖୁବ୍ ଶୀଘ୍ର ତାଙ୍କ କୋଳରେ ପୁନର୍ଜନ୍ମ ନେବେ ବୋଲି କହିଛନ୍ତି ।
ରାଖି ତାଙ୍କ ଇନ୍ଷ୍ଟାଗ୍ରାମରେ ଏକ ଭିଡ଼ିଓ ସେୟାର କରି ଆହୁରି କହିଛନ୍ତି- ‘ରାତିରେ ମୁଁ ଶୋଇଥିବା ବେଳେ ହଠାତ୍ ଏକ ଝଟ୍କା ଲାଗିଲା । ମୁଁ ପଚାରିଲି କିଏ ? ସେପଟୁ ଉତ୍ତର ଆସିଲା, ମୁଁ ସୁଶାନ୍ତ ।’
ଆପଣ ହୁଏତ ଏହାକୁ ବିଶ୍ୱାସ କରିବେ କି ନାହିଁ କିନ୍ତୁ ସେ ଏପରି କହିଥିଲେ । ସୁଶାନ୍ତ କହିଲେ ‘ ମୋ ପ୍ରଶଂସକଙ୍କୁ କହିବ, ମୁଁ ପୁଣି ଜନ୍ମ ନେଉଛି ।’ ମୁଁ ପଚାରିଲି କେମିତି ? ସେ କହିଲେ, ଖୁବ୍ ଶୀଘ୍ର ମୁଁ ତୁମକୁ କହିବି । ’ ମୁଁ କହିଲି ନା, ଏବେ କୁହ । ସେ କହିଲେ ଖୁବ୍ ଶୀଘ୍ର ତୁମେ ବିବାହ କରିବ, ମୁଁ ତୁମ କୋଳରେ ଜନ୍ମ ନେବି ।’ ଏପରି ଭିଡିଓ ରାଖି ତାଙ୍କର ଇନ୍ଷ୍ଟାଗ୍ରାମରେ ଛାଡି ଚର୍ଚ୍ଚାକୁ ଆସିଛନ୍ତି ।
ରାଖି ସାଓ୍ଵନ୍ତଙ୍କ ଏହି ଭିଡ଼ିଓକୁ ଦେଖି ସୋସିଆଲ୍ ମିଡିଆରେ ମଧ୍ୟ ବହୁ ପ୍ରତିକ୍ରିୟା ଆସିଛି । କେହି କେହି ରାଖିଙ୍କୁ ଲେଖିଛନ୍ତି ଯେ ରାଖି ବୋଧହୁଏ ରାତିରେ କିଛି ଶସ୍ତା ନିଶା ନେଇଛନ୍ତି । ଆଉ କେହି କହିଛନ୍ତି ରାଖି ଏପରି କହି ଆମ ନଜରରୁ ତଳକୁ ଖସି ଗଲେଣି । ଏଥିରେ ଥିବା ରାଖିଙ୍କ ଏହି ପୁରା ଭିଡ଼ିଓ ଦେଖନ୍ତୁ ।
ପ୍ରକାଶଯୋଗ୍ୟ, ସୁଶାନ୍ତ ସିଂହ ଗତ ୧୪ ତାରିଖରେ ବାନ୍ଦ୍ରା ସ୍ଥିତ ତାଙ୍କ ଘରେ ଆତ୍ମ ହତ୍ୟା କରିବା ପରେ ତାଙ୍କର ପରିବାର ଓ ପ୍ରଶଂସକଙ୍କ ମଧ୍ୟରେ ଶୋକର ଛାୟା ଖେଳିଯାଇଛି । ପରିବାର ପକ୍ଷରୁ ମାମଲାର ସିବିଆଇ ତଦନ୍ତ ଦାବି କରାଯାଇଛି । ମୁମ୍ବାଇ ପୋଲିସ୍ ଏହାର ତଦନ୍ତ ଜାରି ରଖିଥିବା ବେଳେ ନୂଆ ନୂଆ ତଥ୍ୟ ପ୍ରଘଟ ହେବାରେ ଲାଗିଛି ।
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…
ଉଦଳା: ଅଳିଆ ଭାବେ ପଡିଛି କୁଢ଼ କୁଢ଼ ସାଲାଇନ ଓ ଇଞ୍ଜେକସନ୍ । କିଛି ଏକ୍ସପାଏରୀ ହୋଇଛି ତ ଆଉ…
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ଗିରଫ କରିଛି ସିବିଆଇ । ଅବକାରୀ ନୀତି ଦୁର୍ନୀତି ମାମଲାରେ ତାଙ୍କୁ ଅଦାଲତରୁ ଗିରଫ…
ସୁନ୍ଦରଗଡ଼ : ବଜ୍ରକାପ୍ତା ଉଦ୍ଧାର । ସୁନ୍ଦରଗଡ଼ ଜିଲ୍ଲା କୁଳିପୋଷ ରେଞ୍ଜର କୁଢେଇକଳା ବିଟର ବନଲତା ଗାଁରୁ ଉଦ୍ଧାର କରାଯାଇଛି…
ଲୋକସଭାରେ ବିରୋଧୀ ନେତା ହେବେ ରାହୁଲ ଗାନ୍ଧି । ଇଣ୍ଡିଆ ବ୍ଲକ୍ ଏହା ଉପରେ ମୋହର ମାରିଛି । କଂଗ୍ରେସର…
ପୁଣି ଲୋକସଭାର ବାଚସ୍ପତି ଭାବେ ନିର୍ବାଚିତ ହେଲେ ଓମ୍ ବିର୍ଲା । ବାଚ୍ନିକ ଭୋଟରେ ନିର୍ବାଚିତ ହେଲେ ଓମ୍ ବିର୍ଲା…