ଆଜି ପୂରା ଦୁନିଆ ପାଳନ କରୁଛି ଅନ୍ତର୍ଜାତୀୟ ମହିଳା ଦିବସ। ଏହି ଅବସରରେ ବଲିଉଡ୍ ସେଲିବ୍ରିଟିମାନେ ମଧ୍ୟ ସୋସିଆଲ ମିଡିଆ ମାଧ୍ୟମରେ ନିଜ ଫ୍ୟାନ୍ଙ୍କୁ ମହିଳା ଦିବସର ଶୁଭକାମନା ଜଣାଉଛନ୍ତି। ଇତି ମଧ୍ୟରେ ଦୀର୍ଘ ଦିନ ହେଲା ସୋସିଆଲ ମିଡିଆରୁ ଦୂରେଇ ରହିଥିବା ଅଭିନେତ୍ରୀ ରିୟା ଚକ୍ରବର୍ତ୍ତୀ ମଧ୍ୟ ନିଜ ଜୀବନର ସବୁଠୁ ଖାସ୍ ମହିଳାଙ୍କୁ ଓମେନ୍ ଡେ’ର ଶୁଭକାମନା ଜଣାଇଛନ୍ତି। ଏହି ମହିଳା ଆଉ କେହି ନୁହେଁ ବରଂ ତାଙ୍କ ମା’।
ରିୟା ଚକ୍ରବର୍ତ୍ତୀ ନିଜ ମା’ଙ୍କ ହାତ ଧରିଥିବା ଏକ ଫଟୋ ସେୟାର କରିଛନ୍ତି। ଫଟୋର କ୍ୟାପସନ୍ରେ ସେ ଲେଖିଛନ୍ତି, ଆମକୁ ମହିଳା ଦିବସର ଅଭିନନ୍ଦନ। ମା’ ଆଉ ମୁଁ। ସବୁବେଳେ ଏକାଠି। ମୋ ବଳ, ମୋ ବିଶ୍ୱାସ, ମୋ ଭାଗ୍ୟ… ମୋ ମା’।
ରିୟା ଚକ୍ରବର୍ତ୍ତୀ ଦୀର୍ଘ ଦିନ ଧରି ସୋସିଆଲ ମିଡିଆରୁ ଦୂରରେ ଥିଲେ। ସେ ଅଗଷ୍ଟ ୨୦୨୦ରେ ଶେଷ ପୋଷ୍ଟ କରିଥିଲେ। ସେତେବେଳେ ସେ ଏକ ଭିଡିଓ ସେୟାର କରିଥିଲେ। ଏହି ଭିଡିଓଟି ସେ ଘର ଭିତରୁ କରିଥିଲେ। ସେହି ସମୟରେ ସୁଶାନ୍ତଙ୍କ ମୃତ୍ୟୁ ମାମଲାରେ ରିୟା ଚକ୍ରବର୍ତ୍ତୀଙ୍କୁ ପଚରାଉଚରା କରାଯାଉଥିଲା। ଏଣୁ ମିଡିଆ ତାଙ୍କ ଘର ସାମ୍ନାରେ ଭିଡ଼ ଜମାଇଥିଲେ। ଏଥିପାଇଁ ସେ ମୁମ୍ବାଇ ପୋଲିସକୁ ସୁରକ୍ଷା ପାଇଁ ନିବେଦନ କରିଥିଲେ।
ସୂଚନାଯୋଗ୍ୟ ଯେ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲାରେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନ୍ସିବି) ଅଭିନେତ୍ରୀ ରିୟା ଚକ୍ରବର୍ତ୍ତୀ, ତାଙ୍କ ଭାଇ ସୌଭିକଙ୍କ ସମେତ ପ୍ରାୟ ୩୩ ଜଣଙ୍କ ବିରୋଧରେ ୧୨,୦୦୦ ପୃଷ୍ଠାର ଚାର୍ଜସିଟ୍ ଦାଖଲ କରିଛି। ସୁଶାନ୍ତଙ୍କ ମୃତ୍ୟୁ ପରେ ମାମଲାରେ ଡ୍ରଗ୍ସ ଲିଙ୍କ୍ ଥିବା ଜଣାପଡ଼ିଥିଲା। ଫଳରେ ଏବେ ଏନ୍ସିବି ମାମଲାର ତଦନ୍ତ କରୁଛି।
ମେଷ: ଆଜି ଆପଣଙ୍କ ପାଇଁ ଦିନଟି ଶକ୍ତିଶାଳୀ ହେବାକୁ ଯାଉଛି । ଆପଣ ଠିକ୍ ସମୟରେ କାର୍ଯ୍ୟ ସମାପ୍ତ କରିବାକୁ…
କନ୍ଧମାଳ : କନ୍ଧମାଳରେ ଓଲଟିଲା ଯାତ୍ରୀବାହୀ ବସ୍ । ୩ ଯାତ୍ରୀ ମୃତ, ୫୦ରୁ ଅଧିକ ଯାତ୍ରୀ ଆହତ ।…
ପାଟଣାଗଡ଼ : ପୁତୁରାର ଟାଙ୍ଗିଆ ଚୋଟରେ ଖୁଡି ମୃତ । ଘଟଣା ଘଟିଛି ପାଟଣାଗଡ଼ ଥାନା କୁତୁମୁଣ୍ଡା ଗ୍ରାମରେ ।…
ଭୁବନେଶ୍ୱର : ସୋସିଆଲ ମିଡିଆରୁ ହଟିଲା ୪୨୦ ଆପତ୍ତିଜନକ ପୋଷ୍ଟ । ଆଦର୍ଶ ଆଚରଣ ବିଧି ଓ ଆଇନ ଉଲ୍ଲଙ୍ଘନକାରୀ…
ଭୁବନେଶ୍ୱର : ନିର୍ବାଚନ ଡ୍ୟୁଟିରେ ଯାଉଥିବା ବେଳେ ବସ୍ ଦୁର୍ଘଟଣା । ନିର୍ବାଚନ ଡ୍ୟୁଟିରେ ବଲାଙ୍ଗିରରୁ କେନ୍ଦ୍ରାପଡ଼ାକୁ ବସଟି ଯାଉଥିଲା।…
ଭୁବନେଶ୍ୱର : ରାଜ୍ୟରେ ବଢୁଛି ତାପମାତ୍ରା । ହିଟୱେଭ ନେଇ ୫ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି ।…