ମା ଅମୃତା ସିଂଙ୍କ ଚୁଲବୁଲି ଅନ୍ଦାଜରେ ନଜର ଆସିବେ ସାରା, ଏହି ଫିଲ୍ମର ରିମେକରେ ହେବ ଏଣ୍ଟ୍ରି

ବଲିଉଡର କଲ୍ଟ କମେଡି କୁହାଯାଉଥିବା ଅନିଲ କପୁର ଓ ଅମୃତା ସିଂ ଙ୍କ ଅଭିନୀତ ଫିଲ୍ମ “ଚେମେଲୀ କି ସାଦୀ” ଆଜି ବି ଲୋକମାନଙ୍କ ଫେବରେଟ ଲିଷ୍ଟରେ ରହିଛି । ଫିଲ୍ମରେ ଅମୃତା ସିଂଙ୍କ ଚୁଲବୁଲି ଅନ୍ଦାଜ ଲୋକମାନଙ୍କୁ ବହୁତ ପସନ୍ଦ ଆସିଥିଲା । ତେବେ ଶୁଣିବାକୁ ମିଳୁଛି ଯେ ଏହି କମେଡି ଫିଲ୍ମର ରିମେକ ହେବାକୁ ଯାଉଛି ଯେଉଁଥିରେ ମା ଅମୃତା ସିଂଙ୍କ ଚରିତ୍ରରେ ଦେଖିବାକୁ ମିଳିବେ ଝିଅ ସାରା ଅଲ୍ଲୀ ଖାନ । ତାହେଲେ ଆସନ୍ତୁ ସମ୍ପୂର୍ଣ୍ଣ ସୂଚନା ।

ଚଳଚ୍ଚିତ୍ର କେଦାରନାଥ ଜରିଆରେ ସାରା ଅଲ୍ଲୀ ଖାନ ବଲିଉଡରେ ନିଜର ଧମାକାଦାର ଏଣ୍ଟ୍ରି ମାରିଥିଲେ । ଯାହାପରେ ସୈଫ ଓ ଅମୃତାଙ୍କ ଝିଅ କେବେ ପଛକୁ ଫେରି ଦେଖିନାହାନ୍ତି । ଆଜିକାଲି ସାରା ନିଜର ଆଗାମୀ ଫିଲ୍ମ ‘ଲଭ ଆଜ କଲ’ର ରିଲିଜ ପ୍ରସ୍ତୁତିରେ ବ୍ୟସ୍ତ ଅଛନ୍ତି । ତେବେ ଏହା ମଧ୍ୟରେ ତାଙ୍କୁ ନେଇ ଏକ ଖବର ଶୁଣିବାକୁ ମିଳିଛି । ସୂଚନା ଅନୁଯାୟୀ ସାରା ଅଲ୍ଲୀ ଖାନ, ମା ଅମୃତା ସିଂଙ୍କ ସୁପର ଡୁପର ହିଟ ଫିଲ୍ମ “ଚେମେଲୀ କି ସାଦୀ”ର ରିମେକରେ ନଜରରେ ଆସିବାକୁ ଯାଉଛନ୍ତି ।

ଯଦିଓ ଏହି ଫିଲ୍ମ କରିବା ପାଇଁ ସାରା ବର୍ତ୍ତମାନ ପର୍ଯ୍ୟନ୍ତ ହଁ କହିନାହାନ୍ତି କାରଣ ତାଙ୍କୁ ଲାଗୁଛି ଯେ ସେ ଏହି ଫିଲ୍ମର ଲିଡ଼ ରୋଲ କରିବା ପାଇଁ ସେ ଏପର୍ଯ୍ୟନ୍ତ ସକ୍ଷମ ହୋଇନାହାନ୍ତି । ତେବେ ସାରାଙ୍କ ଫ୍ୟାନ ମାନେ ଅତି ଉତ୍ସାହିତର ସହ ଅପେକ୍ଷା କରିଛନ୍ତି ଯେ ସେ ଏହି ଫିଲ୍ମ ପାଇଁ କେବେ ହଁ କହୁଛନ୍ତି । କାରଣ ଅମୃତା ସିଂଙ୍କ ‘ଚେମେଲୀ’ର ଚୁଲବୁଲି ଅନ୍ଦାଜରେ ସାରାଙ୍କୁ ଦେଖିବା ବହୁତ ମଜାଦାର ରହିବ ।