ବାହୁବଳୀ ଫେମ୍ ଡାଇରେକ୍ଟର ଏସ୍ଏସ୍ ରାଜାମୌଲୀ ନିଜ ନୂଆ ଫିଲ୍ମ RRR କୁ ନେଇ ବିବାଦରେ ଛନ୍ଦି ହୋଇଯାଇଛନ୍ତି। ବିଜେପି କଡ଼ା ଭାଷାରେ ଫିଲ୍ମର ଫାଷ୍ଟଲୁକ୍ ବଦଳାଇବାକୁ ଦାବି କରିଛି। ଯଦି ଏଭଳି ନ ହୁଏ ତେବେ ଥିଏଟର ଜଳାଇବାକୁ ଧମକ ଦିଆଯାଇଛି। ରିପୋର୍ଟ ମୁତାବକ ତେଲେଙ୍ଗାନା ବିଜେପିର ନେତା ଓ କରିମ ନଗରର ସାଂସଦ ବାନ୍ଦୀ ସଞ୍ଜୟ ଫିଲ୍ମରେ ଫ୍ରିଡମ୍ ଫାଇଟର କୋମରାମ ଭୀମ୍ଙ୍କ ଗେଟ୍ଅପ୍ ଉପରେ ପ୍ରଶ୍ନ ଉଠାଇଛନ୍ତି। ଆଦିଲାବାଦର ବିଜେପି ସାଂସଦ ସୋୟମ୍ ବାପୁ ମଧ୍ୟ ଫିଲ୍ମ ନିର୍ମାତାଙ୍କ ଉପରେ ପ୍ରଶ୍ନ ଉଠାଇଛନ୍ତି।
ସୂଚନାଯୋଗ୍ୟ ଯେ ନିକଟରେ ଫିଲ୍ମରେ କୋମରାମ ଭୀମଙ୍କ ଭୂମିକାରେ ଅଭିନୟ କରୁଥିବା ଜୁନିଅର ଏନ୍ଟିଆରଙ୍କ ଫାଷ୍ଟଲୁକ୍ ରିଲିଜ୍ କରାଯାଇଛି। ଏଥିରେ ସେ କୁର୍ତ୍ତା-ପାଇଜାମା ଓ ମୁସଲିମ୍ ଟୋପି ପିନ୍ଧିଥିବା ଦେଖିବାକୁ ମିଳିଛି। ତେଲେଙ୍ଗାନା ବିଜେପି ସ୍ୱାଧୀନତା ସଂଗ୍ରାମୀଙ୍କ ବେଶଭୂଷାକୁ ନେଇ ପ୍ରଶ୍ନ କରିଛି।
ସାଂସଦ ବାନ୍ଦୀ ସଞ୍ଜୟ କହିଛନ୍ତି ରାଜାମୌଲି ଅଶାନ୍ତି ସୃଷ୍ଟି କରିବାକୁ କୋମରାମ ଭୀମଙ୍କୁ ଏହି ଟୋପି ପିନ୍ଧାଇଛନ୍ତି। ଆମେ ଏହାକୁ ଆଦୌ ସ୍ୱୀକାର କରିବୁ ନାହିଁ। ଅନ୍ୟପଟେ ସାଂସଦ ସୋୟମ୍ ବାପୁ କହିଛନ୍ତି ଯେ ଆଦିବାସୀ ନେତାଙ୍କୁ ସୁରମା, ମୁସଲିମ୍ ଟୋପି ଓ କୁର୍ତ୍ତା ପାଇଜାମାରେ ଦେଖାଇବା ଭୁଲ। ସେ ନିଜାମ ଶାସନ ବିରୋଧରେ ନିଜ ଜୀବନ ଦେଇଛନ୍ତି। ଏଣୁ ଯଦି ତାଙ୍କ ଲୁକ୍କୁ ଭୁଲ ଭାବେ ଉପସ୍ଥାପିତ କରାଯିବ ତେବେ ଆମେ ଥିଏଟର ଜଳାଇବାକୁ ମଧ୍ୟ ସଙ୍କୋଚ କରିବୁ ନାହିଁ। ତେବେ ଏହି ମାମଲାରେ ଫିଲ୍ମ ନିର୍ମାତାଙ୍କ ତରଫରୁ କୌଣସି ପ୍ରତିକ୍ରିୟା ମିଳିପାରିନାହିଁ।
ବ୍ରହ୍ମପୁର : ଗଞ୍ଜାମ ଗଜପତି ଜିଲ୍ଲା ସୀମାନ୍ତ କାନକଟା ଘାଟିରେ ହାଇୱାକୁ ପିଟିହେଲା ବସ । ଅଳ୍ପକେ ବର୍ତ୍ତିଲେ ୪୦…
ଭୁବନେଶ୍ୱର : କିଟ୍ ଓ କିସ୍ ହେଉଛି କ୍ରୀଡାର ହବ୍ । କିସରେ ଯୋଡି ହେବାକୁ ଯାଉଛି ସର୍ବବୃହତ ସାଇକେଲ…
କେନ୍ୟୁଜ(ବ୍ୟୁରୋ) : ବିଜୁ ଜନତା ଦଳ ସଭାପତି ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସମ୍ପୂର୍ଣ୍ଣ ଭାବେ ସୁସ୍ଥ ଅଛନ୍ତି…
ଭୁବନେଶ୍ୱର(କେନ୍ୟୁଜ୍): ଆଜିକାଲି ଘରେ ପକ୍ଷୀମାନଙ୍କୁ ପଞ୍ଜୁରୀରେ ରଖିବା ଏକ ପ୍ରକାର ଟ୍ରେଣ୍ଡ ପାଲଟିଗଲାଣି । ନିଜ ସଉକ ପାଇଁ କଥା…
ସାଉଦି ଆରବରେ ହିଟ୍ ଷ୍ଟ୍ରୋକ୍ ମୃତ୍ୟୁର ତଣ୍ଡବ ରଚିଛି । ରିପୋର୍ଟରୁ ଜଣାପଡ଼ିଛି, ଚଳିତ ବର୍ଷ ମକ୍କାରେ ହିଟ୍ ୱେଭ୍…
କଥାରେ ଅଛି ବିଶ୍ୱାସେ ମିଳଇ ହରି, ତର୍କେ ବହୁଦୂର । ଯେଉଁଠି ବିଶ୍ୱାସ ଅଛି ସେଠି ଭଗବାନ ଅଛନ୍ତି ,…