ବଲିଉଡର ଏହି ୫ ଜଣ ବଡ଼ କଳାକାର, ଯିଏ ବିନା ତଲାକରେ କରିଥିଲେ ଦ୍ୱିତୀୟ ବିବାହ

ନୂଆଦିଲ୍ଲୀ : ବଲିଉଡର ଅଭିନେତାମାନଙ୍କ ଜୀବନ କାହାଣୀ ଏପରି ଯେ ସେମାନେ କିଛି ନା କିଛି କାରଣ ପାଇଁ ସର୍ବଦା ଚର୍ଚ୍ଚାରେ ଥାଆନ୍ତି । ସେମାନଙ୍କର ଫିଲ୍ମ ପାଇଁ ହେଉ ବା ତାଙ୍କର ପର୍ସନାଲ ଲାଇଫ ପାଇଁ । ଆଜି ଆମେ ଆପଣଙ୍କୁ ଏମିତି କିଛି ଷ୍ଟାରମାନଙ୍କ ବିଷୟରେ କହିବୁ ଯିଏ କି ବିନା ତଲାକରେ କରିଥିଲେ ଦ୍ୱିତୀୟ ବିବାହ ।

ବିବାହିତ ସଂଜୟ ଖାନ୍‌ ଯାହାଙ୍କର ଜିନ୍‌ତ ଅମାନଙ୍କ ସହ ଥିଲା ଅଫେୟାର୍‌ :

ଏହି ତାଲିକାରେ ପ୍ରଥମ ନାମ ଆସେ ଅଭିନେତା ସଂଜୟ ଖାନଙ୍କର । ତାଙ୍କର ଜିନ୍‌ତ ଅମାନଙ୍କ ସହ ଥିଲା ଅଫେୟାର । ଜିନତ ଜାଣିଥିଲେ ଯେ ସଂଜୟ ବିବାହିତ ତଥାପି ତାଙ୍କ ସହ ସମ୍ପର୍କରେ ଥିଲେ । ସଂଜୟଙ୍କ ପତ୍ନୀ ଥିଲେ ଜରିନ ଖାନ୍‌ । ତଥାପି ସଂଜୟ ଜିନତ ଙ୍କ ସହ ଅଫେୟାରରେ ଥିଲେ । ଶୁଣାଯାଏ ସଂଜୟ ପ୍ରଥମ ପତ୍ନୀଙ୍କୁ ତଲାକ ନଦେଇ ମଧ୍ୟ ଜିନତଙ୍କ ସହ ସମ୍ପର୍କ ଗଢ଼ିଥିଲେ ।

ଧର୍ମେନ୍ଦ୍ର ମଧ୍ୟ ପ୍ରଥମ ପତ୍ନୀଙ୍କୁ ତଲାକ ନଦେଇ ହେମାଙ୍କୁ କରିଥିଲେ ବିବାହ :

ଅଭିନେତା ଧର୍ମେନ୍ଦ୍ର- ହେମା ମାଳିନୀଙ୍କ ଯୋଡ଼ି ବଲିଉଡରେ ଚର୍ଚ୍ଚିତ । ହେଲେ ଧର୍ମେନ୍ଦ୍ରଙ୍କୁ ହେମାଙ୍କ ସହ ପ୍ରେମ ହେବା ବେଳେ ଧର୍ମେନ୍ଦ୍ର ଥିଲେ ବିବାହିତ । ହେମାଙ୍କୁ ସେ ଏତେ ଭଲ ପାଉଥିଲେ ଯେ ତାଙ୍କୁ ବିବାହ କରିବା ପାଇଁ ସେ ମୁସଲିମ ଧର୍ମ ମଧ୍ୟ ଗ୍ରହଣ କରିଥିଲେ । ହେମାଙ୍କୁ ବିବାହ କରିବା ପରେ ମଧ୍ୟ ଧର୍ମେନ୍ଦ୍ର ତାଙ୍କର ଦୁଇ ପତ୍ନୀଙ୍କୁ ସମ୍ଭାଳିଥିଲେ ।

ବଲିଉଡ୍‌ର ଖ୍ୟାତନାମା ଲେଖକ ସଲିମ ଖାନ୍‌ :

ସଲିମ୍‌ ଖାନ୍‌ ପ୍ରଥମ ପତ୍ନୀ ସଲମାଙ୍କୁ ତଲାକ ନଦେଇ ଅଭିନେତ୍ରୀ ହେଲେନ୍‌ଙ୍କୁ ବିବାହ କରିଥିଲେ । ଶୁଣାଯାଏ ସଲିମଙ୍କୁ ପ୍ରଥମେ ଉଭୟ ପତ୍ନୀଙ୍କୁ ସମ୍ଭାଳିବା ବହୁତ କଷ୍ଟ ଉଠାଇବାକୁ ପଡ଼ିଥିଲା ।

ରାଜ ବବ୍ଦର ପ୍ରଥମ ପତ୍ନୀ ନାଦିରାଙ୍କୁ ତଲାକ ନଦେଇ ସ୍ମିତା ପାଟିଲଙ୍କୁ କରିଥିଲେ ବିବାହ :

ଅଭିନେତା ରାଜ ବବ୍ଦର ଓ ସ୍ମିତା ପାଟିଲ ୧୯୮୦ ଦଶକରେ ସୁପର ହିଟ ଯୋଡି ଥିଲେ । ଦେଖୁ ଦେଖୁ ଦୁହେଁ ରିୟଲ ଲାଇଫରେ ଯୋଡି ହୋଇଗଲେ । ରାଜ ପ୍ରଥମେ ନାଦିରା ଜହିରଙ୍କୁ ବିବାହ କରିଥିଲେ । ହେଲେ ସ୍ମିତାଙ୍କୁ ବିବାହ କରିବା ବେଳେ ମଧ୍ୟ ପତ୍ନୀଙ୍କୁ ତଲାକ ଦେଇନଥିଲେ । ସ୍ମିତା ଏକ ସନ୍ତାନ ଜନ୍ମ ବେଳେ ସ୍ମିତାଙ୍କ ମୃତ୍ୟୁ ହୋଇଯିବା ପରେ ରାଜ ପୁଣି ପତ୍ନୀ ନାଦିରାଙ୍କ ପାଖକୁ ଫେରି ଆସିଥିଲେ ।

ଉଦିତ ନାରାୟଣ  ଓ ମହେଶ ଭଟ୍ଟ :

ଉଦିତ ନାରାୟଣ ପ୍ରଥମ ପତ୍ନୀ ରଞ୍ଜନାଙ୍କୁ ତଲାକ ନଦେଇ ଗିତା ଗହତରାଜଙ୍କୁ ବିବାହ କରିଥିଲେ । ଅବଶ୍ୟ ପରେ ପ୍ରଥମ ପତ୍ନୀଙ୍କ ପାଖକୁ ଫେରି ଆସିଥିଲେ । ସେହିପରି ମହେଶ ଭଟ୍ଟ ପ୍ରଥମ ପତ୍ନୀ ଲୋରେନ ବ୍ରାଇଟଙ୍କୁ ତଲାକ ନଦେଇ ସୋନି ରାଜଦାନଙ୍କୁ ବିବାହ କରିଥିଲେ ।