ଆଜି ସନ୍ଧ୍ୟାରେ ନିଜ ପିଲାଙ୍କୁ ଦିଅନ୍ତୁ ସରପ୍ରାଇଜ, ଘରେ ଅତି ସହଜରେ ବନାନ୍ତୁ ଟେଷ୍ଟି ଚିଜି ପଟାଟୋ ପ୍ୟାନକେକ

ବର୍ତ୍ତମାନର ସମୟ ପିଲାମାନଙ୍କ ପାଇଁ ବହୁତ ମୁସ୍କିଲ ଭରା ସମୟ ହୋଇପଡିଛି । କାରଣ ସେମାନେ ବାହାରକୁ ଯାଇ ନିଜ ସାଙ୍ଗମାନଙ୍କ ସହ ଖେଳିବା ପଢିବା ବନ୍ଦକରି ୨୪ ଘଣ୍ଟା ଘରେ ରହୁଛନ୍ତି । ଏପରିସ୍ଥଳେ ବେଳେବେଳେ ପିଲାମାନେ ଚିଡଚିଡା ହୋଇଯାଉଥିବ ଆପଣ ଲକ୍ଷ କରିଥିବେ । ସେଥିପାଇଁ ପିଲାମାନଙ୍କ ମନ ଖୁସି କରିବା ପାଇଁ ଯଦି ଆପଣ ତାଙ୍କ ମନ ପସନ୍ଦର ଖାଦ୍ୟ ବଣାଇ ଖାଇବାକୁ ଦିଅନ୍ତି ତାହେଲେ ହୁଏତ ସେମାନେ ଘରେ ରହିବି ଟିକିଏ ଖୁସି ଅନୁଭବ କରିପାରନ୍ତି । ସେଥିପାଇଁ ଆଜି ଆମେ ଆପଣଙ୍କ ପାଇଁ ନେଇ ଆସିଛୁ ଏମିତି ଏକ ରେସିପି ଯାହାକୁ ଖାଇବା ପରେ ଆପଣଙ୍କ ପିଳା ଖୁସିରେ ଡ଼େଇଁବେ । ତାହେଲେ ଆସନ୍ତୁ ଜାଣିବା କିପରି ଘରେ ତିଆରି କରିବେ ଅତି ସହଜରେ ପଟାଟୋ ପ୍ୟାନକେକ ।

ଆବଶ୍ୟକୀୟ ସାମଗ୍ରୀ

• ୪ଟି ଆଳୁ
• ଅଧାକପ ଚିଜ
• ୩ଟି ପିଆଜ
• ଅଳ୍ପ ଟିକେ ରସୁଣ
• ଅଧାକପ ମଇଦା
• ୨ଟି ଅଣ୍ଡା
• ଗୋଲମରିଚଗୁଣ୍ଡ
• ତେଲ
• ଆବଶ୍ୟକ ଅନୁସାରେ ଲୁଣ

ପ୍ରସ୍ତୁତି ପ୍ରଣାଳୀ

ପ୍ରଥମେ ଆଳୁକୁ ଚୋପା ଛଡାଇ ତାକୁ ଗ୍ରେଟ କରିଦିଅନ୍ତୁ ଏବଂ ତାକୁ ଏକ ସଫା କପଡ଼ାରେ ରଖିଦିଅନ୍ତୁ ଯେପରି ସେଥିରେ ଥିବା ପାଣି ବାହାରି ଆସିବ । ବର୍ତ୍ତମାନ ଗୋଟିଏ ପତ୍ର ଆଣି ସେଥିରେ ଆଳୁ, କଞ୍ଚାଲଙ୍କା, ରସୁଣ କଟା, ମଇଦା, ଲୁଣ, ଗୋଲମରିଚ ଗୁଣ୍ଡ, ଚିଜ ଏବଂ ଅଣ୍ଡାକୁ ପକାଇ ଭଲଭାବେ ଗୋଳାଇ ଦିଅନ୍ତୁ । ବର୍ତ୍ତମାନ ଏକ ପ୍ୟାନରେ ତେଲ ଗରମ କରି ସେଥିରେ ଏହି ମିଶ୍ରଣକୁ ଚକୁଳି ପରି ପକାଇ ଗୋଲ କରିଦିଅନ୍ତୁ । ଧିମା ଆଞ୍ଚରେ ଏହାର ଦୁଇପାଟକୁ ଭଲଭାବେ ସେକି ଦିଅନ୍ତୁ । ଏହା ଭଲଭାବେ ହୋଇଗଲା ପରେ ତାକୁ କାଢି ଚିଲି ଗାର୍ଲିକ ସସ ସହିତ ନିଜ ପିଲାଙ୍କୁ ଖାଇବାକୁ ଦିଅନ୍ତୁ ।