ବିନା ଅଣ୍ଡାରେ ପ୍ରସ୍ତୁତ କରନ୍ତୁ ଓମଲେଟ, ସ୍ଵାଦରେ ଲାଜବାଵ

ଯେଉଁମାନେ ଶାକାହାରି ଏବଂ ଯେଉଁ ମାନଙ୍କୁ ଅଣ୍ଡା ଖାଇବା ପସନ୍ଦ ନୁହେଁ। ସେମାନଙ୍କ ପାଇଁ ବଢିଆ ସ୍ୱାଦିଷ୍ଟ ଓମଲେଟ ନେଇ ଆସିଛୁ। ଯାହା ଆପଣଙ୍କୁ ବଢିଆ ସ୍ୱାଦ ଦେବ।

ଆବଶ୍ୟକ ସାମଗ୍ରୀ

ସୁଜି – ୧ କପ
ଗାଢ଼ା ଦହି – ୩/୪ କପ
ପାଣି – ଆବଶ୍ୟକ ଅନୁସାରେ
ପନୀର – ୧ କପ କଦ୍ଦୁକସ ହୋଇଥିବା
ଗାଜର – ଗୋଟିଏ
ଟମାଟୋ – ୧
ପିଆଜ – ଗୋଟିଏ
ଲଙ୍କା – ୨
ଅଦା ପେଷ୍ଟ – ୧/୨ ଛୋଟ ଟେବୁଲ ଚାମଚ
ଲୁଣ – ସ୍ୱାଦଅନୁଯାଇ
ତେଲ – ଆବଶ୍ୟକ ଅନୁଯାୟୀ

ପ୍ରସ୍ତୁତି ପ୍ରଣାଳୀ

-ଏକ ପାତ୍ରରେ ସୁଜି, ଦହି ଏବଂ ଅଳ୍ପ ଲୁଣ ପକାଇ ମିକ୍ସ କରିଦିଅନ୍ତୁ। ଏବେ ଏହି ମିଶ୍ରଣରେ ଅଳ୍ପ ପାଣି ପକାଇ ମିକ୍ସ କରନ୍ତୁ। ଧ୍ୟାନ ରଖନ୍ତୁ ଯେପରି ଏହି ମିଶ୍ରଣ ଅଧିକ ପତଳା ନ ହୋଇଯାଏ। ଏହାପରେ ଏହି ଘୋଳକୁ ୨୦ ମିନିଟ ପର୍ଯ୍ୟନ୍ତ ଘୋଡାଇ ରଖି ଦିଅନ୍ତୁ।

-ଅନ୍ୟ ଏକ ପାତ୍ରରେ ପନୀର, ଗାଜର, ପିଆଜ, ଧନିଆ ପତ୍ର, ଲଙ୍କା ଏବଂ ଅଳ୍ପ ଲୁଣ ପକାଇ ଭଲଭାବେ ମିକ୍ସ କରନ୍ତୁ।

-ଏବେ ଏକ ପ୍ୟାନ ଗରମ କରନ୍ତୁ। ଯେତେବେଳେ ପ୍ୟାନ ଗରମ ହୋଇଯିବ ସେଥିରେ ରିଫାଇନ କିମ୍ବା ସୋରିଷ ତେଲ ପକାନ୍ତୁ। ଏହାପରେ ପ୍ରସ୍ତୁତ କରି ରଖିଥିବା ଘୋଳରୁ ଏକ ଚାମଚ ନେଇ ଅଣ୍ଡା ଓମଲେଟ କଲାଭଳି ଚାରି ଆଡକୁ ମେଲାଇ ଦିଅନ୍ତୁ।

-ଏହାପରେ ଏଥିରେ ଷ୍ଟଫିଙ୍ଗ କରିବା ପାଇଁ ରଖିଥିବା ପନୀର ଗାଜରର ମିଶ୍ରଣକୁ ପକାଇ ଚାମଚରେ ଧୀରେ ଧୀରେ ଦବାନ୍ତୁ। ଏହାପରେ ଓମଲେଟର ଚାରିପଟେ ତେଲ ଲଗାଇ ଫ୍ରାଏ କରନ୍ତୁ।

-ଏହା ଭଲ ଭାବରେ ହୋଇଗଲା ପରେ ଏହାକୁ ଏକ ପ୍ଲେଟକୁ ବାହାର କରିଦିଅନ୍ତୁ। ଏବେ ଆପଣଙ୍କର ଗରମା ଗରମ ଓମଲେଟ ପ୍ରସ୍ତୁତ ହୋଇଯାଇଛି।