ଦୀପାବଳି ପାର୍ଟି ପାଇଁ ଘରେ ବନାଇପାରିବେ ଆଳୁ ପନିର କୋପ୍ତା, ବନାଇବା ବହୁତ ସହଜ

ଆଉ ଦିନ କେଇଟା ପରେ ଆଲୋକର ପର୍ବ ଦୀପାବଳି ପାଳନ କରାଯିବ। ଆଉ ଏହିଦିନ କିଛି ନୂଆ ନୂଆ ଦିନ ଜିନିଷ କରି ଖାଇବାକୁ ଇଚ୍ଛା ହୋଇଥାଏ। ଦୀପାବଳି ଦିନ ଘରକୁ ଅତିଥି ଆସିଲେ ଆପଣ କ’ଣ ନୂଆ କରି ଖାଇବାକୁ ଦେବେ ତାହାକୁ ନେଇ ଦ୍ୱନ୍ଦ୍ୱରେ ପଡିଯାଆନ୍ତି। ଯଦି ଏପରି ସ୍ଥଳେ କିଛି ବୁଦ୍ଧି ନ ଆସେ, ତେବେ ଘରେ ଆଳୁ ପନିର କୋପ୍ତା କରି ଅତିଥିଙ୍କୁ ଖାଇବାକୁ ଦେଇପାରିବେ। ଏହା ପ୍ରସ୍ତୁତ କରିବାକୁ ଅଧିକ ସମୟ ଲାଗିନଥାଏ ଆଉ ଖାଇବାକୁ ମଧ୍ୟ ବେଶ ଟେଷ୍ଟ ହୋଇଥାଏ। ତେବେ କେମିତି ବନାଇବେ ଏହି ରେସିପି ଆସନ୍ତା ଜାଣିବା…

ଆବଶ୍ୟକୀୟ ସାମଗ୍ରୀ : ପନିର, ସିଝା ଆଳୁ, ଗୋଲମରିଚ ଗୁଣ୍ଡ, ଧନିଆ କଟା ହୋଇଥିବା, କୁଟୁ ଅଟା କିମ୍ବା ବେସନ, ବାଦାମ, ଲଙ୍କା ପାଉଡର, କଞ୍ଚାଲଙ୍କା, ଖୋୟା, କାଜୁ, କିସମିସ, ଘିଅ ।

ପ୍ରସ୍ତୁତି ପ୍ରଣାଳୀ : ଆଳୁ ପନିର କୋପ୍ତା କରିବା ପାଇଁ ପ୍ରଥମେ ପନିରକୁ କଦୁକସ୍‌ କରି ସେଥିରେ ସିଝା ଆଳୁ ମିଶାଇ ଚକଟି ଦିଅନ୍ତୁ। ତା’ ପରେ ସେଥିରେ ଗୋଲମରିଚ ପାଉଡର, ଲଙ୍କା ପାଉଡର, କଞ୍ଚାଲଙ୍କା, କୁଟୁ ଅଟା ଏବଂ ଖୋୟା ମିଶାଇ ଦିଅନ୍ତୁ। ଏବେ ଏହିସବୁ ଜିନିଷକୁ ଭଲଭାବେ ମିଶାଇବା ପରେ କଟା ଧନିଆକୁ ପକାଇ କୋପ୍ତା ବନାଇ ଦିଅନ୍ତୁ। ଏହାକୁ କୋପ୍ତା ବନାଇବା ବେଳେ ଏହା ମଝିରେ ଖୋୟାକୁ ଦେଇପାରିବେ। ନହେଲେ ଖୋୟାକୁ ଆପଣ ନ ଦେଲେ ବି ଚଳିବ। ଏବେ ଏକ କଢେଇରେ ଘିଅ ଗରମ କରି ସେଥିରେ କୋପ୍ତାକୁ ପକାଇ ଦିଅନ୍ତୁ। ସୁନେଲୀ ରଙ୍ଗର ହେବା ଯାଏଁ ଏହାକୁ ଭାଜନ୍ତୁ। ଏହା ଏବେ କାଢିଦିଅନ୍ତୁ। ଆପଣ ଚାହିଁଲେ ଖାଲି ସେମିତି ନହେଲେ ଗ୍ରେଭିରେ ପକାଇ ରୁଟି କିମ୍ବା ପରଟା ସହିତ ଖାଇପାରିବେ।