ପୁଅ ଭୁଲିଗଲା ମାର ସ୍ନେହ: ମନ ପସନ୍ଦର ତରକାରୀ କଲାନି ବୋଲି ବାଡିରେ ପିଟିବା ସହ ଛାତରୁ ଦେଲା ଧକ୍କା

ନୂଆଦିଲ୍ଲୀ : ପଞ୍ଜାବର ଅନ୍ୟତମ ଶିଳ୍ପ ସହର ଲୁଧିଆନାରୁ ଏକ ଆଶ୍ଚର୍ଯ୍ୟଜନକ ଖବର ଆସିଛି। ଏଠାରେ ଜଣେ ପୁଅ ତାଙ୍କ ମା’ଙ୍କୁ ହତ୍ୟା କରିଥିବା ଅଭିଯୋଗ ହୋଇଛି। ସମ୍ବେଦନଶୀଳ ଘଟଣାକୁ ନେଇ ଆଖପାଖର ଲୋକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି। ହତ୍ୟାକାଣ୍ଡର କାରଣ ମଧ୍ୟ ଅତ୍ୟନ୍ତ ଆଶ୍ଚର୍ଯ୍ୟଜନକ । ମା ଲାଓର ତରକାରୀ କରିଥିଲେ । କିନ୍ତୁ ପୁଅକୁ ତାହା ବିଲକୁଲ୍‌ ପସନ୍ଦ ନଥିଲା । ଯେତେବେଳେ ପୁଅ ଅନ୍ୟ ଏକ ତରକାରୀ ତିଆରି କରିବାକୁ କହିଲା, ମା ମନା କରିଦେଇଥିଲେ। ଅଭିଯୋଗ ହୋଇଛି ଯେ କ୍ରୋଧିତ ପୁଅ ପ୍ରଥମେ ବୃଦ୍ଧ ମା’ଙ୍କୁ ବାଡ଼ିରେ ପିଟିବା ଆରମ୍ଭ କରିଥିଲା। ଏହି ସାଧାରଣ କଥାରେ ପୁଅଟି ତା’ମାଆକୁ ହତ୍ୟା କରି ବସିଛି ।

ଗଣମାଧ୍ୟମ ରିପୋର୍ଟ ଅନୁଯାୟୀ, ମୃତ ଚରଣଜିତ୍ କୌର ସୋମବାର ଦିନ ତରକାରୀ କରିଥିଲେ। ଯାହା ସାନ ପୁଅ ସୁରିନ୍ଦରକୁ ପସନ୍ଦ ଆସିନଥିଲା । ଯେତେବେଳେ ଅଭିଯୁକ୍ତ ମାଆକୁ ଅନ୍ୟ ଏକ ତରକାରୀ ତିଆରି କରିବାକୁ କହିଥିଲା। କିନ୍ତୁ ତାଙ୍କ ମାଆ ଏହା କରିବାକୁ ମନା କରିଦେଇଥିଲେ । ଏଥିପାଇଁ ପୁଅ ସୁରିନ୍ଦର ସିଂ ରାଗିକି ପ୍ରଥମେ ମା’ଙ୍କୁ ବାଡ଼ିରେ ପିଟିବା ଆରମ୍ଭ କରିଥିଲା। ଏହି ସମୟରେ ତାଙ୍କ ପିତା ଉଦ୍ଧାର କରିବାକୁ ଆସିଥିଲେ, ସେତେବେଳେ ସେ ମଧ୍ୟ ତାଙ୍କୁ ପିଟିଥିଲେ। ଏଥିରେ ତାଙ୍କ ମନ ଭରି ନଥିଲା ଯେ ଅଭିଯୁକ୍ତ ଜଣକ ମା’ଙ୍କୁ ପ୍ରଥମ ମହଲାରୁ ଠେଲି ଦେଇଥିଲା। ଘଟଣାସ୍ଥଳରେ ବୃଦ୍ଧ ମହିଳାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା, କିନ୍ତୁ ସେ ବଞ୍ଚିପାରିନଥିଲେ।

ଅଭିଯୁକ୍ତ ସୁରିନ୍ଦରଙ୍କ ସମ୍ପର୍କୀୟମାନେ କହିଥିଲେ ଯେ ସେ ଅତ୍ୟନ୍ତ କ୍ରୋଧିତ। ସୋମବାର ଅପରାହ୍ନରେ ଏହି ଘଟଣା ଘଟିଛି ବୋଲି ଅଭିଯୁକ୍ତଙ୍କ ସମ୍ପର୍କୀୟ କହିଛନ୍ତି। ସେମାନେ କହିଛନ୍ତି ଯେ ଯେତେବେଳେ ସୁରିନ୍ଦରଙ୍କ ବାପା ମହିଳାଙ୍କୁ ଉଦ୍ଧାର କରିବାକୁ ଆସିଥିଲେ, ଅଭିଯୁକ୍ତ ତାଙ୍କୁ ମଧ୍ୟ ମାଡ଼ ମାରିଥିଲେ। ଏଥିରେ ସୁରିନ୍ଦରଙ୍କ ପିତା ଗୁରୁନାମ ସିଂ ମଧ୍ୟ ଆହତ ହୋଇଥିଲେ। କୁହାଯାଏ ଯେ ସୁରିନ୍ଦରଙ୍କର ମଧ୍ୟ ଜଣେ ବଡ଼ ଭାଇ ଅଛନ୍ତି। ଏଥି ସହ ସ୍ଥାନୀୟ ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି।