ପ୍ରତ୍ୟେକ ମହିଳାଙ୍କ ପାଇଁ ମା’ ହେବା ସୌଭାଗ୍ୟର କଥା। ମା’ ହେବା ପରେ ଜୀବନରେ ପରିପୂର୍ଣ୍ଣତା ଆସେ ବୋଲି କୁହାଯାଏ। ମା’ ହେବା ପରେ ଜଣେ ମହିଳାଙ୍କ ଦାୟିତ୍ୱ ଓ କର୍ତ୍ତବ୍ୟ ବଢ଼ିଯାଏ। ଛୁଆ ପ୍ରତି ଅଧିକ ଯତ୍ନବାନ ହେବାକୁ ପଡ଼ିଥାଏ। ତେବେ ନବଜାତର ଯତ୍ନ ନେବା ବେଳେ ବେଳେ ମହିଳାମାନେ ନିଜକୁ ଅଧିକାଂଶ ସମୟ ଅଣଦେଖା କରିଥାନ୍ତି। ନିଜ ପାଇଁ ସେମାନେ ସମୟ କାଢ଼ିପାରନ୍ତି ନାହିଁ। ଏଭଳିସ୍ଥିତିରେ ମହିଳାମାନେ ପ୍ରଥମ ଥର ପାଇଁ ଛୁଆ କାମ କରୁଥିବାରୁ ସେମାନେ ଠିକ୍ ଢଙ୍ଗରେ କରିପାରନ୍ତି ନାହିଁ ଓ ଚିନ୍ତାରେ ରହିଥାନ୍ତି। ତେବେ ଆଜି ଆସନ୍ତୁ ଜାଣିବା ଡେଲିଭରି ପରେ ଛୁଆ ସହ ମା’ ନିଜ କେମିତି ଯତ୍ନ ନେବା ଆବଶ୍ୟକ…
ନବଜାତ ସହ ମା’ ପାଇଁ ମଧ୍ୟ ନିଦ ଜରୁରୀ। ଆପଣ ନିଜେ ରାତିରେ ଠିକ୍ ଭାବେ ଶୋଇ ନପାରିଲେ ଛୁଆର ଯତ୍ନ ନେବା ବେଳେ ସମସ୍ୟା ହୋଇଥାଏ। ଠିକ୍ ଭାବେ ନ ଶୋଇଲେ ଦିନସାରା ଚିଡ୍ଚିଡ଼ା ଲାଗିବା ସହ ଭଲ ଭାବେ କାମ କରିପାରିବେ ନାହିଁ। ଏଭଳି ସ୍ଥିତିରେ ସ୍ୱାମୀଙ୍କ ସହ ମିଶି ଘରର କାମ ସାରିଦିଅନ୍ତୁ ଓ ଟିକେ ରେଷ୍ଟ ନିଅନ୍ତୁ, ଦେଖିବେ କାମ କରିବା ବେଳେ ଫୂର୍ତ୍ତି ଲାଗିବ।
ପ୍ରଥମ ଛୁଆ ଜନ୍ମ ହେବା ପରେ ମା’ ସବୁବେଳେ ଛୁଆ ପଛରେ ହିଁ ଲାଗିଥାନ୍ତି। ଏଭଳିସ୍ଥିତିରେ ସେ ନିଜର ଯତ୍ନ ନେଇପାରନ୍ତି ନାହିଁ। ଫଳରେ ସେ ଦୁର୍ବଳ ହେବା ସହ ଛୋଟ ଛୋଟ କଥାକୁ ଭୁଲିବା ଆରମ୍ଭ କରିଦିଅନ୍ତି। ଏଣୁ ପିଲା ଜନ୍ମ ପରେ ନିଜର ଖାଦ୍ୟପେୟ ଓ ଖାସ୍ କରି ଆରାମ ଉପରେ ଧ୍ୟାନ ଦିଅନ୍ତୁ। ନିଜେ ସୁସ୍ଥ ରହିଲେ ହିଁ ଛୁଆର ଯତ୍ନ ନେଇପାରିବେ।
ପ୍ରଥମ ଥର ପାଇଁ ମା’ ବନୁଥିବା ମହିଳାଙ୍କ ପାଇଁ ଏହି ସମୟ ପରୀକ୍ଷାର ସମୟ କହିଲେ ଚଳେ। ଏକ ନବଜାତକର କେମିତି ଯତ୍ନ ନେବା କଥା ସେ ନେଇ ପୂର୍ବରୁ ଅନୁଭୂତି ନ ଥିବାରୁ ମହିଳାମାନେ ଅଧିକ କନ୍ଫ୍ୟୁଜ୍ ହୋଇଥାନ୍ତି। ଏଭଳିସ୍ଥିତିରେ ଆଦୌ ବ୍ୟସ୍ତ ନ ହୋଇ ଘରର ବଡ଼ମାନଙ୍କ ସାହାଯ୍ୟ ନିଅନ୍ତୁ। ଆପଣ ଚାହିଁଲେ ଘର ଲୋକଙ୍କୁ ଛୁଆର ଦାୟିତ୍ୱ ଦେଇ କିଛି ସମୟ ପାଇଁ ଆରାମ ବି କରିପାରିବେ।
ନବଜାତର ବ୍ୟବହାର ସବୁବେଳେ ପରିବର୍ତ୍ତନ ହୋଇଥାଏ। କେତେବେଳେ ସେ ଠିକ୍ ଥାଏ ତ କେତେବେଳେ ରୋଗରେ ପଡ଼ିଥାଏ। ଏଭଳିସ୍ଥିତିରେ ଛୁଆର କେତେବେଳେ କେମିତି ବ୍ୟବହାର ରହିବ ସେ ନେଇ ପୂର୍ବାନୁମାନ ଲଗାଇବା ମୁସ୍କିଲ ହୋଇଥାଏ। ଏଣୁ ଆପଣଙ୍କୁ ହିଁ ଛୁଆ ସହ ଆଡଜଷ୍ଟ କରିବାକୁ ପଡ଼ିବ। ଛୁଆ ଶୋଇବା ବେଳେ ଶୋଇବା, ସେ ଉଠିବା ବେଳେ ଉଠିବା ଆଦି ଶିଖିବାକୁ ପଡ଼ିବ। ଏଣୁ ବିରକ୍ତ ନ ହୋଇ ସବୁ ଜିନିଷକୁ ସହିବା ଶିଖନ୍ତୁ।
କନ୍ଧମାଳ (କେନ୍ୟୁଜ୍): କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ଇନ୍ଦ୍ରଗଡ ଗ୍ରାମରେ କାଳ ବୈଶାଖୀ ପ୍ରଭାବରେ ପ୍ରବଳ ବର୍ଷା ପବନ…
ବାଲେଶ୍ବର (କେନ୍ୟୁଜ୍): ବାଲେଶ୍ବର ଗୋଷ୍ଠୀ ଉତ୍ତେଜନା ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ । ପରିସ୍ଥିତିକୁ ନିୟନ୍ତ୍ରଣ ପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି…
କଟକ(କେନ୍ୟୁଜ୍): ଦାୟିତ୍ବ ନେବା ପରେ ଆଜି ପ୍ରଥମ ଥର କଟକ ଗସ୍ତ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । କଟକ…
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…
ବାଲେଶ୍ବର(କେନ୍ୟୁଜ୍): ବାଲେଶ୍ବରରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ପରେ ୧୪୪ ଧାରା ଜାରି। କୌଣସି ଏକ କାରଣରୁ ଭୁଜାଖିଆ ପୀର…