ସପ୍ତାହକୁ ଗୋଟିଏ ଦିନ ଛୁଟି ମିଳୁଥିବାରୁ ରବିବାର ଦିନ ସାଧାରଣତଃ କିଛି ସ୍ପେଶାଲ କରି ଖାଇବାକୁ ଇଚ୍ଛା ହୁଏ । ଆମିଷାଶୀ ମାନେ ବାହାରର ହୋଟେଲ ମାନଙ୍କରେ ଏହାର ମଜା ନେଇଥାନ୍ତି । କିନ୍ତୁ ନିରାମିଷାଶୀ ମାନେ ସେତେଟା ଉପଭୋଗ କରିପାରନ୍ତି ନାହିଁ । କିନ୍ତୁ ନିଜ ହାତରେ ଅତି ସହଜ ଉପାୟରେ ସେମାନେ ମଧ୍ୟ ଖାଦ୍ୟ ପ୍ରସ୍ତୁତ କରି ଏହାର ଭରପୁର ମଜା ନେଇପାରିବେ । ତେବେ ଆସନ୍ତୁ ଜାଣିନେବା ଏକ ସ୍ୱାଦିଷ୍ଟ ଭେଜ ଆଇଟମ ବିଷୟରେ । ଯାହାର ନାଁ ରହିଛି “ମଲାଇଦାର ସବନମ କରୀ” । ଯାହାକୁ ଖାଇବା ମାତ୍ରେ ଆପଣ ଆଙ୍ଗୁଳି ନ ଚାଟି ରହି ପାରିବେ ନାହିଁ ।
ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ:
୧. କଞ୍ଚା ମଟର – ୨୦୦ ଗ୍ରାମ
୨. ତାଜା ଛତୁ – ୨୦୦ ଗ୍ରାମ
୩. ପିଆଜ – ୧୫୦ ଗ୍ରାମ
୪. ଟମାଟୋ- ୧୦୦ ଗ୍ରାମ
୫. ରସୁଣ – ୨୦ ଗ୍ରାମ
୬. ଖୁଆ -୫୦ ଗ୍ରାମ
୭. ରିଫାଇନ ତେଲ – ୧୦୦ ମିଲି ଗ୍ରାମ
୭. ତେଜ ପତ୍ର- ୪ ରୁ ୫ ଟି
୮. ଲବଙ୍ଗ
୯. ହଳଦୀ ଗୁଣ୍ଡ
୧୦. ଗୁଣ୍ଡ ଗରମ ମସଲା
୧୧. ଲଙ୍କା ଗୁଣ୍ଡ
୧୨. ଧନିଆ ପତ୍ର
ପ୍ରସ୍ତୁତି ପ୍ରଣାଳୀ:
ପ୍ରଥମେ ଛତୁକୁ ମଧ୍ୟମ ଆକାରରେ କାଟି ଦିଅନ୍ତୁ । ପୂର୍ବରୁ ପିଆଜ, ରସୁଣ କୁ ଖଣ୍ଡ ଖଣ୍ଡ କରି କାଟି ପାଣି ସହ କିଛି ସମୟ ସିଝାଇ ଏକ ପେଷ୍ଟ ବନାଇ ଦିଅନ୍ତୁ । ଖୁଆକୁ କୋରି ଦିଅନ୍ତୁ । ଏବେ ଏକ କଡେଇରେ ତେଲ ଗରମ କରନ୍ତୁ ଓ ଛତୁକୁ ହାଲକା ଆଞ୍ଚରେ ୨ ରୁ ୩ ମିନିଟ ଫ୍ରାଏ କରାଇ ଦିଅନ୍ତୁ । ଏବେ କଡେଇରେ ବଳି ଯାଇଥିବା ତେଲରେ ଲବଙ୍ଗ, ତେଜ ପତ୍ର ଅଧା ମିନିଟ ପାଇଁ ପକେଇ ପୂର୍ବରୁ ଥିବା ପିଆଜ ପେଷ୍ଟକୁ ଦେଇ ହାଲକା ଆଞ୍ଚରେ ଛାଡି ଦିଅନ୍ତୁ । କିଛି ସମୟ ପରେ ଗୁଣ୍ଡ ମସଲା ଗୁଡିକୁ ପକାଇ ୫ ମିନିଟ ପାଇଁ ଛାଡି ଦିଅନ୍ତୁ । ଏବେ ସେଥିରେ ୨ କପ ପାଣି, ମଟର, ଛତୁ, ଖୁଆ, ଲୁଣ ଦେଇ ଛାଡି ଦିଅନ୍ତୁ । ତେଲ ଯେବେ ବାହାରକୁ ବାହାରିବ ଆରମ୍ଭ ହେଲେ ଆପଣ ଜାଣିଯିବେ ଯେ ଆପଣଙ୍କ ତରକାରୀ ପ୍ରସ୍ତୁତ ହୋଇଗଲା । ଏବେ ସେଥିରେ କଟା ଯାଇଥିବା ଧନିଆ ପତ୍ର ପକାଇ ଗରମ ଗରମ ଭାତ କିମ୍ବା ରୁଟି ସହ ପରସନ୍ତୁ ।
ଆଳି : ହୁତୁ ହୁତୁ ହୋଇ ଜଳିଗଲା ୪ବଖରା ଘର । କେନ୍ଦ୍ରାପଡା ଜିଲ୍ଲା ଆଳି ଥାନା ଅନ୍ତର୍ଗତ ବଡ଼ମାନପୁର…
ପ୍ରତିଦିନ ସୋସିଆଲ ମିଡିଆରେ ମଜାଳିଆ ଭିଡିଓ ଦେଖିବାକୁ ମିଳିଥାଏ । ସେଠାରେ ଅନେକ ଭିଡିଓ ଅଛି, ଯାହାକୁ ଆପଣ ଯେତେଥର…
ସ୍ମାର୍ଟଫୋନ୍ ବଜାରରେ ପ୍ରତିଦିନ ନୂଆ ସ୍ମାର୍ଟଫୋନ୍ ଲଞ୍ଚ କରାଯାଏ । ଏହି ଧାରା ଜୁନ୍ ମାସରେ ମଧ୍ୟ ଜାରି ରହିଛି…
ର୍ୟାପର ବାଦଶାହ ସାରା ବିଶ୍ୱରେ ଅନେକ ନାମ ଅର୍ଜନ କରିଛନ୍ତି । କେବଳ ଏତିକି ନୁହେଁ, ସେ ମ୍ୟୁଜିକ୍ ଇଣ୍ଡଷ୍ଟ୍ରୀରେ…
କଂଗ୍ରେସ ନେତା ରାହୁଲ ଗାନ୍ଧି ଇଭିଏମ୍କୁ ନେଇ ପ୍ରଶ୍ନ ଉଠାଇଛନ୍ତି । ଏହା ଭାରତର ଏକ ବ୍ଲାକ୍ ବକ୍ସ ବୋଲି…
ତାଳଚେର : କବାଟ ତାଡ଼ି ସୁନା ଲୁଟିନେଲେ ଦୁର୍ବୃତ୍ତ । ତାଳଚେର ବାଘମରାଠାରେ ହୋଇଛି ଏହି ଚୋରି । ଘରେ…