photo: ctpost.com
ସକାଳେ ଏବଂ ସନ୍ଧ୍ୟାରେ ଚାଲିବା ଦ୍ୱାରା ଆମ ଶରୀରକୁ ବହୁତ ଫାଇଦା ମିଳିଥାଏ। ଡାକ୍ତର ଏବଂ ବିଶେଷଜ୍ଞମାନେ ମଧ୍ୟ ଅନେକ ସମୟରେ ଏହି ପରାମର୍ଶ ଦେଇ ଥାଆନ୍ତି। କିନ୍ତୁ କ’ଣ ଆପଣ ପଛୁଆ ବା ଓଲଟା ଚାଲିବା ବିଷୟରେ କେବେ ଭାବିଛନ୍ତି କି? କିଛି ଲୋକ ମଜାଳିଆ ଢଙ୍ଗରେ ପଛୁଆ ଚାଲି ଥାଆନ୍ତି ବା ରିଭର୍ସ ଓ୍ଵାକିଙ୍ଗ୍ କରି ଥାଆନ୍ତି। କିନ୍ତୁ ଆପଣ ଏହି ଉପାୟରେ ଆପଣଙ୍କ ଶରୀରକୁ ମଧ୍ୟ ଲାଭ ପହଞ୍ଚାଇ ପାରିବେ। ବିଶେଷଜ୍ଞ କୁହନ୍ତି, ଓଲଟା ଚାଲିବା ଆମ ହାର୍ଟ, ମସ୍ତିଷ୍କ ଏବଂ ମେଟାବୋଲିଜିମ୍ ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ। ଏହା ସାଧାରଣ ଚାଲି ତୁଳନାରେ ବହୁତ ଜଲ୍ଦି କ୍ୟାଲୋରୀ ହ୍ରାସ କରିଥାଏ।
ତେବେ ଜଣେ ପ୍ରସିଦ୍ଧ ଲେଖକ ତଥା ସ୍ୱାସ୍ଥ୍ୟ ବିଶେଷଜ୍ଞ ଲୋରୀ ଶେମେକଙ୍କ ଅନୁସାରେ, ୧୦୦ ପାଦ ଓଲଟା ଚାଲିବା ନର୍ମାଲ ଓ୍ଵାକିଙ୍ଗ୍ର ୧୦୦୦ ପାଦ ବରାବର ହୋଇଥାଏ। ତାଙ୍କ କହିବା ହେଲା, ଓଲଟା ଚାଲିବା ଦ୍ୱାରା ମଣିଷର ହାର୍ଟ ଜୋର୍ରେ ସ୍ପନ୍ଦନ ହୋଇଥାଏ, ଯଦ୍ଦ୍ଵାରା ଶରୀରର ଅନ୍ୟାନ୍ୟ ଅଙ୍ଗକୁ ରକ୍ତ ଏବଂ ଅମ୍ଳଜାନ ଶୀଘ୍ର ସପ୍ଲାଇ ହୋଇଥାଏ।
-ମାଂସପେଶୀ ପାଇଁ ଲାଭଦାୟକ: ଓଲଟା ଚାଲିବା ଦ୍ୱାରା ଆମର କାଫ୍ ମାଂସପେଶୀ, କ୍ୱାଡ୍ରିସେପ୍ସ, ଗ୍ଲୁଟୁସ୍ ଉପରେ ଭଲ ପ୍ରଭାବ ପଡିଥାଏ ଏବଂ ଏହା ମସ୍ତିଷ୍କକୁ ଭିନ୍ନ ଭାବରେ ସଞ୍ଚାଳନ କରିବାରେ ସାହାଯ୍ୟ କରିଥାଏ।
-ଷ୍ଟ୍ରୋକ ରୋଗୀମାନେ ନିଶ୍ଚୟ ଚେଷ୍ଟା କରନ୍ତୁ: University of Cincinnati Gardner Neuroscience Instituteର ଜଣେ ବିଶେଷଜ୍ଞ କହିଛନ୍ତି, ଓଲଟା ଚାଲିବାର ଅଭ୍ୟାସ ଷ୍ଟ୍ରୋକ୍ ରୋଗୀଙ୍କୁ ପୁଣିଥରେ ଚାଲିବା ଶିଖାଇ ପାରେ।
-ହାର୍ଟ ପାଇଁ ଭଲ ହୋଇଥାଏ ରିଭର୍ସ ଓ୍ଵାକିଙ୍ଗ୍: ରିଭର୍ସ ଓ୍ଵାକିଙ୍ଗ୍ ଦ୍ୱାରା ଶରୀରର ଅଙ୍ଗଗୁଡ଼ିକର ସନ୍ତୁଳନରେ ସୁଧାର ଆସିଥାଏ। ତଳ ଅଙ୍ଗର ପ୍ରୋପ୍ରିଓସେପ୍ସନ ଏବଂ ଚାଲିରେ ସମଗୁରୁତ୍ୱ ବଜାୟ ରହିଥାଏ। ରିଭର୍ସ ଓ୍ଵାକିଙ୍ଗ୍ ହୃଦୟ ସ୍ୱାସ୍ଥ୍ୟ ପାଇଁ ମଧ୍ୟ ଭଲ ବୋଲି କୁହାଯାଇଛି। ଏହାଦ୍ୱାରା ଆଣ୍ଠୁରେ ଆର୍ଥ୍ରାଇଟିସର ଲକ୍ଷଣରୁ ମୁକ୍ତି ମିଳିପାରେ।
-ମେଟାବୋଲିଜିମ୍ ବୁଷ୍ଟ ହୋଇଥାଏ: ଓଲଟା ଚାଲିବା ଦ୍ୱାରା ଜୋର୍ରେ ହୃଦ୍ ସ୍ପନ୍ଦନ ହୋଇଥାଏ। ଏହାଦ୍ୱାରା ମେଟାବୋଲିଜିମ୍ ବୁଷ୍ଟ ହେବା ସହିତ ଆପଣ କମ୍ ସମୟ ମଧ୍ୟରେ ଅଧିକ କ୍ୟାଲୋରୀ ହ୍ରାସ କରେଇ ନିଅନ୍ତି। ଏହା ଶରୀରର ବାଲାନ୍ସ ପାଇଁ ମଧ୍ୟ ଏକ ଭଲ ବ୍ୟାୟାମ ହୋଇଥାଏ।
-ଆଖିର ଉଜ୍ଜ୍ୱଳତା ବଜାୟ ରହିବ: ଓଲଟା ଚାଲି ଆମ ଶରୀରର ସାମଗ୍ରିକ ସ୍ୱାସ୍ଥ୍ୟ ପାଇଁ ବହୁତ ଲାଭଦାୟକ ହୋଇଥାଏ। ଏହାଦ୍ୱାରା ଆଖିର ଉଜ୍ଜ୍ୱଳତା ଭଲ ରହିଥାଏ।
ନୂଆପଡ଼ା(କେନ୍ୟୁଜ): ଭୟଙ୍କର ସଡ଼କ ଦୁର୍ଘଟଣାରେ ଗଲା ୪ ଜୀବନ । ଦୁଇ ଜଣ ଗୁରୁତର ହୋଇ ଡାକ୍ତରଖାନରେ ଚିକିତ୍ସିତ ହେଉଛନ୍ତି…
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…