ମେରୁଦଣ୍ଡ ହାଡ଼ ବା ସ୍ପାଇନାଲ୍ କର୍ଡ ମୁଖ୍ୟତଃ ମସ୍ତିଷ୍କରୁ ଆସୁଥିବା ସୂଚନାକୁ ଶରୀରର ବିଭିନ୍ନ ଅଙ୍ଗପ୍ରତ୍ୟଙ୍ଗ ପର୍ଯ୍ୟନ୍ତ ପହଞ୍ଚାଇଥାଏ। କୌଣସି କାରଣରୁ ସ୍ପାଇନାଲ୍ କର୍ଡ ବାଧାପ୍ରାପ୍ତ ହେଲେ ଏହା ପୂରା ଶରୀର ଲାଗି ଘାତକ ସାବ୍ୟସ୍ତ ହୋଇଥାଏ। ଫଳରେ ମସ୍ତିଷ୍କରୁ ଶରୀରର ବିଭିନ୍ନ ଅଙ୍ଗକୁ ଯୋଗାଯୋଗ ବିଚ୍ଛିନ୍ନ ହୋଇଯାଏ। ଏଥିଯୋଗୁ ପକ୍ଷାଘାତ ହେବାର ଆଶଙ୍କା ଅଧିକ ସୃଷ୍ଟି ହୋଇଥାଏ।
ଯଦି କୌଣସି ଦୁର୍ଘଟଣାରେ ଆପଣଙ୍କ ସ୍ପାଇନାଲ୍ କର୍ଡରେ ଆଘାତ ଲାଗୁଛି, ତେବେ ଜାଣିବାକୁ ଚେଷ୍ଟା କରନ୍ତୁ ସ୍ପାଇନାଲ୍ କର୍ଡର କେଉଁ ସ୍ଥାନରେ ଆଘାତ ଲାଗିଛି। ଉଦାହରଣ ସ୍ୱରୂପ ସ୍ପାଇନାଲ୍ କର୍ଡର ତଳ ଭାଗରେ ଆଘାତ ଲାଗିଲେ ରୋଗୀଙ୍କୁ ପାରାଲାଇଜଡ୍ ହେବାର ଆଶଙ୍କା ରହିଥାଏ। ଯଦି ଆପଣଙ୍କ ବେକରେ ଆଘାତ ଲାଗେ, ତେବେ ରୋଗୀର ହାତ ଓ ପାଦ ପାରାଲାଇଜଡ୍ ହେବାର ଆଶଙ୍କା ରହିଛି। ଅଧିକ ଆଘାତ ଲାଗିଲେ ଏହା ଗମ୍ଭୀର ସମସ୍ୟା ଆଡକୁ ଗତି କରିଥାଏ।
ସ୍ପାଇନାଲ୍ କର୍ଡରେ ଥିବା ଶିରା ପ୍ରଶିରା ପାଇପ୍ ପରି ହୋଇଥାଏ। ଏହି ପାଇପ୍ ସଙ୍କୁଚିତ ହେଲେ ଶିରା ଉପରେ ଚାପ ପଡ଼ିଥାଏ। ସେହି ସମୟରେ ଏହିସବୁ ଲକ୍ଷଣ ଦେଖା ଦେଇଥାଏ।
-ପାଦରେ ପୋଡ଼ାଜଳା ହେବା।
-ପାଦ ଝିମ୍ ଝିମ୍ ଲାଗିବା।
-ପିଠି, ବେକ ଓ ଅଣ୍ଟାରେ ପବନ ରହି ଯନ୍ତ୍ରଣା ହେବା।
-ଲେଖିବା, ଡ୍ରେସ୍ ବଟମ୍ ଦେବା ଓ ଖାଇବା ସମୟରେ ସମସ୍ୟା ହେବା।
-ଚାଲିବାରେ କଷ୍ଟ ଅନୁଭବ କରିବା।
-କୌଣସି ଜିନିଷ ଉଠାଇବା ସମୟରେ ସମସ୍ୟା ହେବା।
ପ୍ରଥମେ ପ୍ରଥମେ ଏହିସବୁ ଲକ୍ଷଣ ଦେଖା ଦେଲେ ବସିବା ପରେ ରୋଗୀକୁ ଆରାମ ମିଳିଥାଏ। କିନ୍ତୁ ପରେ ଏହି ଲକ୍ଷଣ ଗମ୍ଭୀର ରୂପ ଧାରଣ କରିଥାଏ। ଏପରିକି ଏହା ରୋଗୀକୁ ଶଯ୍ୟାଶାୟୀ ମଧ୍ୟ କରି ଦେଇଥାଏ।
ସ୍ପାଇନାଲ୍ କର୍ଡରେ ଆଘାତ ଲାଗିଲେ ତୁରନ୍ତ ଡାକ୍ତରଙ୍କ ପରାମର୍ଶ ଅନୁଯାୟୀ ଏହାର ଚିକିତ୍ସା ଆରମ୍ଭ କରନ୍ତୁ। ଯଦି ବେକରେ ଆଘାତ ଲାଗିଛି, ତେବେ ପ୍ଲାଷ୍ଟର କିମ୍ୱା ଅନେକ ସମୟରେ ସର୍ଜରୀର ଆବଶ୍ୟକତା ମଧ୍ୟ ପଡ଼ିଥାଏ। ଆଘାତ କମ୍ ଲାଗିଥିଲେ, ଏଥିପାଇଁ କିଛି ସାଧାରଣ ଉପଚାର ଆପଣ ଘରେ ଆରାମରେ କରିପାରିବେ।
-ନିୟମିତ ବ୍ୟାୟାମ କରନ୍ତୁ।
-ଯଦି ଅଧିକ ସମୟ ଗାଡ଼ି ଚଳାଉଛନ୍ତି, ତେବେ ପିଠିକୁ ଆରାମ ଦେବା ପାଇଁ ତକିଆର ବ୍ୟବହାର କରନ୍ତୁ।
-କମ୍ପ୍ୟୁଟରରେ ଅଧିକ ସମୟ ବସି କାମ କରୁଥିବା ବ୍ୟକ୍ତି ମନିଟରକୁ ସିଧା ରଖନ୍ତୁ।
-ଚୌକିରେ ପିଠିକୁ ସିଧା କରି ବସନ୍ତୁ ଏବଂ କିଛି ସମୟ ଅନ୍ତରାଳରେ ଚଲାବୁଲା କରନ୍ତୁ।
-ଯଦି ଯନ୍ତ୍ରଣା ଅଧିକ ହେଉଛି, ତେବେ ଡାକ୍ତରଙ୍କ ସହିତ ପରାମର୍ଶ କରନ୍ତୁ।
-ଏଥିପାଇଁ ଆପଣ ଫିଜିଓଥେରାପି ମଧ୍ୟ କରିପାରିବେ।
କେନ୍ୟୁଜ (ବ୍ୟୁରୋ) : ସୁନା କିଣିବାକୁ ଚାହୁଁଥିଲେ ପ୍ରଥମେ ଜାଣନ୍ତୁ ଦାମ୍ । ଆଜି ଭାରତୀୟ ବଜାରରେ ୨୪ କ୍ୟାରେଟ ସୁନା…
ସମ୍ବଲପୁର(କେନ୍ୟୁଜ): ନିର୍ବାଚନ ଜିତିବା ପରେ ପ୍ରଥମ ଥର ପାଇଁ ସମ୍ବଲପୁର ଗସ୍ତ କରିଛନ୍ତି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ମା…
ଭୁବନେଶ୍ୱର (କେନ୍ୟୁଜ): ଆଗକୁ ବଢୁଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଆସନ୍ତା ୩ରୁ ୪ଦିନ ମଧ୍ୟରେ କିଛି ଅଞ୍ଚଳକୁ…
ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ପାଣି ପାଇଁ ହାହାକାର । ଅଧିକାଂଶ ସ୍ଥାନରେ ଜଳ ସଂକଟର ବିକଳ ଚିତ୍ର । ପାଇପରେ…
କେନ୍ୟୁଜ: ଗାଁ ଦାଣ୍ଡରେ ରଜର ମହମହ ବାସ୍ନା । ଆଜି ଶେଷ ରଜ । ୩ ଦିନିଆ ରଜ ଉତ୍ସବର…
ମେଷ: ଲାଭ ବଢ଼ିବ ଏବଂ ଆୟରେ ବୃଦ୍ଧି ଘଟିବ । କୌଣସି ନୂଆ ଆଇଡିଆ ଆପଣଙ୍କୁ ଆଗକୁ ନେବାରେ ସହାୟକ…