ଜାଣନ୍ତୁ ଟାଇପ୍ ୪ ଡାଇବେଟିସ୍ କ’ଣ ? କିପରି ପାଇବେ ଏଥିରୁ ରକ୍ଷା

ବର୍ତ୍ତମାନ ଓଜନ ବଢିବା ଏବଂ ଖରାପ ଲାଇଫ୍‌ ଷ୍ଟାଇଲ୍‌ ଯୋଗୁଁ ଲୋକଙ୍କ ମଧ୍ୟରେ ଡାଇବେଟିସ୍‌ ଦ୍ରୁତ ଗତିରେ ବଢିବାକୁ ଲାଗିଛି । ଆଜିକାଲି ବୃଦ୍ଧମାନଙ୍କ ବ୍ୟତୀତ ଛୋଟ ପିଲାମାନେ ମଧ୍ୟ ଡାଇବେଟିସ୍‌ ଭଳି ସମସ୍ୟାର ସମ୍ମୁଖୀନ ହେଉଛନ୍ତି । ଯେତେବେଳେ ଶରୀରରେ ସୁଗାର ଲେବଲ ବଢିଯାଏ, ଏହା ଶରୀରର ସମସ୍ତ ଅଙ୍ଗ ଉପରେ ଖରାପ ପ୍ରଭାବ ପକାଇଥାଏ । ତେବେ ଡାଇବେଟିସ୍‌ ହେବା ଦ୍ୱାରା ହାର୍ଟ, କିଡନୀ ଏବଂ ମାନସିକ ସମସ୍ୟା ହେବାର ଆଶଙ୍କା ବଢିଥାଏ । ଏହା ସହ ଅନେକ ପ୍ରକାରର ଡାଇବେଟିସ୍‌ ଅଛି, ଯେଉଁଥିରୁ ଟାଇପ୍ – ୧ ଏବଂ ଟାଇପ୍-୨ ଡାଇବେଟିସ୍‌ ରୋଗୀଙ୍କ ସଂଖ୍ୟା ଅଧିକ । ଯଦି ପରିବାରର କାହାର ଡାଇବେଟିସ୍‌ ଥାଏ, ତେବେ ବିପଦ ଆହୁରି ବଢିଯାଏ । ଏଥି ସହିତ, ଖରାପ ଲାଇଫ୍‌ ଷ୍ଟାଇଲ୍‌ ଲୋକଙ୍କୁ ଟାଇପ୍-୨ ଡାଇବେଟିସ୍‌ର ଶିକାର କରୁଛି । କିନ୍ତୁ ବୟସ ବଢିବା ସହିତ ଶରୀରରେ ଟାଇପ୍ ୩ ଏବଂ ଟାଇପ୍ ୪ ଡାଇବେଟିସ୍ ହେବାର ଆଶଙ୍କା ମଧ୍ୟ ବଢିଥାଏ । ତେବେ ଟାଇପ୍ ୪ ଡାଇବେଟିସ୍ କ’ଣ ଏବଂ ଏହାର ଲକ୍ଷଣଗୁଡ଼ିକ କ’ଣ ? ଆସନ୍ତୁ ଏହି ବିଷୟରେ ବିଶେଷ ଭାବେ ଜାଣିବା ।

ଟାଇପ୍ 4 ଡାଇବେଟିସ୍ କ’ଣ?
ସୂଚନା ଅନୁଯାୟୀ, ବୃଦ୍ଧ ଲୋକମାନଙ୍କ ମଧ୍ୟରେ ଟାଇପ୍ ୪ ଡାଇବେଟିସ୍ ହେବାର ଆଶଙ୍କା ଅଧିକ ଥାଏ । ଅଧିକାଂଶ କ୍ଷେତ୍ରରେ, ୬୦ ବର୍ଷ ବୟସ ପରେ ଶରୀରରେ ଇନସୁଲିନ୍ ପ୍ରତିରୋଧ କାରଣରୁ ଡାଇବେଟିସ୍‌ ଭଳି ରୋଗର ଆଶଙ୍କା ବଢିଯାଏ । ଏହା ବ୍ୟତୀତ ପତଳା ଏବଂ ବୟସ୍କ ବ୍ୟକ୍ତିମାନଙ୍କର ଟାଇପ୍ ୪ ଡାଇବେଟିସ୍ ହେବାର ଆଶଙ୍କା ମଧ୍ୟ ରହିଥାଏ । ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ବୟସ ବଢିବା ସହ ଟାଇପ୍ ୪ ଡାଇବେଟିସ୍ ହେବାର ଆଶଙ୍କା ଅଧିକ ରହିଥାଏ । ତେବେ ଏହାକୁ ମୁଖ୍ୟ କାରଣ ବୋଲି ବିବେଚନା କରାଯାଏ ।

ଟାଇପ୍ ୪ ଡାଇବେଟିସ୍ ର ଲକ୍ଷଣ :
ଡାଇବେଟିସ୍‌ର ଲକ୍ଷଣ ସାଧାରଣତ ଦେଖାଯାଏ । ଟାଇପ୍ ୪ ଡାଇବେଟିସ୍ ର ଲକ୍ଷଣ ଅନ୍ୟ ଡାଇବେଟିସ୍‌ ସହିତ ସମାନ ହୋଇଥାଏ । କେବଳ ପାର୍ଥକ୍ୟ ହେଉଛି ଏହି ଡାଇବେଟିସ୍‌ କମ୍ ଓଜନ ବିଶିଷ୍ଟ ଲୋକଙ୍କଠାରେ ଦେଖାଯାଏ ।

ଶରୀରର ଥକ୍କା :
ଟାଇପ୍ ୪ ଡାଇବେଟିସ୍‌ରେ ବହୁତ ଭୋକିଲା ଏବଂ ଶୋଷିଲା ଅନୁଭବ ହୋଇଥାଏ । ଖରାପ ଦୃଷ୍ଟି ଶକ୍ତି ହୋଇଯାଏ । କ୍ଷତ ଭଲରେ ବିଳମ୍ବ ହୋଇଥାଏ । ବାରମ୍ବାର ପରିସ୍ରା ଲାଗିଥାଏ । ଦ୍ରୁତ ଗତିରେ ଓଜନ କମ୍‌ ହୋଇଥାଏ ।

ଟାଇପ୍ 4 ଡାଇବେଟିସ୍ ପାଇଁ ଚିକିତ୍ସା କ’ଣ ?
ବର୍ତ୍ତମାନ ଅନେକ ପ୍ରକାରର ଗବେଷଣା କରାଯାଉଛି । ତେବେ ଟାଇପ୍ 4 ଡାଇବେଟିସ୍ ପାଇଁ କୌଣସି ସଠିକ୍ ଚିକିତ୍ସା ମିଳିନାହିଁ । ଅନୁସନ୍ଧାନକାରୀଙ୍କ ଅନୁଯାୟୀ, ଆଣ୍ଟିବଡି ଔଷଧ ଶୀଘ୍ର ପ୍ରସ୍ତୁତ ହେବ, ଯାହା ଶରୀରରେ ନିୟାମକଟି କୋଷିକା କମ୍‌ କରିବାରେ ସାହାଯ୍ୟ କରିବ । ଏହା ଟାଇପ୍ ୪ ଡାଇବେଟିସ୍ ହେବାର ଆଶଙ୍କା କମ୍‌ କରିବାରେ ସାହାଯ୍ୟ କରିବ ।