photo: healthline.com
ବୟସ ବଢ଼ିବା ସହିତ ଶରୀର ଏବଂ ତ୍ୱଚାରେ ପରିବର୍ତ୍ତନ ସ୍ୱାଭାବିକ କଥା। କିନ୍ତୁ ସମୟ ପୂର୍ବରୁ ଯଦି ଆପଣଙ୍କଠାରେ ବୟସର ଛାପ ଯେପରି, ଚର୍ମ କୁଞ୍ଚନ, ଫାଇନ ଲାଇନ ଏବଂ କଳା ଦାଗ ଦେଖିବାକୁ ମିଳୁଛି, ତ ଏହାର କାରଣ ଆପଣଙ୍କ ବୟସ ନୁହେଁ, ବରଂ ଲାଇଫ୍ଷ୍ଟାଇଲରେ ପରିବର୍ତ୍ତନ। ସମୟ ପୂର୍ବରୁ ବୁଢ଼ା ହେବା ବା ଅକାଳ ବୃଦ୍ଧାବସ୍ଥା କିମ୍ବା ପ୍ରିମାଚ୍ୟୋର ଏଜିଙ୍ଗ୍ ଏବେ ସାଧାରଣ ସମସ୍ୟା ପାଲଟି ଗଲାଣି। ଏହି କାରଣରୁ ଚେହେରାରେ କୁଞ୍ଚନ, ବହୁତ ଜଲ୍ଦି ଥକ୍କାପଣ, ଓଜନ ଉଠାଇବାରେ ଅସୁବିଧା ହେବା, କେଶ ଝଡ଼ିବା, ସମୟ ପୂର୍ବରୁ କେଶ ପାଚିଯିବା ଆଦି ସମସ୍ୟା ଦେଖା ଦେଇଥାଏ। ଆଜି ଆମେ ଆପଣଙ୍କୁ ସେହି କାରଣଗୁଡ଼ିକ ବିଷୟରେ କହିବୁ, ଯାହା ଆପଣଙ୍କୁ ବୟସ ପୂର୍ବରୁ ବୁଢ଼ା କରି ଦେଇଥାଏ।
ଅଧିକ ଚାପ ନେବା/ ଅଧିକ ଚିନ୍ତା କରିବା: ଚାପର ପ୍ରଭାବ ନା କେବଳ ଆପଣଙ୍କ ଚର୍ମ ଉପରେ ପଡ଼ିଥାଏ, ବରଂ ପୂରା ଶରୀର ଉପରେ ଏହାର ପ୍ରଭାବ ଦେଖିବାକୁ ମିଳିଥାଏ। ପ୍ରିମାଚ୍ୟୋର ଏଜିଙ୍ଗ୍ର ଏହା ହିଁ ବଡ଼ କାରଣ ହୋଇଥାଏ। ଚାପ ଏବଂ ଚିନ୍ତା ଯୋଗୁ ଆପଣ ସମୟ ପୂର୍ବରୁ ହିଁ ବୁଢ଼ା ଦେଖା ଯିବାକୁ ଲାଗି ଥାଆନ୍ତି।
ସୂର୍ଯ୍ୟକିରଣ: ସୂର୍ଯ୍ୟଙ୍କ ଅତି ବାଇଗଣୀ ରଶ୍ମି (UV) ସଂସ୍ପର୍ଶରେ ଆସିଲେ ଚର୍ମ ନଷ୍ଟ ହୋଇଯାଏ। ସୂର୍ଯ୍ୟକିରଣ ଯୋଗୁ ତ୍ୱଚାରେ କଳା ଦାଗ ଏବଂ ଫାଇନ ଲାଇନ ଦେଖା ଯାଇଥାଏ। ଏଥିପାଇଁ ଘରୁ ବାହାରକୁ ବାହାରିବା ସମୟରେ ଚର୍ମରୋଗ ବିଶେଷଜ୍ଞମାନେ ସନସ୍କ୍ରିନ୍ ଲଗାଇବାକୁ ପରାମର୍ଶ ଦେଇ ଥାଆନ୍ତି।
ମଦ୍ୟପାନ ଏବଂ ଧୂମପାନ: ଯେତେବେଳେ ଆପଣ କ୍ରମାଗତ ଭାବରେ ମଦ ପିଇବେ କି ସ୍ମୋକିଂ କରିବେ, ତ ଏହାର ସିଧା ପ୍ରଭାବ ଆପଣଙ୍କ ଚର୍ମ ଉପରେ ଦେଖିବାକୁ ମିଳିବ। ଏଭଳି ବଦଭ୍ୟାସ ଦ୍ୱାରା ତ୍ୱଚା ଫୁଲିଯିବା ଏବଂ କୁଣ୍ଡେଇ ହେବା ଭଳି ସମସ୍ୟା ଦେଖା ଦେଇଥାଏ।
ଅଧିକ ଚିନି ଖାଇଲେ: ଯଦି ଆପଣ ଅଧିକ ମିଠା ଖାଇବାକୁ ପସନ୍ଦ କରୁଛନ୍ତି, ତ ଆପଣଙ୍କ ଚର୍ମ ଶୀଘ୍ର ବୁଢ଼ା ହୋଇଯିବ। ଚିନିର ମାତ୍ରାଧିକ ସେବନ ବୟସକୁ ବଢ଼ାଇବାରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେଇଥାଏ।
ପ୍ରଦୂଷଣ: ପ୍ରଦୂଷଣ ଯୋଗୁ ଚର୍ମର ପ୍ରାକୃତିକ ଚମକ ନଷ୍ଟ ହୋଇ ଯାଇଥାଏ। ଚର୍ମ ଶୁଷ୍କ ହୋଇଯାଏ ଏବଂ ଜଲ୍ଦି ହିଁ ଚେହେରାରେ ଫାଇନ ଲାଇନ୍ସ ଦେଖା ଯିବାକୁ ଲାଗିଥାଏ।
ରୋଗ: ରୋଗ ଯୋଗୁ ମଧ୍ୟ ଆପଣ ବୁଢ଼ା ଦେଖା ଯିବାକୁ ଲାଗନ୍ତି। ଚେହେରାର ଚମକ ନଷ୍ଟ ହୋଇଯାଏ।
ବ୍ୟାୟାମର ଅଭାବ: ଯଦି ଆପଣ କୌଣସି ଶାରୀରିକ ବ୍ୟାୟାମ କରୁ ନାହାନ୍ତି, ତା’ ହେଲେ ସମୟ ପୂର୍ବରୁ ବୁଢ଼ା ଦେଖା ଯିବାକୁ ଲାଗିବେ। ଶାରୀରିକ ରୂପେ ସକ୍ରିୟ ରହିବା ଦ୍ୱାରା ଆପଣଙ୍କ ଶରୀର ଏବଂ ତ୍ୱଚା ଯୁବା ଭଳି ରହିଥାଏ। ଆପଣ ବୁଢ଼ା ଦେଖା ଯାଆନ୍ତି ନାହିଁ। ବୟସ ବଢ଼ିବା ସତ୍ତ୍ୱେ ଆପଣ ଯୁବା ଦେଖା ଯାଆନ୍ତି ଏବଂ ତ୍ୱଚାରେ ଚମକ ଆସିଥାଏ।
ଜଙ୍କ୍ ଫୁଡ୍: ଜଙ୍କ୍ ଫୁଡ୍ ଏବଂ ପ୍ରକ୍ରିୟାକୃତ ଖାଦ୍ୟ ରୋଗ ଡାକି ଆଣିଥାଏ। ଏହା କେବଳ ରୋଗ ସୃଷ୍ଟି କରେ ନାହିଁ, ବରଂ ଆପଣଙ୍କ ଶରୀରକୁ ବୁଢ଼ା କରି ଦେଇଥାଏ, ଯଦ୍ଦ୍ଵାରା ବୟସର ଛାପ ଜଲ୍ଦି ହିଁ ଆପଣଙ୍କଠାରେ ଦେଖିବାକୁ ମିଳିଥାଏ।
ପର୍ଯ୍ୟାପ୍ତ ନିଦ ନ ନେବା: ପ୍ରତିଦିନ ଅତି କମରେ ୬ରୁ ୮ ଘଣ୍ଟା ଶୋଇବା ଦରକାର। ନିଦର ଅଭାବ ଦେଖା ଦେଲେ ଏହାର ସିଧା ପ୍ରଭାବ ଆପଣଙ୍କ ତ୍ୱଚା ଉପରେ ଦେଖିବାକୁ ମିଳିଥାଏ। ଆଉ ଏଥିରେ ଆପଣ ବୃଦ୍ଧ ପରି ଦେଖା ଯାଆନ୍ତି।
ତ୍ୱଚାର ଯତ୍ନ ନ ନେବା: ଆପଣଙ୍କୁ ତ୍ୱଚାର ଯତ୍ନ ନେବା ବହୁତ ଜରୁରୀ। ଯଦି ଆପଣ ଏମିତି କରୁ ନାହାନ୍ତି, ତା’ ହେଲେ ଏହା ଆପଣଙ୍କୁ ସମୟ ପୂର୍ବରୁ ବୁଢ଼ା କରିଦେଇ ପାରେ।
ଏୟାର ଇଣ୍ଡିଆର ଏକ ବିମାନରେ ପରସା ଯାଇଛି ଅଧାରନ୍ଧା ଖାଦ୍ୟ । ଏଭଳି ଅଭିଯୋଗ ଆଣିଛନ୍ତି ବିମାନରେ ଯାତ୍ରା କରୁଥିବା…
ଟି୨୦ ବିଶ୍ୱକପ ୨୦୨୪ରେ ସୁପର-୮ ଟିମ୍ ଘୋଷଣା ହୋଇସାରିଛି । ଭାରତ ବିପକ୍ଷରେ ସୁପର ୮ରେ ଅଷ୍ଟ୍ରେଲିଆ, ବାଂଲାଦେଶ ଏବଂ…
ଭୁବନେଶ୍ୱର : ଶ୍ରୀମନ୍ଦିର ଦର୍ଶନ ବ୍ୟବସ୍ଥାକୁ ଶୃଙ୍ଖଳିତ କରିବା ନେଇ ଆଜି ସମୀକ୍ଷା କରିବେ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ…
ପଶ୍ଚିମବଙ୍ଗ ଦାର୍ଜିଲିଂରେ ହୋଇଥିବା ଟ୍ରେନ ଦୁର୍ଘଟଣାରେ ଦୁଃଖ ପ୍ରକାଶ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି…
ଆମେରିକାରେ ଫାଦର୍ସ ଡେ ରେ ଆୟୋଜିତ ହେଇଥିବା କାର୍ଯ୍ୟକ୍ରମରେ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଏହି ଘଟଣାରେ ବିମାନରେ ଥିବା…
ପୋଲସରା(କେନ୍ୟୁଜ): ଅସହ୍ୟ ଗରମରେ ଭକ୍ତମାନେ ଛୁଟି ଆସିଛନ୍ତି ମନ୍ଦିର । ମା’ଙ୍କ ଅପୂର୍ବ ଆଳତି ଦର୍ଶନ କରିବାର ସୌଭାଗ୍ୟ ନେଇଛନ୍ତି…