ନୂଆଦିଲ୍ଲୀ : ଜନ୍ମଦିନ ପାଲଟିଲା ମରଣ ଦିନ। ଜନ୍ମଦିନର କେକ୍ ଖାଇ ମୃତ୍ୟୁ ଘଟିଛି ଜଣେ ୧୦ ବର୍ଷର ନାବାଳିକାର । ଯିଏ କେଇ ଘଣ୍ଟା ପୂର୍ବରୁ ହସି ଖେଳି ଜନ୍ମଦିନ ମନାଉଥିଲା ସିଏ ଶୋଇ ଗଲା ଜୁଇରେ । ଘରଲୋକ ଅନଲାଇନରେ କେକ୍ ମଗାଇଥିଲେ । ଜନ୍ମଦିନ ପାଳନ ବେଳେ ଝିଅଟି କେକ୍ କାଟିଥିଲା । ପରେ ସେହି କେକ୍ ଖାଇ ଅଚାନକ ଅସୁସ୍ଥ ହୋଇପଡ଼ିଥିଲା । ଏଥିରେ ତାର ମୃତ୍ୟୁ ହୋଇଥିବା ପରିବାର ଲୋକ ଅଭିଯୋଗ କରିଛନ୍ତି । ଘଟଣା ଘଟିଛି ପଞ୍ଜାବ ପାତିଆଲାରେ । ମୃତ ନାବାଳିକାର ନାଁ ମାନବୀ ।
ତାଙ୍କ ପରିବାର ଲୋକଙ୍କ ସୂଚନା ଅନୁଯାୟୀ ଶୁକ୍ରବାର ମାନବୀର ଜନ୍ମଦିନ ଥିଲା । ଜନ୍ମ ଉତ୍ସବ ପାଳନ ପାଇଁ ସେମାନେ କେକ୍ ଅର୍ଡର କରିଥିଲେ । ଏହି କେକକୁ ମାନବୀ ଓ ତାର ସାନ ଭଉଣୀ ଖାଇଥିଲେ । ତେବେ ରାତି ୩ଟା ବେଳକୁ ଉଭୟଙ୍କର ଭୀଷଣ ବାନ୍ତି ହୋଇଥିଲା । ପରିବାର ଅନ୍ୟ ସମସ୍ତେ ମଧ୍ୟ ଅସୁସ୍ଥତା ଅନୁଭବ କରିଥିଲେ । ତେବେ ଘର ଲୋକେ ତୁରନ୍ତ ମାନବୀ ଓ ତା ଭଉଣୀଙ୍କୁ ଡାକ୍ତରଖାନା ନେଇଥିଲେ । ସେଠାରେ ଡାକ୍ତର ମାନବୀକୁ ମୃତ ଘୋଷଣା କରିଥିଲେ । ସାନଭଉଣୀ ଅବସ୍ଥା ସ୍ଥିର ରହିଛି । ସେପଟେ ଥାନାରେ ଅଭିଯୋଗ ପରେ ପୋଲିସ୍ ଘଟଣାର ତଦନ୍ତ କରୁଛି । ମାନବୀଙ୍କ ପରିବାର ଲୋକେ ଯେଉଁଠାରୁ କେକ୍ ମଗାଇଥିଲେ ସେଠାରେ ପୋଲିସ୍ ପଚରା ଉଚରା କରିଛି । ତେବେ ସେମାନେ ଏହି କେକ୍ ପଠାଇନଥିବା କହିଛନ୍ତି । ଏବେ ରହସ୍ୟ ବଢ଼ିଛି କି କେକଟି ଆସିଲା କୁଆଡୁ ?
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…