photo: lokmatnews
ୟୁକ୍ରେନ୍ ଉପରେ ଭୟଙ୍କର ବଦ୍ଲା। କ୍ରିମିଆରେ ୱାରସିପକୁ ଧ୍ୱଂସ କରିବାର ପ୍ରତିଶୋଧ ନେଇଛି ରୁଷ୍। ୟୁକ୍ରେନର ଚାରିଆଡ଼େ ବିକ୍ଷିପ୍ତ ଏୟାରଷ୍ଟ୍ରାଇକ୍ କରିଛି। ବର୍ଷିଛି ମିସାଇଲ୍ ଓ ରକେଟ୍। ଡ୍ରୋନରୁ ଆଖିବୁଜା ହମ୍ଲା କରିଛି ରୁଷ୍। ୟୁକ୍ରେନର ବିଭିନ୍ନ ସହରରେ ୧୫୮ଟି ଡ୍ରୋନ୍ ଓ ମିସାଇଲ୍ ମାଡ଼ କରିଛି। ଏଥିରେ ବର୍ତ୍ତମାନ ସୁଦ୍ଧା ୧୨ ଜଣଙ୍କର ମୃତ୍ୟୁ ହୋଇଥିବା ବେଳେ ଶତାଧିକ ଆହତ ହୋଇଛନ୍ତି। ଆଗକୁ ମୃତ୍ୟୁ ସଂଖ୍ୟା ଆହୁରି ବଢ଼ିପାରେ।
ପଶ୍ଚିମ ୟୁକ୍ରେନରେ ରାଜଧାନୀ କିଭ୍ ସମେତ ଲିଭ୍, ଦକ୍ଷିଣରେ ଓଡେଶା ଓ ଜାପୋରଝିଆ ଏବଂ ପୂର୍ବ ୟୁକ୍ରେନରେ ଖାରକିଭ୍ ଓ ନିପ୍ରୋରେ ଘନଘନ ଏୟାରଷ୍ଟ୍ରାଇକ୍ ହୋଇଛି। ୫୫ଟି କ୍ରୁଜ୍ ମିସାଇଲ୍, ୧୪ଟି ବାଲିଷ୍ଟିକ୍ ମିସାଇଲ୍ ଏବଂ ୧୪ଟି ଏରୋବାଲିଷ୍ଟିକ୍ ମିସାଇଲ୍ ସମେତ ଏକାଧିକ ଆଣ୍ଟି ରାଡାର ମିସାଇଲ୍ ବର୍ଷା କରିଛି ପୁଟିନ୍ ସେନା। ୟୁକ୍ରେନ୍ ଉପରେ ଏହା ସବୁଠୁ ବଡ଼ ମିଲିଟାରୀ ଆଟାକ୍ ବୋଲି କୁହାଯାଉଛି।
ୟୁକ୍ରେନ୍ ସେନା କହିଛି, ଏକାସଙ୍ଗେ ଏକାଧିକ ସ୍ଥାନକୁ ଟାର୍ଗେଟ୍ କରି ଆକ୍ରମଣ କରାଯିବା କେବେ ଦେଖି ନାହାନ୍ତି। ବିଭିନ୍ନ ଶିକ୍ଷାନୁଷ୍ଠାନ, ସପିଂ ମଲ୍, ବହୁତଳ ବିଲ୍ଡିଂ, ପାର୍କିଂ ସ୍ଥାନ, ବ୍ୟବସାୟିକ ଗୋଦାମ ଆଦି ସ୍ଥାନକୁ ଟାର୍ଗେଟ୍ କରି ଆକ୍ରମଣ କରିଛି ରୁଷ୍ ସେନା। ସବୁ ପ୍ରକାର ଅସ୍ତ୍ରଶସ୍ତ୍ର ବ୍ୟବହାର କରିଛି।
ସେପଟେ ୧୫୮ରୁ ୧୧୪ଟି ଡ୍ରୋନ୍ ଓ ମିସାଇଲକୁ ମାରି ଖସାଇଥିବା ଦାବି କରିଛି ୟୁକ୍ରେନ୍। ନିକଟରେ ଅଧିକୃତ କ୍ରିମିଆରେ ରୁଷର ୱାରସିପକୁ ଧ୍ୱଂସ କରିଥିଲା ଜେଲେନ୍ସ୍କି ବାହିନୀ, ଯାହାର ଭୟଙ୍କର ପ୍ରତିଶୋଧ ନେଇଛନ୍ତି ପୁଟିନ୍।
କଟକ(କେନ୍ୟୁଜ୍): ରଥଯାତ୍ରା ପାଇଁ ଚଳଚଞ୍ଚଳ ଶ୍ରୀକ୍ଷେତ୍ର । ସବୁଠି ଶଂଙ୍ଖ ଘଣ୍ଟ ହୁଳୁହୁଳି ଶଦ୍ଦରେ ପୂରି ଉଠୁଛି ପୂରା ପରିବେଶ…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଜୁନ୍ ୨୩ ରେ ଜହିର ଇକବାଲଙ୍କ…
ଗତ କିଛି ଦିନ ହେବ ଲଗାତାର ଭାବେ ଖାଦ୍ୟରୁ ମୂଷା, ଅସରପା, ବେଙ୍ଗ, ବ୍ଲେଡ୍ ଆଦି ବାହାରିବା ନେଇ ସୋସିଆଲ…
ସାଂସଦ ଅମରାରାମ ଦିଲ୍ଲୀ ରାଜସ୍ଥାନ ହାଉସରୁ ସଂସଦ ପାଇଁ ଟ୍ରାକ୍ଟରରେ ଯାତ୍ରା କରିଛନ୍ତି । ନିଜର ଦେଶୀ ରାଜସ୍ଥାନ ଅନ୍ଦାଜରେ…
ସୁବର୍ଣ୍ଣପୁର : ସାପ କାମୁଡାରେ ସାପ ଧରାଳୀର ମୃତ୍ୟୁ । ସୁବର୍ଣ୍ଣପୁର ଜିଲ୍ଲା ବୀରମହାରାଜପୁରରେ ଆଜି ଘଟିଯାଇଛି ଏଭଳି ଏକ…
ଦେଶର ଦ୍ୱିତୀୟ ବୃହତ୍ତମ ଟେଲିକମ୍ କମ୍ପାନୀ ଏୟାରଟେଲ୍ ଏହାର ଉନ୍ନତ କନେକ୍ଟିଭିଟି ପାଇଁ ବେସ ଜଣାଶୁଣା । ଦେଶର ଦୂରବର୍ତ୍ତୀ…