photo: Daily Bangladesh
ପଶ୍ଚିମ ମେସ୍କିକୋର ମିଚୋଆକନ ରାଜ୍ୟରେ କୁକୁଡ଼ା ଲଢ଼େଇ ବେଳେ ୧୯ ଜଣଙ୍କୁ ହତ୍ୟା କରାଯାଇଛି। ହଠାତ୍ ଘଟିଥିବା ଏହି ହତ୍ୟା ଘଟଣାରେ ପୂରା ସହରରେ ଆତଙ୍କ ଖେଳି ଯାଇଛି। ସୂଚନା ଅନୁସାରେ, ଏଠି କୁକୁଡ଼ା ଲଢ଼େଇର ଏକ ବେଆଇନ ପ୍ରତିଯୋଗିତା ଚାଲିଥିଲା। ଏହି ସମୟରେ କିଛି ବନ୍ଧୁକଧାରୀ ଦୁର୍ବୃତ୍ତ ସେଠାରେ ଉପସ୍ଥିତ ଲୋକଙ୍କ ଉପରକୁ ହଠାତ୍ ଗୁଳି ଚଳାଇଥିଲେ। ଏଥିରେ ୧୬ ପୁରୁଷ ଓ ୩ ମହିଳାଙ୍କ ମୃତ୍ୟୁ ଘଟିଛି। ଘଟଣାର ପ୍ରକୃତ କାରଣ ଏ ପର୍ଯ୍ୟନ୍ତ ସ୍ପଷ୍ଟ ହୋଇ ନ ଥିବା ବେଳେ ଅନୁମାନ କରାଯାଉଛି ଯେ ରବିବାର ରାତିରେ ଗ୍ୟାଙ୍ଗ୍ଓ୍ଵାର ଯୋଗୁ ଏହି ଘଟଣା ଘଟିଛି।
ସୂଚନା ମୁତାବକ, ଏହି ଅଞ୍ଚଳରେ କିଛି ଆପରାଧିକ ଗ୍ୟାଙ୍ଗ୍ ସକ୍ରିୟ ଅଛନ୍ତି, ଯେଉଁମାନେ ଗତ କିଛି ଦିନ ହେବ ପରସ୍ପର ଉପରେ ଆକ୍ରମଣ କରୁଛନ୍ତି। ବିଗତ କିଛି ମାସ ଭିତରେ ମେସ୍କିକୋରେ ଏମିତି ଘଟଣା ବଢ଼ି ଯାଇଛି। ବନ୍ଧୁକଧାରୀ ଦୁର୍ବୃତ୍ତ ପାର୍କ, ବାର୍ ଏବଂ କ୍ଲବ୍ରେ ଆକ୍ରମଣ କରି ପ୍ରତିଶୋଧ ନେଉଛନ୍ତି। ଏହି ଗ୍ୟାଙ୍ଗ୍ଓ୍ଵାରରେ କିଛି ନିରୀହ ଜନତାଙ୍କର ବି ପ୍ରାଣ ଯାଉଛି।
ମିଚୋଆକନର ଲୋକ ସୁରକ୍ଷା ଅଧିକାରୀଙ୍କ ମୁତାବକ, ହିଂସାରେ ସାମିଲ ଅଭିଯୁକ୍ତଙ୍କୁ ଗିରଫ କରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ ଜାରି ରହିଛି। ମିଚୋଆକନ ଓ ଏହାର ପଡ଼ୋଶୀ ଗୁଆନାଜୁଆତୋ ମେସ୍କିକୋର ଦୁଇ ସବୁଠୁ ହିଂସକ ରାଜ୍ୟ। ଏଠାରେ ନିଶାଦ୍ରବ୍ୟ ଓ ନିଶା ଔଷଧର ଚୋରା ଚାଲାଣ ସାଙ୍ଗକୁ ଚୋରା ତେଲ (ଇନ୍ଧନ) ବିକ୍ରି ଭଳି ଅନେକ ବେଆଇନ କାର୍ଯ୍ୟ ହୋଇଥାଏ। ଏଥିରେ ସାମିଲ ଅପରାଧୀଙ୍କ ମଧ୍ୟରେ ସବୁବେଳେ ଗ୍ୟାଙ୍ଗ୍ଓ୍ଵାର ଲାଗି ରହିଥାଏ।
ସୂଚନାଥାଉ କି, ଗତ ମାସରେ ବି ଏହି ରାଜ୍ୟରେ ଏକ ଫାୟାରିଂ ଘଟଣା ଘଟିଥିଲା। ଏଥିରେ ୧୭ ଜଣଙ୍କ ମୃତ୍ୟୁ ଘଟିଥିଲା।
ସୁବର୍ଣ୍ଣପୁର(କେନ୍ୟୁଜ୍) : ପୁଣି ସାମ୍ନାକୁ ଆସିଲା ପିଲାଚୋରି ଅଭିଯୋଗ । ପୂର୍ବରୁ ଏପରି ଘଟଣା ଅନେକ ଥର ଆମ ସାମ୍ନାକୁ…
କୋଲକାତା (କେନ୍ୟୁଜ) : ପୁଣ୍ୟତୋୟା ଗଙ୍ଗା ଘାଟଗୁଡ଼ିକ ଧର୍ମ ସଂସ୍କୃତି ଓ ଆସ୍ଥାର ପ୍ରମୁଖ ସ୍ଥଳୀ ଭାବରେ ପରିଚିତି ଲାଭ…
ତାଳଚେର (କେନ୍ୟୁଜ) : ଯଦି ଆପଣ କେବେ ନିଜ ଘର ତାଲା ପକାଇ ବନ୍ଧୁ ଘର କିମ୍ବା ସମ୍ପର୍କୀୟଙ୍କ ଘରକୁ…
ଭୁବନେଶ୍ୱର(କେନ୍ୟୁଜ୍): କ୍ରୀଡ଼ା ଓ ଯୁବସେବା ମାନ୍ୟବର ମନ୍ତ୍ରୀ ଶ୍ରୀ ସୂର୍ଯ୍ୟବଂଶୀ ସୁରଜ ଆଜି କଳିଙ୍ଗ ଷ୍ଟାଡିୟମ ଗସ୍ତ କରି ରାଜ୍ୟର…
ନୂଆପଡା (କେନ୍ୟୁଜ) : ଭୋଜି ଖାଇ ସାଙ୍ଗ ହୋଇ ଫେରୁଥିଲେ ଏହି ୪ ଜଣ ସାଙ୍ଗ । ଏମାନେ ୪…
ଭୁବନେଶ୍ୱର(କେନ୍ୟୁଜ୍): ଜୁନ୍ ୧୭ ତାରିଖରେ ଭାରତ ସମେତ ବିଶ୍ୱର ୨୦୦ଟି ଦେଶର ୨୫ହଜାର ସ୍ଥାନରେ ୧୧ଶ ଅନ୍ତର୍ଜାତୀୟ ‘ଆର୍ଟ ଅଫ୍…