ଦିଲ୍ଲୀରେ ଶୁକ୍ରବାର ସନ୍ଧ୍ୟାରେ ପ୍ରବଳ ଧୂଳିଝଡ଼ ସହ ବର୍ଷା ଦେଖିବାକୁ ମିଳିଥିଲା । ଏହି କାରଣରୁ ଦିଲ୍ଲୀ-ଏନ୍ସିଆର୍ର ଅନେକ ଅଞ୍ଚଳରେ ଗଛ ଉପୁଡ଼ି ପଡିଥିଲା । ପ୍ରବଳ ବେଗରେ ପବନ ବହିବା ଯୋଗୁ ଗଛ ପଡ଼ି ୨ ଜଣଙ୍କ ମୃତ୍ୟୁ ହୋଇଥିବା ବେଳେ ପୃଥକ୍ ଦୁର୍ଘଟଣାରେ ୨୩ ଜଣ ଆହତ ହୋଇଥିବା ସୂଚନା ରହିଛି ।
ଧୂଳିଝଡ଼ ବେଳେ ଗଛ ଉପୁଡ଼ି ପଡ଼ିବା ନେଇ ଦିଲ୍ଲୀ ପୋଲିସକୁ ୧୫୨ଟି କଲ୍ ଆସିଥିଲା । ଏହିପରି ବିଲ୍ଡିଂ କ୍ଷୟକ୍ଷତିର ୫୫ଟି କଲ୍ ଏବଂ ବିଦ୍ୟୁତ୍ କାଟ୍ର ୨୦୨ଟି କଲ୍ ପୋଲିସ ନିକଟକୁ ଆସିଥିଲା । ଶୁକ୍ରବାର ରାତିରେ ଦିଲ୍ଲୀ ଏବଂ ଏହାର ଆଖପାଖ ଅଞ୍ଚଳରେ ଧୂଳିଝଡ଼ ପରେ ପାଣିପାଗର ପରିବର୍ତ୍ତନ ଅନୁଭୂତ ହୋଇଥିଲା ।
ଏହି ଝଡ଼ତୋଫାନ କାରଣରୁ ଅନେକ ବିଲ୍ଡିଂ କ୍ଷତିଗ୍ରସ୍ତ ହୋଇଛି, ଯାହା ସଂସ୍ପର୍ଶରେ ଆସି ୧୭ ଜଣ ଆହତ ହୋଇଥିବା ବେଳେ ଗଛ ପଡ଼ି ୬ ଜଣ ଆହତ ହୋଇଥିବା ଖବର ରହିଛି । ଏହି ସମୟରେ ଦିଲ୍ଲୀ ପୋଲିସ ନିୟନ୍ତ୍ରଣ କକ୍ଷରେ ମୋଟ ୪୦୯ଟି କଲ୍ ରେକର୍ଡ କରାଯାଇଛି । ଏଥି ସହିତ ଦିଲ୍ଲୀ-ଏନ୍ସିଆରରେ ଗଛ ପଡ଼ିବା ହେତୁ ଅନେକ ଅଞ୍ଚଳରେ ଯାତାୟାତ ପ୍ରଭାବିତ ହୋଇଥିଲା । ରାଜଧାନୀର କିଛି ଅଞ୍ଚଳରେ ମଧ୍ୟ ଗଛ ପଡ଼ି ବିଲ୍ଡିଂ ଏବଂ କାର୍ଗୁଡ଼ିକ କ୍ଷତିଗ୍ରସ୍ତ ହୋଇଛି । କେବଳ ଏତିକି ନୁହେଁ, ପୃଥକ୍ ଦୁର୍ଘଟଣାରେ ୨ ଜଣ ପ୍ରାଣ ହରାଇଥିବା ବେଳେ ୨୩ ଜଣ ଆହତ ହୋଇଛନ୍ତି । ଆହତ ରୋଗୀମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।
ସୂଚନାଥାଉ କି, ଦିଲ୍ଲୀ ପାଣିପାଗରେ ହଠାତ୍ ପରିବର୍ତ୍ତନ ହେତୁ ବିମାନବନ୍ଦରରେ ଏୟାର ଇଣ୍ଡିଆର ୯ଟି ବିମାନକୁ ଡାଏଭର୍ଟ କରି ଦିଆଯାଇଛି । ଆଜି ମଧ୍ୟ ଦିଲ୍ଲୀରେ ଧୂଳିଝଡ଼ ଏବଂ ବଜ୍ରପାତ ସହ ହାଲୁକା ବର୍ଷା ହେବାର ସମ୍ଭାବନା ରହିଛି । ପାଣିପାଗ ବିଭାଗ ଅନୁଯାୟୀ, ଦିଲ୍ଲୀ-ଏନ୍ସିଆରର ପାଣିପାଗ ମେ’ ୧୩ ପର୍ଯ୍ୟନ୍ତ ଏହିପରି ଜାରି ରହିବ । ଏହାପରେ ପାଗରେ ପରିବର୍ତ୍ତନ ସହିତ ଉତ୍ତାପ ବୃଦ୍ଧି ହେବାର ସମ୍ଭାବନା ରହିଛି ।
ଆଳି(କେନ୍ୟୁଜ): ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଦିନ ମଜୁରିଆଙ୍କ ମୃତ୍ୟୁ ଘଟିଛି । କ୍ଷତି ପୂରଣ ଦାବିରେ କଟକ-ଚାନ୍ଦବାଲି…
ନରସିଂହପୁର : କଟକ ଜିଲ୍ଲା ବଡ଼ମ୍ବା ,ନରସିଂହପୁରରେ ବିଭିନ୍ନ ସମୟ ରେ ବିପଦରେ ଗଜରାଜ ଦେଖିବାକୁ ମିଳିଛି । କେତେବେଳେ…
ଜମ୍ମୁ ଅଞ୍ଚଳରେ ନିକଟରେ ହୋଇଥିବା ଆତଙ୍କବାଦ ଘଟଣା ଏବଂ ଅମରନାଥ ଯାତ୍ରାର ସୁରକ୍ଷାକୁ ନେଇ ଆଜି ଗୃହ ମନ୍ତ୍ରଣାଳୟରେ ବସୁଛି…
ଆଜି ୟୁପିଏସସି ସିଭିଲ ସର୍ଭିସ ପ୍ରିଲିମ ପରୀକ୍ଷା । ଦୁଇଟି ସିଟଂରେ ପରୀକ୍ଷା ହେବ। ପ୍ରଥମ ସିଟିଂ ପରୀକ୍ଷା ଆରମ୍ଭ…
ପୁରୀ(କେନ୍ୟୁଜ): ଶ୍ରୀମନ୍ଦିରରେ ଅଣନିଶ୍ୱାସୀ । ପାଟଅଗଣାରେ ଶ୍ରଦ୍ଧାଳୁଙ୍କ ଅସମ୍ଭାଳ ଭିଡ଼ । ତେବେ ଭିଡ଼ ଭିତରେ କିଛି ଶ୍ରଦ୍ଧାଳୁଙ୍କୁ ମେଡିକାଲରେ…
ମୋହନା(କେନ୍ୟୁଜ): ସମ୍ପର୍କୀୟ ଶଳାକୁ ଗୁଳି କରି ହତ୍ୟା କଲା ଭିଣୋଇ । ଏଭଳି ଅଭାବନୀୟ ଘଟଣା ଘଟିଛି ଗଜପତି ଜିଲ୍ଲା ମୋହନା…