ଜଙ୍ଗଲୀ ଜନ୍ତୁଙ୍କୁ ଉଦ୍ଧାର କରି ବନ ବିଭାଗ ବଣରେ ଛାଡ଼ିବା ତ ଏକ ସାଧାରଣ କଥା। କିନ୍ତୁ ଗୁଜରାଟର ବନ ବିଭାଗ କର୍ମଚାରୀ ଅଜଗରର ଅଣ୍ଡାକୁ ଉଦ୍ଧାର କରି ଛୁଆ ଫୁଟିବା ପରେ ସେମାନଙ୍କୁ ନେଇ ଜଙ୍ଗଲରେ ଛାଡ଼ିଥିବା ଦେଖାଯାଇଛି। ବନ ବିଭାଗର ଏଭଳି ମହାନ୍ କାମ ପାଇଁ ତାଙ୍କୁ ବିଭିନ୍ନ ଆଡ଼ୁ ପ୍ରଶଂସା କରାଯାଉଥିବା ଜଣାଯାଇଛି।
ରିପୋର୍ଟ ମୁତାବକ ଗୁଜରାଟର ନବସାରୀ ଜିଲ୍ଲାର ଅମ୍ଭେଟା ଗାଁର ଜଣେ କୃଷକ ଜମିରେ ପଡ଼ିଥିବା ଏକ ପାଇପ ଭିତରକୁ ଅଜଗର ଯାଉଥିବା ଦେଖିବାକୁ ପାଇଥିଲେ। ସନ୍ଦେହ ହେବାରୁ ସେ ଏ ନେଇ ବନ ବିଭାଗକୁ ଖବର ଦେଇଥିଲେ। ପରେ ଟିମ୍ ପହଞ୍ଚି ଦେଖିବା ବେଳକୁ ପାଇପ୍ ଭିତରେ ମା’ ଅଜଗର ସମେତ ଅଣ୍ଡା ଥିବା ଦେଖିବାକୁ ପାଇଥିଲା। ମା’ ଅଜଗର ଥିବାରୁ ବନ ବିଭାଗ ସେମାନଙ୍କୁ ସେଠାରୁ ହଟାଇବାକୁ ଉଚିତ ଭାବିନଥିଲା। ପୂରା ଟିମ୍ ସେହି ପାଇପ୍ ଉପରେ ଦିନ ରାତି ନଜର ରଖିଥିଲେ।
ପ୍ରାୟ ୭୦ ଦିନ ପରେ ସାପଟି ପାଇପରୁ ବାହାରକୁ ବାହାରି ଆସିଥିଲା। ପରେ ଟିମ୍ ଭିତରକୁ ଯାଇ ଦେଖିବା ବେଳକୁ ସେଠାରେ ୨୮ଟି ଅଜଗର ଛୁଆ ଫୁଟିଥିଲେ। ସମସ୍ତ ଛୁଆ ସୁସ୍ଥ ଥିଲେ। ପ୍ରାଥମିକ ଯାଞ୍ଚ ପରେ ବନ ବିଭାଗ ସମସ୍ତ ଛୁଆଙ୍କୁ ନେଇ ଜଙ୍ଗଲରେ ଛାଡ଼ି ଦେଇ ଆସିଛନ୍ତି।
ଭୁବନେଶ୍ୱର (କେନ୍ୟୁଜ): ଆଗାମୀ ୩ ରୁ ୪ ଦିନ ମଧ୍ୟରେ ଓଡ଼ିଶାର ସବୁ ଜିଲ୍ଲାକୁ ଛୁଇଁବ ମୌସୁମୀ । ସୁନ୍ଦରଗଡ଼…
ଭୁବନେଶ୍ୱରରେ ଆଜି ପେଟ୍ରୋଲ ଦର ୧୦୦ ଟଙ୍କା ୯୨ ପଇସା ରହିଥିବା ବେଳେ ଡିଜେଲ ଦାମ୍ ପ୍ରତି ଲିଟର ପିଛା…
ଟି-ଟ୍ବେଣ୍ଟି ବିଶ୍ବକପ୍ ରେ ବାଂଲାଦେଶକୁ ହରାଇ ସୁପର-୮ରେ ଭାରତର କ୍ରମାଗତ ବିଜୟ । ବାଂଲାଦେଶକୁ ୫୦ ରନରେ ପରାସ୍ତ କରି…
ଆଜି ସ୍ଥିର ରହିଛି ସୁନା-ରୂପା ଦର । ଯଦି ଆପଣ ବିବାହ ସିଜିନରେ ଶସ୍ତାରେ ସୁନା କିଣିବାକୁ ଚାହାଁନ୍ତି ତେବେ…
ବାରିପଦା (କେନ୍ୟୁଜ): ବାରିପଦା ଘରୋଇ ବସଷ୍ଟାଣ୍ଡରେ ହଣାକଟା ଘଟଣାରେ ପୋଲିସର ଆକ୍ସନ । ଦୁଇଟି ପୃଥକ ପୃଥକ ମାମଲା ରୁଜୁ…
ବାଲେଶ୍ବର (କେନ୍ୟୁଜ): ବାଲେଶ୍ବରରେ ସ୍ବାଭାବିକ ହେଉଛି ସ୍ଥିତି । ପୌରପାଳିକାର ବିଭିନ୍ନ ଅଞ୍ଚଳରେ କୋହଳ ହେଉଛି କର୍ଫ୍ୟୁ । ଆଜି…