ରାଜସ୍ଥାନ: ମହିଳାଙ୍କ ଉପରେ ଅତ୍ୟାଚାର ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଏଭଳି ଏକ ଅମାନୁଷିକ ମାମଲା ଦେଖିବାକୁ ମିଳିଛି ରାଜସ୍ଥାନର ନାଗୋର ଜିଲ୍ଲାରେ। ଏଠାରେ ଜଣେ ମହିଳାଙ୍କୁ ଗଣଦୁଷ୍କର୍ମ କରିବା ବେଳେ ସେ ବିରୋଧ କରିବାରୁ ରାକ୍ଷସମାନେ ତାଙ୍କ ପ୍ରାଇଭେଟ୍ ପାର୍ଟରେ ବୋତଲ ଭର୍ତ୍ତି କରିଦେଇଛନ୍ତି।
ରିପୋର୍ଟ ମୁତାବକ, ମହିଳା ଜଣକ ନିଜ ବିଲରେ ଥିବା ଚାଳିଆକୁ ଯାଇଥିଲେ। ସେହି ସମୟରେ ତିନି ଜଣ ଦୁର୍ବୃତ୍ତ ତାଙ୍କୁ ଏକୁଟିଆ ପାଇ ଦୁର୍ବ୍ୟବହାର କରିଥିଲେ। ମହିଳା ଜଣକ ଏହାକୁ ବିରୋଧ କରିବାରୁ ସେମାନେ ଆହୁରି ଭୟଙ୍କର ହୋଇଯାଇଥିଲେ। ମହିଳା ଯେତେ ନେହୁରା ହୋଇଥିଲେ ବି ସେମାନେ କିଛି ଶୁଣିନଥିଲେ। ମହିଳାଙ୍କ ଉପରେ ଅକଥନୀୟ ଅତ୍ୟାଚାର କରିସାରିବା ପରେ ବି ସେମାନଙ୍କ ପାଶବିକତା କମିନଥିଲା। ପରେ ସେମାନେ ମହିଳାଙ୍କ ଗୁପ୍ତାଙ୍ଗ ଭିତରେ କାଚ ବୋତଲ ପୂରାଇ ଦେଇଥିଲେ। ବାହାରେ କାହାକୁ ଏହି ଘଟଣା ବାବଦରେ କହିଲେ ଜୀବନରୁ ମାରିଦେବାକୁ ଧମକ ଦେଇ ୩ ରାକ୍ଷସ ଘଟଣାସ୍ଥଳରୁ ଫେରାର ହୋଇଯାଇଥିଲେ।
ଏହି ଘଟଣା ଜାନୁଆରୀ ୧୯ର ହୋଇଥିଲେ ମଧ୍ୟ ଡର ଓ ଲୋକ ଳଜ୍ଜା କାରଣରୁ ମହିଳା ଏକଥା କାହାକୁ କହିନଥିଲେ। ମାତ୍ର ଅଧିକ ଦିନ ସେ ଏହି କଥାକୁ ଲୁଚାଇପାରିନଥିଲେ। ଘର ଲୋକଙ୍କ ଆଗରେ ଏହି କଥା କହିବା ପରେ ପରିବାର ଲୋକେ ପୋଲିସରେ ମାମଳା ରୁଜୁ କରିଛନ୍ତି। ରବିବାର ଦିନ ମାମଲା ରୁଜୁ କରାଯାଇଛି। ମାତ୍ର ପୋଲିସ ଏବେ ଯାଏଁ କାହାରିକୁ ଗିରଫ କରିବାରେ ସମର୍ଥ ହୋଇନାହିଁ।
ଏତଲାରେ ଗାଁର କାନାରାମ ଜାଟ୍, ପାଞ୍ଚୁ ରାମ ଓ ଆଉ ଜଣଙ୍କ ବିରୋଧରେ ମାମଲା ରୁଜୁ କରାଯାଇଛି। ପୋଲିସ କହିଛି ଯେ ତିନି ଜଣ ଯାକ ଅଭିଯୁକ୍ତ ଫେରାର ଅଛନ୍ତି। ମାତ୍ର ପୋଲିସ ଖୁବ୍ଶୀଘ୍ର ସେମାନଙ୍କୁ ଧରିବାକୁ ଚେଷ୍ଟା କରୁଛି। ଅନ୍ୟପଟେ ମହିଳାଙ୍କୁ ଡାକ୍ତରୀମାଇନା ପାଇଁ ପଠାଯାଇଥିବା ପୋଲିସ କହିଛି।
ଜମ୍ମୁ ଅଞ୍ଚଳରେ ନିକଟରେ ହୋଇଥିବା ଆତଙ୍କବାଦ ଘଟଣା ଏବଂ ଅମରନାଥ ଯାତ୍ରାର ସୁରକ୍ଷାକୁ ନେଇ ଆଜି ଗୃହ ମନ୍ତ୍ରଣାଳୟରେ ବସୁଛି…
ଆଜି ୟୁପିଏସସି ସିଭିଲ ସର୍ଭିସ ପ୍ରିଲିମ ପରୀକ୍ଷା । ଦୁଇଟି ସିଟଂରେ ପରୀକ୍ଷା ହେବ। ପ୍ରଥମ ସିଟିଂ ପରୀକ୍ଷା ଆରମ୍ଭ…
ପୁରୀ(କେନ୍ୟୁଜ): ଶ୍ରୀମନ୍ଦିରରେ ଅଣନିଶ୍ୱାସୀ । ପାଟଅଗଣାରେ ଶ୍ରଦ୍ଧାଳୁଙ୍କ ଅସମ୍ଭାଳ ଭିଡ଼ । ତେବେ ଭିଡ଼ ଭିତରେ କିଛି ଶ୍ରଦ୍ଧାଳୁଙ୍କୁ ମେଡିକାଲରେ…
ମୋହନା(କେନ୍ୟୁଜ): ସମ୍ପର୍କୀୟ ଶଳାକୁ ଗୁଳି କରି ହତ୍ୟା କଲା ଭିଣୋଇ । ଏଭଳି ଅଭାବନୀୟ ଘଟଣା ଘଟିଛି ଗଜପତି ଜିଲ୍ଲା ମୋହନା…
ରେଢାଖୋଲ(କେନ୍ୟୁଜ): ଘର ଭିତରେ ମୃତଦେହ। ଉଦ୍ଧାର ହେଲା କନିଷ୍ଠ କିରାଣିଙ୍କ ମୃତଦେହ । ମୃତକ ରେଢାଖୋଲ ନାକଟିଦେଉଳ ତହସିଲ କାର୍ଯ୍ୟାଳୟରେ…
ରାଉରକେଲା(କେନ୍ୟୁଜ): ଚୋରମାନେ ଘର, ଦୋକାନ, ବଜାର ଓ ମନ୍ଦିରରୁ ଚୋରି କରୁଥିବା ତ ଆପଣମାନେ ଜାଣିଥିବେ । କିନ୍ତୁ ଚୋରମାନେ…