ଭୁବନେଶ୍ବର: ୩୫୦ କୋଟି ଟଙ୍କାର ଚିଟଫଣ୍ଡ ସ୍କାମରେ ଦୁଇ ଅଭିଯୁକ୍ତଙ୍କ ଜାମିନ ଖାରଜ । ଓଡ଼ିଶା ହାଇକୋର୍ଟ ଜାମିନ ଦେଇଥିବା ବେଳେ ସୁପ୍ରିମକୋର୍ଟ ଏହାକୁ ଖାରଜ କରି ଦେଇଛନ୍ତି । ଏହି ବଡ଼ ଧରଣର ସ୍କାମରେ ସୁପ୍ରିମକୋର୍ଟ କଡ଼ା ଟିପ୍ପଣୀ ରଖିଛନ୍ତି । ଯେହେତୁ ନିରୀହ ଜମାକାରୀଙ୍କଠାରୁ ବଡ଼ ଧରଣର ଟଙ୍କା ଠକେଇ ହୋଇଛି ତେଣୁ ହାଇକୋର୍ଟ ସେମାନଙ୍କୁ ଜାମିନ ମଂଜୁର କରିବାର ନଥିଲା ବୋଲି କହିଛନ୍ତି । ଏଭଳି ବହୁ ଟଙ୍କାର ଅର୍ଥନୈତିକ ଅପରାଧ ସ୍କାମ୍କୁ ଖୁବ୍ ଗମ୍ଭୀରତାର ସହ ନେଉଛୁ ବୋଲି ସର୍ବୋଚ୍ଚ ଅଦାଲତ କହିଛନ୍ତି । ଚିଟଫଣ୍ଡ କଂପାନୀ ଟାୱାର ଇନଫୋଟେକ ଲିମିଟେଡର ସିଏମଡି ରମେନ୍ଦୁ ଚଟ୍ଟୋପାଧ୍ୟାୟ ଓ ନିର୍ଦ୍ଦେଶକ ଆଶିଷ ଚାଟାର୍ଜୀଙ୍କ ଜାମିନ ଖାରଜ ହୋଇଯାଇଛି ।
ଚିଟଫଣ୍ଡ କଂପାନୀ ଟାୱାର ଇନଫୋଟେକ ପ୍ରଲୋଭନ ଦେଖାଇ ଜମାକାରୀଙ୍କଠାରୁ ୩୫୦ କୋଟି ଟଙ୍କା ଠକି ନେଇଥିବା ଅଭିଯୋଗ ହୋଇଥିଲା । ଏନେଇ ୨୦୧୩ ମସିହା ମେ ୧୫ରେ ବାଲେଶ୍ୱର ଜିଲ୍ଲା ବାଲିଆପାଳ ଥାନାରେ ମାମଲା ରୁଜୁ ହୋଇଥିଲା । ମାମଲାରେ କଂପାନୀ ସିଏମଡି ରମେନ୍ଦୁ ଚଟ୍ଟୋପାଧ୍ୟାୟ ଓ ନିର୍ଦ୍ଦେଶକ ଆଶିଷ ଚାଟାର୍ଜୀଙ୍କୁ ସିବିଆଇ ଗତ ୨୦୧୬ ମସିହା ମାର୍ଚ୍ଚ ୧୦ ତାରିଖରେ ଗିରଫ ହୋଇଥିଲେ । ଏହାପରେ ୨୦୧୭ ମସିହା ଅଗଷ୍ଟ ୧୭ରେ ହାଇକୋର୍ଟ ଜାମିନ ମଂଜୁର କରିଥିଲେ । ଏହାକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରାଯାଇଥିଲା । ସୁପ୍ରିମକୋର୍ଟଙ୍କ ବିଚାରପତି ଜଷ୍ଟିସ ମୋହନ ଏମ. ସାନ୍ତାନଗୌଦାର ଓ ଜଷ୍ଟିସ ସଞ୍ଜୀବ ଖାନ୍ନାଙ୍କ ଖଣ୍ଡପୀଠ ହାଇକୋର୍ଟ ଦେଇଥିବା ଜାମିନ ଆବେଦନକୁ ଖାରଜ କରିଦେଇଛନ୍ତି ।
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…
ଭୁବନେଶ୍ୱର: ବଦଳିଲା ପାଣିପାଗର ମିଜାଜ। ରାଜଧାନୀର ବିଭିନ୍ନ ସ୍ଥାନରେ ପ୍ରବଳ ବର୍ଷା । ଭୁବନେଶ୍ୱରର ବିଭିନ୍ନ ସ୍ଥାନରେ ପ୍ରବଳ ବର୍ଷା…