ଦିଲ୍ଲୀର ତିହାର ଜେଲରେ ପୁଣି ଦୁଇ ଗୋଷ୍ଠୀ କଏଦୀଙ୍କ ମଧ୍ୟରେ ସଂଘର୍ଷ ଘଟିଛି । ଶୌଚାଳୟ ଯିବାକୁ ନେଇ ଦୁଇ ଗୋଷ୍ଠୀ ସଂଘର୍ଷ କରିଥିଲେ । ଉଭୟ ଗୋଷ୍ଠୀ ପରସ୍ପର ସହ କେବଳ ମାରପିଟ କରି ନ ଥିଲେ, ବରଂ ଛୁଞ୍ଚିରେ ମଧ୍ୟ ଆକ୍ରମଣ କରିଥିଲେ । ଜେଲ ସୂତ୍ରରୁ ପ୍ରକାଶ ଯେ ଏହି ଘଟଣା ତିହାରର ୩ ନମ୍ବର ଜେଲରେ ଘଟିଛି ।
ଜେଲରେ ନିଜର ଦବଦବା କାଏମ୍ ରଖିବାକୁ ନେଇ ଦୁଇ ଗୋଷ୍ଠୀ ପରସ୍ପର ସହ ସଂଘର୍ଷ କରିଥିଲେ । ଦେଖୁ ଦେଖୁ ମାମଲା ଏତେ ବଢ଼ିଯାଇଥିଲା ଯେ ଛୁଞ୍ଚିରେ ମଧ୍ୟ ସେମାନେ ଆକ୍ରମଣ କରିବାକୁ ପଛାଇ ନ ଥିଲେ । ଏହି ଗୋଷ୍ଠୀ ସଂଘର୍ଷରେ ୪ ଜଣ କଏଦୀ ଆହତ ହୋଇଥିବା ସୂଚନା ରହିଛି । ଘଟଣା ସୋମବାର ଘଟିଥିଲା । ଏ ନେଇ ହରିନଗର ଥାନାରେ ମାମଲା ରୁଜୁ କରି ପୋଲିସ ତଦନ୍ତ ଆରମ୍ଭ କରିଛି ।
ସୂଚନା ଅନୁସାରେ, ମାରପିଟ ବେଳେ ଏକ ଗୋଷ୍ଠୀ ଅନ୍ୟ ଗୋଷ୍ଠୀର ୪ ଜଣଙ୍କୁ ଜେଲ ତିଆରି ଛୁଞ୍ଚିରେ ଆକ୍ରମଣ କରିଥିଲେ । କଏଦୀମାନଙ୍କ ଚିତ୍କାର ଶୁଣି ଜେଲ୍ର ୱାର୍ଡେନ ଘଟଣାସ୍ଥଳରେ ପହଞ୍ଚିଥିଲେ ଏବଂ ତୁରନ୍ତ ଆହତମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଇଥିଲେ ।
କହି ରଖୁଛୁ ଯେ ଦେଶର ସବୁଠାରୁ ସୁରକ୍ଷିତ ଜେଲ୍ କୁହାଯାଉଥିବା ତିହାରରେ ଏଭଳି ଘଟଣା ପ୍ରଥମ ନୁହେଁ, ପୂର୍ବରୁ ମଧ୍ୟ କଏଦୀମାନଙ୍କ ମଧ୍ୟରେ ସଂଘର୍ଷ ଏବଂ ଗ୍ୟାଙ୍ଗ୍ଓ୍ଵାର ଭଳି ଖବର ଆସିସାରିଛି । ୨୦୨୩ରେ ଠିକ୍ ଏହିଭଳି ଏକ ଘଟଣା ଘଟିଥିଲା । ତିହାରରେ ରହୁଥିବା ଗ୍ୟାଙ୍ଗଷ୍ଟର ଟିଲୁ ତାଜପୁରିଆଙ୍କୁ ଛୁରୀରେ ଆକ୍ରମଣ କରି ହତ୍ୟା କରାଯାଇଥିଲା । ଏହି ଘଟଣାର ଭିଡିଓ ଅତ୍ୟନ୍ତ ଭୟଙ୍କର ଥିଲା । ଅନ୍ୟ ଗୋଷ୍ଠୀର କଏଦୀମାନେ ଟିଲୁଙ୍କୁ ଘୋଷାଡ଼ି ନେଇଯାଇଥିଲେ ଏବଂ ତାଙ୍କୁ ଘେରି ଯାଇ ବାରମ୍ବାର ଛୁରୀ ଭୁସିଥିଲେ ।
ଏବେ ଶୌଚାଳୟ ବ୍ୟବହାରକୁ ନେଇ ଦୁଇ ଗୋଷ୍ଠୀ ମଧ୍ୟରେ ରକ୍ତାକ୍ତ ସଂଘର୍ଷ ଘଟିଛି । ଦୁଇ ଗୋଷ୍ଠୀ ପରସ୍ପରକୁ ଛୁଞ୍ଚିରେ ଆକ୍ରମଣ କରିଛନ୍ତି ।
ଆଜିକାଲି ପାର୍ଲର ଯିବା ଏକ ପ୍ରକାର ଫେସନ୍ ହୋଇଗଲାଣି । ଅଧିକାଂଶ ଯୁବପିଢ଼ି ପାର୍ଲର ଯିବାକୁ ପସନ୍ଦ କରିଥାଆନ୍ତି ।…
ଗୋପ : ଶେଷ ରଜରେ ପର୍ଯ୍ୟଟନ କ୍ଷେତ୍ର କୋଣାର୍କ ସମେତ ଚନ୍ଦ୍ରଭଗା ଓ ରାମଚଣ୍ଡୀ ପୀଠରେ ନାହିଁ ନଥିବା ଭିଡ଼…
ଇଭିଏମ୍ ଅନ୍ଲକ କରିବା ପାଇଁ କୌଣସି ଓଟିପିର ଆବଶ୍ୟକ ହୁଏନାହିଁ । ନିର୍ବାଚନ ଆୟୋଗ ଏକ ସାମ୍ବାଦିକ ସମ୍ମିଳନୀରେ ଏହି…
ବେଗୁନିଆ : ଭାରସାମ୍ୟ ହରାଇ ଓଲଟିଲା ବୋଲେରୋ । ବୋଲଗଡ ଦେଇ ଯାଇଥିବା ଜାତୀୟ ରାଜପଥର ପଞ୍ଚୁକୋଟ ନିକଟରେ ରାୟଗଡ଼ାରୁ…
ଯୁଗାଡ଼କୁ ନେଇ ଭାରତରେ କୌଣସି ବିରତି ନାହିଁ । ଏଠାରେ ପ୍ରତ୍ୟେକ ସମସ୍ୟାର ସୁଲଭ ଏବଂ ଦୃଢ଼ ସମାଧାନ ରହିଛି…
ଆଳି : ହୁତୁ ହୁତୁ ହୋଇ ଜଳିଗଲା ୪ବଖରା ଘର । କେନ୍ଦ୍ରାପଡା ଜିଲ୍ଲା ଆଳି ଥାନା ଅନ୍ତର୍ଗତ ବଡ଼ମାନପୁର…