photo : timesofindia
ବିହାରରେ ୬୦ ଫୁଟ୍ ଲମ୍ବର ଲୁହା ବ୍ରିଜ ଚୋରି ହେବାର ଗୋଟିଏ ବର୍ଷ ପରେ ଉତ୍ତରପ୍ରଦେଶର କୌଷିମ୍ବି ଜିଲ୍ଲାର ଉଜ୍ଜୟିନୀ ଗ୍ରାମରେ ୫୦ ଟନରୁ ଅଧିକ ଓଜନ ବିଶିଷ୍ଟ ୫୦ ମିଟର ଉଚ୍ଚ ମୋବାଇଲ ଟାଓ୍ଵାର ଚୋରି ହୋଇଛି । ସୂଚନା ମୁତାବକ, ବୁଧବାର ଅର୍ଥାତ ନଭେମ୍ବର ୨୯ରେ ଟେକ୍ନିସିଆନ ରାଜେଶ କୁମାର ଯାଦବ ପୋଲିସକୁ ଏହି ବିଷୟରେ ସୂଚନା ଦେଇଥିଲେ । କିନ୍ତୁ ରାଜେଶ କୁମାର ଯାଦବଙ୍କ ଅଭିଯୋଗରେ କୁହାଯାଇଛି ଯେ ମାର୍ଚ୍ଚ ୩୧ରେ ଏହା ନିଖୋଜ ହୋଇଯାଇଥିଲା । ତାଙ୍କ ଅଭିଯୋଗ ଅନୁସାରେ ପୋଲିସ ଆଇପିସି ଧାରା ୩୭୯ର ଚୋରି ଅନୁଯାୟୀ ଏହାକୁ ନେଇ ଏକ ଏଫଆଇଆର ଦାଖଲ କରିଛି ।
ସେହି ଅଭିଯୋଗରେ କୁହାଯାଇଛି ଯେ କେବଳ ଟାଓ୍ଵାର ନୁହେଁ ବରଂ ମୋବାଇଲ ଟାଓ୍ଵାର ଆସେମ୍ବଲିର ସବୁ ଅଂଶ ଯେପରି ଏକ ଶେଲ୍ଟର, ବିଦ୍ୟୁତର ଫିଟିଙ୍ଗ ଏବଂ ଅନ୍ୟାନ୍ୟ ଯନ୍ତ୍ରପାତି ମଧ୍ୟ ନିଖୋଜ ରହିଛି । ସେହି ସବୁ ଜିନିଷର ମୂଲ୍ୟ ପ୍ରାୟ ୮.୫ ଲକ୍ଷରୁ ଅଥିକ ବୋଲି କୁହାଯାଉଛି । ଏହି ଘଟଣା ଯୋଗୁ ଗୁରୁବାର ଦିନ ସାରା ଦିନ ପୋଲିସ ଅସୁବିଧାରେ ପଡିଥିଲା । ସନ୍ଦୀପ ଘାଟ ପୋଲିସ ଷ୍ଟେସନର ଏକ ଟିମ୍ ଏହି ମାମଲାକୁ ଯାଞ୍ଚ କରିଛି ।
ଟେକ୍ନିସିଆନ ରାଜେଶ କୁମାର ଯାଦବଙ୍କ ଅଭିଯୋଗରେ କହିଛନ୍ତି ଯେ ତାଙ୍କ କମ୍ପାନୀ ଚଳିତ ବର୍ଷ ଜାନୁଆରୀରେ କୌଷିମ୍ବି ଜିଲ୍ଲାର ଉଜ୍ଜୟିନୀ ଗ୍ରାମରେ ଥିବା ଉବଦ୍ ଉଲ୍ଲାଙ୍କ ଚାଷ ଜମିରେ ଏକ ଟାଓ୍ଵାର ସ୍ଥାପନ କରିଥିଲେ । ଏହା ସହ ଯାଦବ ଏପରି ମଧ୍ୟ କହିଛନ୍ତି ଯେ ଯେତେବେଳେ ସେ ମାର୍ଚ୍ଚ ୩୧ରେ ଯାଞ୍ଚା ପାଇଁ ସେହି ସ୍ଥାନକୁ ଯାଇଥିଲେ, ସେତେବେଳେ ସେହି ସ୍ଥାନରେ ଅନ୍ୟାନ୍ୟ ଜିନିଷ ସହିତ ପୂରା ଟାଓ୍ଵାର ନିଖୋନ ଥିଲା । ସେଠାରେ ସେହି ସବୁ ଜିନିଷର କୌଣସି ଚିହ୍ନ ମଧ୍ୟ ଦେଖିବା ପାଇଁ ମିଳିନଥିଲା ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…