ସୋସିଆଲ ମିଡିଆରେ ଜଣେ ୬ ବର୍ଷ ବାଳକର ଭିଡିଓ ଖୁବ୍ ଭାଇରାଲ ହେଉଛି, ଯାହାକି ଲୋକଙ୍କୁ ଭାବୁକ କରିଦେଇଛି। ଆମେରିକାର ଓହିୟାଁରେ ରହୁଥିବା ଜନ୍ ଓଲିଭର୍ ଜିପ୍ପି ନାମକ ଏହି ବାଳକ କ୍ୟାନ୍ସରକୁ ହରାଇ ୩ ବର୍ଷ ପରେ ସ୍କୁଲ ଫେରିଛନ୍ତି। ଜନ୍ଙ୍କ ଭଳି ଜଣେ ଧୌଯ୍ୟର୍ବାନ୍ ଛାତ୍ରଙ୍କୁ ଲମ୍ବା ସମୟ ପରେ ସ୍କୁଲରେ ଦେଖି ସମସ୍ତ ଛାତ୍ରଛାତ୍ରୀ ଏବଂ ଶିକ୍ଷକମାନେ ଜୋର୍ଦାର ସ୍ୱାଗତ କରିଥିଲେ। ଏଥିପାଇଁ ସେମାନେ ସ୍କୁଲ ଗେଟ୍ଠାରୁ କ୍ଲାସ୍ରୁମ୍ ପଯ୍ୟର୍ନ୍ତ ଲମ୍ବା ଲାଇନ୍ରେ ଛିଡ଼ା ହୋଇ ତାଳି ମାରିଥିଲେ ଏବଂ ଜନ୍ଙ୍କ ମନୋବଳ ଦୃଢ଼ କରିଥିଲେ। ରିପୋର୍ଟ ମୁତାବକ, ଜନ୍ ତାଙ୍କର ଶେଷ କେମୋଥେରାପି ପରେ ସ୍କୁଲ ଯାଇଥିଲେ।
୨୦୧୬ରେ ଜନ୍ଙ୍କୁ ‘acute lymphoblastic leukemia’ ହୋଇଥିବାର ଜଣାପଡ଼ିଥିଲା। ଏହି ସମୟରେ ତାଙ୍କ ବୟସ ଥିଲା ମାତ୍ର ୩ ବର୍ଷ। ଜନ୍ଙ୍କ ବାପା ଜନ୍ ଜିପ୍ପିଙ୍କ କହିବା ମୁତାବକ, ୨୭ ଡିସେମ୍ବରରେ ତାଙ୍କ ପୁଅର ଶେଷ କେମୋଥେରାପି ହୋଇଥିଲା। ଏବେ ସେ ସୁସ୍ଥ ଅଛି। ଶୁକ୍ରବାର ସ୍କୁଲ ଯିବା ଆରମ୍ଭ କରିଛି। ସେ କହିଛନ୍ତି ଯେ ‘ମୁଁ ପରିବାର, ସାଙ୍ଗସାଥି, ସ୍କୁଲ ଏବଂ ହସ୍ପଟାଲ ଲୋକଙ୍କୁ ଧନ୍ୟବାଦ ଦେବାକୁ ଚାହୁଁଛି। କାରଣ, ସମସ୍ତେ ସେହି ପରିସ୍ଥିତିରେ ଆମ ସାଥୀରେ ଛିଡ଼ା ହୋଇଥିଲେ’।
‘୨୦୧୬ରେ ହଠାତ୍ ଜନ୍ ତଳେ ପଡ଼ିଯାଇଥିଲେ। ତାଙ୍କ ମୁଣ୍ଡ ଖଟରେ ପିଟି ହୋଇଯାଇଥିଲା। ଆମେ ତାଙ୍କୁ ତୁରନ୍ତ ଡାକ୍ତରଙ୍କ ପାଖକୁ ନେଇଯାଇଥିଲୁ। କିଛି ଟେଷ୍ଟ୍ ହୋଇଥିଲା। ଦିନେ ସନ୍ଧ୍ୟାରେ ଡାକ୍ତର କଲ୍ କରି ଜନ୍ଙ୍କୁ ଯଥାଶୀଘ୍ର ହସ୍ପିଟାଲରେ ଭର୍ତ୍ତି କରିବାକୁ କହିଥିଲେ। ସେତେବେଳେ ଆମକୁ ଜଣାପଡ଼ିଥିଲା ଯେ ଜନ୍ଙ୍କୁ କ୍ୟାନ୍ସର ହୋଇଛି। ଆମେ ତାକୁ ଯେମିତି ବି ହେଲେ ସୁସ୍ଥ କରିବାକୁ ଚାହୁଁଥିଲୁ। ସେ ୩ ବର୍ଷ ବହୁତ କଷ୍ଟରେ ଥିଲା’ ବୋଲି ଜନ୍ଙ୍କ ବାପା କହିଛନ୍ତି।
ଜନ୍, ସେଣ୍ଟ ହେଲନ୍ କ୍ୟାଥୋଲିକ୍ ସ୍କୁଲର ଛାତ୍ର। ସ୍କୁଲ ପ୍ରିନ୍ସିପାଲ ପ୍ୟାଟ୍ରିକ୍ ଗାନ୍ନୋନ୍ କୁହନ୍ତି, ‘ଜନ୍ ଓଲିଭର୍ ପୁଣିଥରେ ସ୍କୁଲ ଆସିବା ଦେଖି ତାଙ୍କର ସମସ୍ତ ସାଙ୍ଗ ଏବଂ ଶିକ୍ଷକ ବହୁତ ଖୁସି ଅଛନ୍ତି। ସ୍କୁଲ ତରଫରୁ ତାଙ୍କୁ ସବୁ ପ୍ରକାର ସପୋର୍ଟ ଦିଆଯାଇଛି’।
video courtesy: youtube
ମେଷ: ଲାଭ ବଢ଼ିବ ଏବଂ ଆୟରେ ବୃଦ୍ଧି ଘଟିବ । କୌଣସି ନୂଆ ଆଇଡିଆ ଆପଣଙ୍କୁ ଆଗକୁ ନେବାରେ ସହାୟକ…
ଆଳି : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଦିନ ମଜୁରିଆଙ୍କ ମୃତ୍ୟୁ ଘଟିଛି । କ୍ଷତିପୁରଣ ଦାବିରେ କଟକ-ଚାନ୍ଦବାଲି…
ବ୍ୟାଟେରୀ ଗାଡିରୁ ସର୍ଟ ସର୍କିଟ ହୋଇ ଫାଟିଗଲା ଗ୍ୟାସ ଟାଙ୍କି ଜଳିଗଲା ଘର । ବାରିପଦା ସଦର ଥାନା ଅନ୍ତର୍ଗତ…
କେନ୍ୟୁଜ (ବ୍ୟୁରୋ) : ଆଜି ମୋହନ ମାଝୀଙ୍କ ସରକାରରେ ମନ୍ତ୍ରୀମାନଙ୍କୁ ବିଭାଗ ବଣ୍ଟନ କରାଯାଇଛି । ମୁଖ୍ୟମନ୍ତ୍ରୀ ନିଜ ପାଖରେ…
ସୋର: ଥାନା ସମ୍ମୁଖରେ ହୋହାଲ୍ଲା ପାଟିତୁଣ୍ଡ । କମ୍ପୁଛି ସ୍ଥାନୀୟ ଅଞ୍ଚଳ । ଆପଣ ଭାବୁଥିବେ ଥାନା ସମ୍ମୁଖରେ ଏତେ…
ପୁରୀ : ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ଜେଟିପିଙ୍କୁ ଭକ୍ତଙ୍କ ଆକ୍ରମଣ ଅଭିଯୋଗ । ଆହତ ଜେଟିପି ହେଉଛନ୍ତି ଲଷ୍ମୀଧର ଉପାଧ୍ୟାୟ…