ନୂଆଦିଲ୍ଲୀ : କୁହାଯାଏ ‘ଭଗବାନଙ୍କ ଅନ୍ୟ ନାମ ଡାକ୍ତର’ । ଲୋକଙ୍କ ସେବାରେ ନିଜର ଜୀବନ ଉତ୍ସର୍ଗ କରିଦେଉଥିବା ଡାକ୍ତରଙ୍କ ଅନେକ କାହାଣୀ ରହିଛି । ହେଲେ ଏମିତି ଜଣେ ଡାକ୍ତର ଅଛନ୍ତି ଯାହାର ଜୀବନ ନେବା ଏକ ନିଶା । ଏହି ଡାକ୍ତର ଜଣକ ୧୦୦ରୁ ଉର୍ଦ୍ଧ୍ୱ ଲୋକଙ୍କୁ ହତ୍ୟା କରିଥିବା ଅଭିଯୋଗ ହୋଇଛି ।
ପୋଲିସ୍ ଆଗରେ ସେ ଦେଇଥିବା ବୟାନ ଯେତିକି ଦୁଃଖଦାୟକ ସେତିକି ଭୟାନକ । ସେ ପ୍ରାୟ ୫୦ ଜଣଙ୍କୁ ହତ୍ୟା କରିବା ପରେ ଆଉ ଗଣି ନାହାଁନ୍ତି ବୋଲି କହିଛନ୍ତି ପୋଲିସ୍ ଆଗରେ । ୬୨ ବର୍ଷ ବୟସ୍କ ଦେବେନ୍ଦ୍ର ହେଉଛି ଜଣେ ଆୟୁର୍ବେଦିକ ଡିଗ୍ରୀଧାରୀ ଡାକ୍ତର । ସେ ଉତ୍ତରପ୍ରଦେଶ ଅଲିଗଡ଼ ଜିଲ୍ଲା ପୁରେନୀ ଗାଁର ବାସୀନ୍ଦା । ହେଲେ ଦିଲ୍ଲୀ, ଉତ୍ତରପ୍ରଦେଶ,ହରିୟାଣା ଓ ରାଜସ୍ଥାନର ବିଭିନ୍ନ ସ୍ଥାନରେ ତା’ ନାଁରେ ମାମଲା ରହିଛି ।
ପୋଲିସ ଏହିସବୁ ମାମଲାର ଯାଞ୍ଚ ଜାରି ରଖିଛି । ଦେବେନ୍ଦ୍ର ଦିଲ୍ଲୀ ଓ ପଡୋଶୀ ରାଜ୍ୟର ଟ୍ରକ୍ ଓ ଟ୍ୟାକ୍ସି ଡ୍ରାଇଭରଙ୍କ ୫୦ରୁ ଅଧିକ ହତ୍ୟା ମାମଲାରେ ଅଭିଯୁକ୍ତ । ସେ ପ୍ରଥମେ ନକଲି ଗ୍ୟାସ୍ ଏଜେନ୍ସୀ କରି ଗିରଫ ହୋଇଥିଲା । ପରେ ଏକ ହତ୍ୟା ଅପରାଧରେ ଦିଲ୍ଲୀ ପୋଲିସ ଦ୍ୱାରା ଗିରଫ ହୋଇ ପାରୋଲରେ ଯାଇଥିଲା । ସେ କିଡନୀ ଚୋରୀ ଗ୍ୟାଙ୍ଗ୍ ସହ ମଧ୍ୟ ଜଡିତ ଥିଲା ବୋଲି ପୋଲିସ ଜାଣିବାକୁ ପାଇଛି ।
ହେଲେ ପାରୋଲରେ ଯାଇ ଆଉ ଫେରିନଥିଲା । ସେ ଦିଲ୍ଲୀ ବପରୋଲା ଯାଇ ସେଠାରେ ଜଣେ ବିଧବାଙ୍କୁ ବିବାହ କରି ଆତ୍ମ ଗୋପନ କରି ରହୁଥିଲା । ପୋଲିସ କୈାଣସି ସୂତ୍ରରୁ ଖବର ପାଇ ଦେବେନ୍ଦ୍ରକୁ ମଙ୍ଗଳବାର ଗିରଫ କରିଛି । ମହେନ୍ଦ୍ର ନାମରେ ବିଭିନ୍ନ ରାଜ୍ୟରେ ବହୁ ଅପରାଧୀକ ମାମଲା ଥିବା ପୋଲିସ କହିଛି ।
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…
ବାଲେଶ୍ବର(କେନ୍ୟୁଜ୍): ବାଲେଶ୍ବରରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ପରେ ୧୪୪ ଧାରା ଜାରି। କୌଣସି ଏକ କାରଣରୁ ଭୁଜାଖିଆ ପୀର…
ସୁବର୍ଣ୍ଣପୁର(କେନ୍ୟୁଜ୍) : ପୁଣି ସାମ୍ନାକୁ ଆସିଲା ପିଲାଚୋରି ଅଭିଯୋଗ । ପୂର୍ବରୁ ଏପରି ଘଟଣା ଅନେକ ଥର ଆମ ସାମ୍ନାକୁ…
କୋଲକାତା (କେନ୍ୟୁଜ) : ପୁଣ୍ୟତୋୟା ଗଙ୍ଗା ଘାଟଗୁଡ଼ିକ ଧର୍ମ ସଂସ୍କୃତି ଓ ଆସ୍ଥାର ପ୍ରମୁଖ ସ୍ଥଳୀ ଭାବରେ ପରିଚିତି ଲାଭ…
ତାଳଚେର (କେନ୍ୟୁଜ) : ଯଦି ଆପଣ କେବେ ନିଜ ଘର ତାଲା ପକାଇ ବନ୍ଧୁ ଘର କିମ୍ବା ସମ୍ପର୍କୀୟଙ୍କ ଘରକୁ…